Дыялекталагічная практыка – 2014

Подробности

Просмотров: 1925

У адпаведнасці з вучэбным планам з 7 па 19 ліпеня 2014 года, на самай макушцы лета, у студэнтаў філалагічнага факультэта спецыяльнасці “Беларуская філалогія” ўстановы адукацыі “ГДУ імя Ф. Скарыны” праходзіла дыялекталагічная практыка.

У гэтым годзе будучыя выкладчыкі беларускай мовы і літаратуры, спецыялісты па камп’ютарным забеспячэнні, а таксама супрацоўнікі газет і часопісаў праходзілі знаёмства з асаблівасці гаворак у населеных пунктах Буда-Кашалёўскага, Добрушскага і Гомельскага раёнаў.

Дыялекталагічная практыка спрыяе замацаванню ведаў, набытых на лекцыйных і практычных занятках па дыялекталогіі. Такая форма працы з’яўляецца вельмі важнай часткай вучэбнага працэсу пры падрыхтоўцы спецыялістаў-філолагаў. Асаблівасць яе правядзення заключаецца ў тым, што ў студэнтаў з’яўляецца магчымасць замацаваць практычна атрыманыя тэарэтычныя веды, набыць навыкі збіральніцкай і апрацоўчай работы.

Установачная канферэнцыя па дыялекталагічнай практыцы адбывалася 7 ліпеня 2014 года. Падчас канферэнцыя  адбылася кансультацыя са студэнтамі, у час якой загадчык кафедры беларускай мовы Ермакова Алена Мікалаеўна растлумачыла мэты і задачы дыялекталагічнай практыкі, паведаміла студэнтам тэму і заданні па зборы фактычнага матэрыялу. Таксама  быў зроблены інструктаж па тэхніцы бяспекі. Студэнты азнаёміліся з узорамі справаздачнай дакументацыі па тэме, з патрабаваннямі да афармлення лексічнага матэрыялу для дыялекталагічнага архіва.

Кіраўнікі практыкі – выкладчыкі кафедры беларускай мовы Дземідзенка Л. П., Кузьміч Л. П., Мінакова Л. М., Хазанава К. Л. – расказалі аб адметнасцях запаўнення картак з сабраным моўным матэрыялам і адзначылі пра неабходнасць захавання адметнасцей мясцовага вымаўлення ў працэсе фіксацыі сабранага дыялектнага матэрыялу на картках. Была звернута ўвага на тое, што неабходна і вельмі важна запісваць этнаграфічны матэрыял правільна, з захаваннем асаблівасцей мясцовай гаворкі, указваць пры кожнай адзінцы яе граматычныя прыкметы і лексічнае значэнне, прыводзіць кожную лексікаадзінку ў кантэксце, дакладна ўказваць іншыя дадзеныя: крыніцу моўных адзінак, кім запісана. Разам з тым асобную ўвагу студэнты павінны звярнуць на занатоўванне фактычнага матэрыялу ў электронным выглядзе. Фактычны матэрыял пры гэтым павінен суправаджацца фотаматэрыяламі. Увесь сабраны матэрыял афармляецца і здаецца ў друкаваным і электронным выглядзе, да гэтага дадаюцца рукапісныя чарнавыя запісы студэнтаў.

Подробнее: Дыялекталагічная практыка – 2014

АДКРЫЦЦЁ ЛІТАРАТУРНАГА МУЗЕЯ Alma mater

Подробности

Просмотров: 1655

Значная для нашага горада культурная падзея адбылася 26 чэрвеня ў нашым універсітэце: адкрыццё літаратурнага музея “Аlma mater”.

Гомельскі  дзяржаўны  ўніверсітэт нездарма носіць імя Францыска Скарыны. Універсітэт мае сталыя літаратурныя традыцыі, пра якія распавёў ініцыятар стварэння музея, загадчык кафедры беларускай літаратуры, прафесар І. Ф. Штэйнер: “Гісторыя нашай літаратурнай Alma mater бярэ пачатак яшчэ з 1930-х гадоў. У нашай ВНУ вучыліся Леанід Гаўрылаў, Мікола Сурначоў, Кастусь Кірэенка, Паўлюк Прануза, якія атрымалі дыпломы ў першыя дні Вялікай Айчыннай вайны. Леанід Гаўрылаў і Мікола Сурначоў загінулі, абараняючы радзіму. Цяпер ніводная славянская анталогія ваеннай паэзіі ўжо не можа адбыцца без славутай балады М. Сурначова “У стоптаным жыце”. Невыпадкова сам аўтар “Василия Тёркина” А. Твардоўскі перастварыў яе на рускую мову і трагедыйныя радкі твора загучалі ў суладдзі з радкамі “Его зарыли в шар земной”. Вельмі пранікнёна сказаў І. Штэйнер пра Л. Гаўрылава: “Уваходзіны так і засталіся спадчынай. Але і па гэтых творах мы бачым, якога паэта ад нас забрала вайна. Жыццё, смерць і бяссмерце маладога воіна звязаны і з подзігам яго маці, якая ў невыносных умовах захавала на ўласных грудзях сшытачак з творамі сына і яго сціплы здымак, тым самым уратаваўшы яго голас ад векавога забыцця. Маці дала творам сына другое жыццё, дзякуючы яе мацярынскай любасці і веры мы сёння можам ізноў пачуць пранікнёныя вершы яе сына”.

Подробнее: АДКРЫЦЦЁ ЛІТАРАТУРНАГА МУЗЕЯ Alma mater

Пушкинские чтения в Гомельском государственном университете имени Ф. Скорины

Подробности

Просмотров: 2689

9 июня 2014 года в Гомельском государственном университете имени Ф. Скорины были проведены Пушкинские чтения. В проведении этого мероприятия, инициатором которого выступила кафедра русского, общего и славянского языкознания, принял участие заместитель руководителя Представительства Россотрудничества, первый секретарь Посольства Российской федерации в Республике Беларусь Виктор Львович Мичурин.
Во время официальной встречи В.Л. Мичурина с ректором университета членом-корреспондентом НАН Беларуси А.В. Рогачевым шла речь о разностороннем сотрудничестве ведущего регионального вуза с вузами и научными учреждениями Российской Федерации, намечались перспективы дальнейшей совместной работы.
Пушкинские чтения стали органическим продолжением Дней русской культуры и русского языка, приуроченных ко дню рождения великого поэта – 6 июня. Именно в этот день кафедрой был организован и проведен ставший традиционным Пушкинский диктант, участниками которого были не только преподаватели и студенты филологического, но и других факультетов ГГУ им. Ф. Скорины.

Результаты диктанта, полученные преподавателями кафедры-организатора (а они были отличными!), не учитывались, а среди победителей оказались: декан биологического факультета кандидат биологических наук доцент Ольга Михайловна Храмченкова и два преподавателя-филолога: кандидат филологических наук доцент кафедры русской и мировой литературы Наталья Павловна Капшай и кандидат филологических наук доцент кафедры белорусской культуры и фольклористики Елена Николаевна Полуян.

Подробнее: Пушкинские чтения в Гомельском государственном университете имени Ф. Скорины

Ура! Канiкулы!!

Подробности

Просмотров: 1610

Нарэшце, яны надышлі – доўгачаканыя і такія імгненныя і хуткія... Як правесці адпачынак з максімальнай карысцю??? Наведаць новыя цікавыя мясціны і запрасіць у падарожжа сяброў!

За чыстым паветрам – на Браслаўскія азёры!!!! 

Адно з іх – возера Дрывяты. Тут нас чакае надзвычай прыгожая прыроды і непаўторная атмасферы. Цішыня, заходы сонца, спевы птушак, а яшчэ – храмы, старажытныя курганы, “дзікія” бухты і астраўкі. І, канешне, лета – гэта пляжы, загар і купанне. Вада на возеры праграваецца ўжо да сярэдзіны чэрвеня. А нават калі надвор’е і сапсуецца, то ёсць шматлікія цікавыя экскурсіі: можна наведаць вёску Мосар, прагуляцца па мясцовым дэндрапарку і зайсці ў касцёл Святой Ганны, наведаць старажытны Полацк, падняцца на гару Маяк і паглядзець на азёры з вышынь птушынага палёту, наведаць гарадзішча Масковічы і курганныя групы ў вёсках Укля і Опса. У самім Браславе ёсць замкавая гара, касцёл Нараджэння Дзевы Марыі, а таксама рыначак са свежымі ягадамі і грыбамі. А яшчэ традыцыя Браслаўскіх азёр – рыбалка! Задавальненне ад рыбнай лоўлі гарантавана нават тым, хто ўпершыню возьме ў рукі вуду.

 МЯСЦIНЫ БЕЛАРУСI 

Лясное, ахінутае паданнямі возера Свіцязь пачынае турыстычны сезон з першымі цёплымі днямі.

Заказнікі “Чырвоны бор” і “Сіньша” – мясціны Расоншчыны, якія лічацца найбольш маляўнічымі і экалагічна чыстымі ў краіне. Прыхільнікі экатурызму назіраюць тут за раслінным і жывёльным светам.

На бягучую ваду ракі Нёман можна глядзець бясконца. Адпачынак на рацэ супакоўвае і паслабляе.

Турыстычная кар’ера Аўгустоўскага канала пачалася яшчэ паміж Першай і Другой сусветнымі войнамі, калі на шлюзе Дамброўка ладзілі “Свята мора”, а па маршруце Гродна – Аўгустоў – Гродна курсіравалі два параходы.

Рака Прыпяць – непрадказальная, капрызная, цудоўная, няўрымслівая... А яшчэ – Палеская Амазонія... Сплаўляючыся па Прыпяці, пазнаеш самабытную беларускую культуру, любуешся магутнымі дубравамі, слухаеш звонкія спевы птушак і... ловіш рыбу.

Самы вялікі штучны вадаём Беларусі месціцца на рацэ Вілііі. З берагоў Вілейскага вадасховішча адкрываюцца найпрыгажэйшыя віды на водную роўнядзь, а Вілія падыходзіць для байдарачных паходаў.

Сарачанскія азёры – жамчужныя каралі Астраветчыны. Аматарам некранутай прыроды да душы прыйдуцца прагулкі па азёрных берагах, адкрытых узвышанасцях з прывабнымі панарамамі, густым лесам і крутым каньёнам.