“Дзень адчыненых дзвярэй”-2019

Подробности

Просмотров: 1637

23 сакавіка 2019 года ў нашым універсітэце праводзіўся “Дзень адчыненых дзвярэй”. Перад пачаткам сустрэчы былі арганізаваны студэнцкія інтэрактыўныя пляцоўкі, на якіх кожны факультэт прадстаўляў сябе. Філалагічны факультэт прадстаўлялі студэнты 1-2 курса – Шарнікава Анастасія і Заўтрыкава Паліна (РФ-31), Пархоменка Яўген (БФ-21), апранутыя ў беларускія і кітайскія народныя касцюмы, якія зацікавілі абітурыентаў правядзеннем інтэрактыўнай віктарыны з прызамі і магчымасцю авалодаць стараславянскім пісьмом.

У рамках універсітэцкай акцыі “Дзень адчыненых дзвярэй” на філалагічным факультэце адбылася сустрэча з выпускнікамі школ, зацікаўленымі ў паступленні на філалагічны факультэт. На сустрэчы прысутнічалі навучэнцы з розных школ, гімназій і каледжаў Гомеля і вобласці і нават суседніх абласцей: ДУА “Сярэдняя школа №17 г. Гомеля імя Франсіска дэ Міранды”, ДУА “Сярэдняя школа №44 г. Гомеля імя М.А. Лебедзева”, ДУА “Сярэдняя школа №30 г. Бабруйска”, ДУА “Гімназія №3 г. Бабруйска”, ДУА “Маркавіцкі дзяцячы сад – сярэдняя школа”, УА “Лоеўскі дзяржаўны педагагічны каледж”, УА “Гомельскі дзяржаўны педагагічны каледж імя Л.С. Выгоцкага”, некаторыя вучні прыехалі з бацькамі і настаўнікамі. Дзяцей цікавілі пытанні паступлення, пражывання, спецыфікі накірункаў кожнай спецыяльнасці, магчымасці авалодання іншымі мовамі, працэс навучання ў цэлым, размеркаванне і інш. З рэкламай факультэта і адказамі на пастаўленыя пытанні выступілі: дэкан факультэта А.М. Палуян, намеснік дэкана па выхаваўчай рабоце А.А. Кастрыца, намеснік дэкана па прафарыентацыйнай рабоце З.У. Шведава, загадчыкі кафедраў. Цікавую і змястоўную прэзентацыю факультэта падрыхтавала і прадэманстравала ініцыятыўная група студэнтаў у складзе Мельнікавай Аліны (РФ-41) і Малашкова Мікіты (РФ-31).

Вучняў пазнаёмілі з гісторыяй факультэта, расказалі і праілюстравалі, як на факультэце шануецца і захоўваецца памяць пра знакамітых выпускнікоў, пра далёкую і блізкую гісторыю факультэта.  Вучняў правялі па кабінетах і музеях факультэта, дзе яны пазнаёміліся з цікавымі звесткамі аб жыцці і дзейнасці факультэта.

Загадчык кафедры беларускай літаратуры, д.ф.н. прафесар І. Ф. Штэйнер правёў экскурсію вучням у музеі “Alma-mater”, дзе сабраны матэрыялы пра выпускнікоў філалагічнага факультэта, што сталі знакамітымі пісьменнікамі, паэтамі, а таксама пра выбітных пісьменнікаў Гомельшчыны.

Дарагія выпускнікі, на філалагічным факультэце вы многаму навучыцеся, будзеце жыць цікава, творча. Мы будзем рады бачыць вас сваімі студэнтамі. Чакаем Вас!

Подробнее: “Дзень адчыненых дзвярэй”-2019

Міжнародны навукова-метадычны семінар “Трэнды ў адукацыі”

Подробности

Просмотров: 1540

З 21 па 23 сакавіка 2019 года адбыўся Міжнародны навукова-метадычны семінар “Трэнды ў адукацыі”. Саарганізатарамі семінара выступілі Гомельскі дзяржаўны ўніверсітэт імя Францыска Скарыны, Мелітопальскі дзяржаўны педагагічны ўніверсітэт імя Багдана Хмяльніцкага, Навукова-даследчы інстытут гісторыі і культуры ўсходнеславянскіх народаў пры ГДУ імя ф. Скарыны.

Асноўная тэма семінара – выкарыстанне электронных сродкаў навучальнага прызначэння ў працэсе выкладання філалагічных дысцыплін, анлайн-курсы ў падрыхтоўцы капетэнтнага спецыяліста-філолага, медыяграматнасць у сучасным грамадстве.

Міжнародны навукова-метадычны форум праводзіўся на базе філалагічнага факультэта нашай вну і стаў слушным працягам трывалага і плённага супрацоўніцтва кафедры беларускай мовы ГДУ імя Ф. Скарыны з філалагічным факультэтам Мелітопальскага дзяржаўнага педагагічнага ўніверсітэта імя Багдана Хмяльніцкага (Запарожская вобласць, Украіна).

Адкрыла метадычны форум дэкан філалагічнага факультэта ГДУ імя Ф. Скарыны, к.ф.н. дацэнт Алена Мікалаеўна Палуян.

Госці з Украіны – выкладчыкі кафедры ўкраінскай і замежнай літаратуры Мелітопальскага дзяржаўнага педагагічнага ўніверсітэта імя Багдана Хмяльніцкага – кандыдат філалагічных навук, дацэнт, загадчык кафедры Таццяна Міхайлаўна Шарова, кандыдат філалагічных навук, дацэнт кафедры Аліна Віктараўна Зямлянская, кандыдат педагагічных навук, дацэнт кафедры Сяргей Уладзіміравіч Шароў цікава і займальна распавялі пра ўкараненне інфармацыйна-камунікацыйных тэхналогій у працэс прафесійнай падрыхтоўкі будучых філолагаў.

Заяўленая тэма навукова-метадычнага семінара выклікала захапленне не толькі выкладчыкаў і студэнтаў ГДУ імя Ф. Скарыны. Майстар-класы ўкраінскіх і беларускіх калег наведалі прадстаўнікі іншых вну г. Гомеля, аб’ектам навукова-метадычнай дзейнасці якіх з’яўляецца выкладанне філалагічных дысцыплін. У рабоце семінара прыняла ўдзел загадчык кафедры замежных моў Гомельскага медыцынскага ўніверсітэта, кандыдат філалагічных навук, дацэнт Ірына Анатольеўна Бароўская.

Уласным метадычным вопытам выкладання лінгвістычных дысцыплін падзяліліся з калегамі выкладчыкі ГДУ імя Ф. Скарыны, сярод якіх – доктар філалагічных навук, прафесар кафедры беларускай мовы Вольга Аляксееўна Ляшчынская, доктар філалагічных навук, прафесар кафедры беларускай мовы Аляксандра Аляксандраўна Станкевіч.

Ганаровыя граматы, падзякі і сертыфікаты аб удзеле ў семінары ўручыла загадчык кафедры беларускай мовы ГДУ імя Ф. Скарыны к.ф.н. дацэнт Алена Мікалаеўна Воінава.

Подробнее: Міжнародны навукова-метадычны семінар “Трэнды ў адукацыі”

Окончательное распределение выпускников

Подробности

Просмотров: 1279

ОБЪЯВЛЕНИЕ

2 апреля 2019 г. в 09.40 состоится окончательное распределение выпускников филологического факультета

1 и 2 ступени высшего образования

(4 корпус, 2 этаж, конференц-зал)

ЯВКА ОБЯЗАТЕЛЬНА!

З СОНЦАМ І БЛІНАМІ МАСЛЕНІЦА З НАМІ

Подробности

Просмотров: 1611

    Правесці зіму  і сустрэць вясну запрасілі гасцей у залу Гомельскай  спецыялізаванай славянскай бібліятэкі на тэатралізаванае свята “Масленіца” студэнты-першакурснікі філалагічнага, гістарычнага факультэтаў і факультэта фізічнай культуры ГДУ імя Ф.Скарыны.

     Не толькі моладзі ўніверсітэта, сярод якой былі таксама кітайскія і туркменскія студэнты, але і жыхарам г. Гомеля, актыўным чытачам славянскай бібліятэкі, было цікава пазнаёміцца з асноўнымі абрадавымі момантамі Масленіцы – аднаго з самых старажытных славянскіх святаў.

   Выдатна справіліся з ролямі вядучых Ганна Андрушчанка, Аляксандра Дрывайла, Вікторыя Напрэенка, Лідзія Дубіна і Вераніка Дземідовіч, якія расказалі аб тым, якую назву меў кожны дзень масленічнага тыдня, як нашы продкі іх адзначалі. Першы дзень  Масленкі – “Сустрэча”, другі –“Зайгрышы”, падчас якога дзяўчаты і хлопцы каталіся на санках, выглядалі сабе жаніхоў і нявест. Серада – “Лакамка”: цешчы пяклі бліны і чакалі да сябе ў госці зяцёў, каб іх пачаставаць.Чацвер называўся “Днем Святога  Уласа”. Лічылася, што ў гэты дзень павінен першы раз  праспяваць жаваранак.”Цешчыны вячоркі” былі ў пятніцу: зяці запрашалі цешчаў у госці на бліны. У суботу –“Залоўкіны  пасядзелкі”: нявестка збірала  да сябе ў госці ўсю мужаву радню. Апошні дзень Масленіцы ў народзе называўся “Прабачальная бяседа”. У гэты вечар усе родныя прасілі адзін у аднаго прабачэння. Кульмінацыйнай дзеяй было спальванне саламянага чучала--сімвала зімы, каб даць дарогу вясне.

   Сцэнарый свята, падрыхтаваны студэнтамі пад кіраўніцтвам доктара філалагічных навук, прафесара В.С.Новак, арганічна  дапаўнялі  гледачы, якіх вядучыя  ўключалі ў дзеянне гульнямі, жартамі і загадкамі. Стаць у карагод гульні “Падушачка”, у “Паву “ гуляць – дзевак цалаваць”, паўдзельнічаць у спаборніцтвах, хто хутчэй з”есць па сем бліноў, выказалі жаданне студэнты з Туркменіі і Кітая, для  якіх  беларускія традыцыі і стравы  -- сапраўдная экзотыка. Зала падтрымлівала іх гарачымі апладысментамі, а узнагародай за  актыўнасць  сталі  салодкія прызы.

    Трапны гумар, добрая, зладжаная гульня студэнтаў-акцёраў Станіслава Сільчанкі, Уладзіслава Бяздольнага, Цімафея Міхаленкі, Марыі Кочкінай, Таццяны Чэкан, Эдуарда Дарашэвіча, Руслана Прахарэнкі, Ганны Якавенка надавалі святу  дынаміку і сапраўдную весялосць. Зала  поўнілася прыгожымі, звонкімі галасамі Ангеліны Цапалавай, Катрын Ніцыеўскай, Дар”і Матлаховай, Ангеліны Шчарбатай, якія пад  акампанемент баяніста Мікалая Гатальскага  спявалі абрадавыя песні і жартоўныя прыпеўкі.

   Госці свята  ўпэўніліся ў тым,  якія здатныя на розныя выдумкі і штукарствы былі нашы продкі. Чаго толькі варты звычай “цяганне калодкі” маладым хлопцам і дзяўчынай, як пакаранне за тое, што не ажаніўся і не выйшла замуж да Мясаеда, і каб не насіць гэты цяжар, яны павінны былі адкупіцца грашыма ці пачастункамі.

   Гледачы шчыра дзякавалі студэнтам за далучэнне  да беларускіх фальклорных традыцый, за тое, што разам  весяліліся, гулялі, бліны каштавалі і вясну прывіталі.

                                                                                                           Тамара ДУБЯК.

Подробнее: З СОНЦАМ І БЛІНАМІ МАСЛЕНІЦА З НАМІ