Не музеем адзіным жыве Ветка!

Для ўдзельнікаў Міжнароднага адукацыйнага праекта "Летняя школа беларускай мовы і культуры" было арганізавана знаёмства з прасторай Арт-Ветка.

Гаспадар прасторы Пятро Цалка (дарэчы, выпускнік філалагічнага факультэта нашага ўніверсітэта ) сустрэў нас смачным абедам з традыцыйных беларускіх страў! А потым правёў майстар-клас "Неглюбскі строй " На заканчэнне ўсіх пачаставалі гарбатай з беларускіх зёлак і пернікамі, выпечанымі па старажытным веткаўскім рэцэпце!

Запаведнік старажытных ікон і ручнога ткацтва!

Удзельнікі Летняй школы беларускай мовы і культуры наведалі Веткаўскі музей стараабрадніцтва і традыцыйнай беларускай культуры.
У час экскурсіі пазнаёміліся з гісторыяй узнікнення Веткі, традыцыямі мясцовага іканапісу і ручнога ткацтва , убачылі цудоўна дэкараваныя рукапісы і нават спрабавалі прачытаць рукапісныя тэксты на ідыш.

<

Знаёмства з Гомелем!

У межах Міжнароднага адукацыйнага праекта "Летняя школа беларускай мовы і культуры " для ўдзельнікаў праведзены экскурсіі на прадпрыемства "Спартак " і Гомельскі палацава-паркавы ансамбль .
Нашы госці пазнаёміліся з гісторыяй фабрыкі "Спартак", на ўласныя вочы ўбачылі тэхналогію вытворчасці цукерак, шакаладу, вафель і мюслі, паспрабавалі на смак, атрымалі салодкія падарункі.
У час экскурсіі па палацава-паркавым ансамблі даведаліся пра гісторыю архітэктурнага помніка 18 стагоддзя, жыццё і дзейнасць прадстаўнікоў роду Румянцавых і Паскевічаў.

Летняя школа беларускай мовы і культуры

8 чэрвеня ў Гомельскім дзяржаўным універсітэце імя Францыска Скарыны пачала работу Летняя школа беларускай мовы і культуры.

Яе ўдзельнікі – студэнты і выкладчыкі філалагічнага факультэта Маскоўскага дзяржаўнага ўніверсітэта імя М.В. Ламаносава.

На першых занятках дацэнт Алена Федарава пазнаёміла слухачоў з асаблівасці фанетыкі беларускай мовы ў параўнанні з рускай мовай. У другой палове дня госці наведалі з экскурсіяй Музей гісторыі горада Гомеля.

Наперадзе яшчэ тыдзень цікавых зяняткаў, моўнай практыкі і экскурсій!