Материалы

Дзень адчыненых дзвярэй - 2014

22 сакавіка 2014 года ў рамках універсітэцкай акцыі “Дзень адчыненых дзвярэй” на філалагічным факультэце адбылася сустрэча з выпускнікамі школ, зацікаўленымі ў паступленні на філалагічны факультэт. На сустрэчы прысутнічала каля 30 чалавек, некаторыя вучні прыехалі з бацькамі. Прыемна, што акрамя адзінаццацікласнікаў школ нашага горада і вобласці на сустрэчы прысутнічалі выпускнікі з іншых абласцей краіны (ДУА “СШ № 1 г. Маладзечна” Мінскай вобласці і ДУА “СШ № 2 г. Бабруйска” Магілёўскай вобласці). Дзяцей цікавілі пытанні паступлення, пражывання, спецыфікі накірункаў кожнай спецыяльнасці, магчымасці авалодання іншымі мовамі, працэсу навучання ў цэлым, размеркавання і інш. З рэкламай факультэта і адказамі на пастаўленыя пытанні выступілі: дэкан факультэта У.А. Бобрык, намеснік дэкана па вучэбнай рабоце А.М. Палуян, намеснік дэкана па прафарыентацыйнай рабоце З.У. Шведава, загадчык кафедры беларускай мовы А.М. Ермакова.