Дзень роднай мовы

21 лютага 2017 года

Гарадскі конкурс літаратурнай творчасці студэнтаў

“Мая родная мова”

 

У рамках Дня роднай мовы аб’яўляецца гарадскі конкурс літаратурнай творчасці студэнтаў “Мая родная мова”.

Работы на конкурс прымаюцца да 20.03.2017 у намінацыях:

- “Мова маці маёй – беларуская мова”;

- “У справах цудоўных вялікага сына – святло старажытнай адметнай краіны” (постаць Ф. Скарыны ў беларускай культуры);

- Твая пачэсная справа – жыццё адкрываць другому” (пра людзей, што аказалі ўплыў на развіццё Вашай асобы)

у наступных жанрах і формах літаратурнай творчасці:

- Паэзія – балада, песня, байка, санет, верш, верш у прозе, цыкл вершаў;

- Проза – навэла, мініяцюра, кароткая аповесць, казка, апавяданне, урывак з аповесці;

- Публіцыстыка – эсэ, нарыс, інтэрв’ю, рэпартаж, маналог і інш.

У конкурсе прымаюць удзел студэнты дзённай і завочнай форм навучання – індывідуальныя аўтары і аўтарскія калектывы, творчыя аб’яднанні.

Патрабаванні да афармлення конкурсных работ.

1. Конкурсная праца выконваецца на беларускай / рускай мове і падпісваецца аўтарам.

2. Тэкст конкурснай работы размяшчаецца на адным баку аркуша фармату А-4:

- шрыфт Times New Roman, памер – 14 пт. праз 1,5 інтэрвал;

- палі –2,5 смз усіх бакоў;

- водступ –1 см;

- аб’ём – да 10 старонак.

3. Назва працы – вялікімі літарамі, паўтлустым шрыфтам, па цэнтры.

Конкурсныя работы высылаюцца ў электронным выглядзе на адрас – belchair*gsu.by.

Конкурс чытальнікаў, прысвечаны

Дню роднай мовы

 

Конкурс адбудзецца 20.02.2017 у 10:00, корпус 1, ауд. 2-1

 

Мэты і задачы конкурса:

-         папулярызацыя твораў беларускай класічнай і сучаснай айчыннай паэзіі і прозы;

-         выяўленне і падтрымка таленавітых выканаўцаў, што валодаюць жанрам мастацкага слова;

-         знаёмства з літаратурнай спадчынай Беларусі, што адлюстроўвае багацце беларускай мовы.

 

Намінацыі:

-         паэзія;

-         проза;

-         тэатральныя рэпрызы.

 

Удзельнікі конкурса – студэнты дзённай і завочнай форм навучання ВНУ г. Гомеля.

Умовы: выканаўцы прадстаўляюць закончаны фрагмент любога твора літаратурнага жанру, які адпавядае тэматыцы конкурса.

 

Пераможцы будуць узнагароджаны граматамі.

 

Запрашаем усіх жадаючых!