21 лютага – Дзень роднай мовы!

21 лютага студэнты філалагічнага факультэта прынялі ўдзел ва ўрачыстым святкаванні Дня роднай мовы ў ДУА “Гімназія №10 г. Гомеля”. Разам з настаўніцай беларускай мовы і літаратуры Жаўняк Наталляй Валер’еўнай студэнты падрыхтавалі праграму мерапрыемстваў і самі былі ўдзельнікамі.

      З нагоды свята ўвесь тыдзень будуць праводзіцца мерапрыемствы. Настаўнікі беларускай мовы і літаратуры кожны дзень будуць праводзіць майстар-класы, гульні, віктарыны сярод вучняў 5-11 класаў.

Студэнтам таксама пашчасціла акунуцца ў гэты чароўны свет. Яны пад кіраўніцтвам Жаўняк Н. В. будуць праводзіць “Моўны турнір” сярод вучняў сёмых і восьмых класаў.

Студэнты філалагічнага факультэта ўдзячны настаўніцы беларускай мовы і літаратуры Жаўняк Н. В. за тое, што і яны маюць магчымасць несці добрае і светлае вучням.