Наши достижения 2020-2021

Подробности

Просмотров: 1536

Прафарыентацыйная сустрэча з выпускнікамі ДУА «Маложынская сярэдняя школа»

Подробности

Просмотров: 659

“Дзень адчыненых дзвярэй”-2021

Подробности

Просмотров: 1036

3 красавіка 2021 года ў рамках універсітэцкай акцыі “Дзень адчыненых дзвярэй” на філалагічным факультэце адбылася сустрэча з выпускнікамі школ, зацікаўленымі ў паступленні на філалагічны факультэт. На сустрэчы прысутнічала каля 40 вучняў са школ і каледжаў Гомеля (ДУА “Сярэдняя школа № 9 г. Гомеля”, ДУА “Сярэдняя школа № 15 г. Гомеля”, ДУА “Сярэдняя школа № 37 г. Гомеля”, ДУА “Сярэдняя школа № 53 г. Гомеля”, ДУА “Сярэдняя школа № 55 г. Гомеля”, ДУА “Гімназія № 58 г. Гомеля”, ДУА “Сярэдняя школа № 67 г. Гомеля”, УА “Гомельскі дзяржаўны педагагічны каледж імя Л.С. Выгоцкага”), Магілёва, Мінска, Калінкавіч, Рагачова, Добрушскага і Жлобінскага раёнаў, некаторыя вучні прыехалі з настаўнікамі і бацькамі. Дзяцей цікавілі пытанні паступлення, пражывання, спецыфіка кожнай спецыяльнасці, магчымасці авалодання іншымі мовамі, працэсу навучання ў цэлым, размеркавання і інш.

З рэкламай факультэта і адказамі на пастаўленыя пытанні выступілі: дэкан факультэта А.М. Палуян, намеснік дэкана па прафарыентацыйнай рабоце З.У. Шведава, загадчыкі кафедраў. Цікавую сустрэчу з конкурсамі і віктарынамі на інтэрактыўнай пляцоўцы, майстар-клас па напісанні кітайскага іерогліфа “шчасце”, прэзентацыю факультэта падрыхтавала і прадэманстравала ініцыятыўная група студэнтаў у складзе Пархоменка Яўгенія і Кавалёва Антона (БФ-41), Алдакушкінай Ніны і Мінавай Карыны (РФ-21), Кутоўскай Веранікі (РІ-11), Якаўленка Карыны (БФ-11).

Вучняў пазнаёмілі з гісторыяй факультэта, расказалі і праілюстравалі, як на факультэце шануецца і захоўваецца памяць пра знакамітых выпускнікоў, пра далёкую і блізкую гісторыю факультэта, прадэманстравалі майстар-клас па напісанні кітайскага іерогліфа. 

Выкладчык кафедры беларускай літаратуры, дацэнт Т.А. Фіцнер правяла экскурсію па музеі “Alma-mater”, дзе сабраны матэрыялы пра выпускнікоў філалагічнага факультэта, што сталі знакамітымі пісьменнікамі, паэтамі, а таксама пра выбітных пісьменнікаў Гомельшчыны.

Загадчык кафедры рускай і сусветнай літаратуры, дацэнт І.М. Афанасьеў сустрэў вучняў у літаратурна-асветніцкім цэнтры памяці аб Вялікай Айчыннай вайне “Патрыётыка”, дзе асаблівае ўражанне на вучняў аказаў яго аповед аб захаванні памяці пра герояў, удзельнікаў Вялікай Айчыннай     вайны, якія з’яўляюцца ўраджэнцамі Гомельскай вобласці, і заклік збіраць, запісваць успаміны сваіх блізкіх аб падзеях мінулай вайны.

Дарагія выпускнікі, на філалагічным факультэце вы многаму навучыцеся, будзеце жыць цікава, творча. Мы будзем рады бачыць вас сваімі студэнтамі. Чакаем Вас!

Подробнее: “Дзень адчыненых дзвярэй”-2021

БЫЎ. ЁСЦЬ. БУДУ!

Подробности

Просмотров: 875

З нагоды 90-годдзя з дня нараджэння класіка беларускай літаратуры пры фінансавай падтрымцы Міністэрства адукацыі Рэспублікі Беларусь выйшла энцыклапедыя “Уладзімір Караткевіч”.

У ёй змешчана каля 1000 артыкулаў, якія расказваюць пра жыццёвы  і творчы шлях Уладзіміра Сямёнавіча Караткевіча, пра людзей, якія мелі стасункі з пісьменнікам, даследавалі і даследуюць яго літаратурную дзейнасць, пра тых, для каго асоба мастака слова стала крыніцай творчага натхнення. Значная частка матэрыялаў – літаратуразнаўчыя артыкулы па раманах, аповесцях, нарысах Караткевіча. Падрабязна разгледжана сістэма мастацкіх сродкаў яго твораў.  Ёсць артыкулы пра месцы, дзе бываў У. Караткевіч, сустракаўся з сябрамі, натхняўся на новыя творы. У выданні шмат ілюстрацый: фотаздымкі з архіваў Беларусі і асабістых архіваў аўтараў артыкулаў, рэпрадукцыі  жывапісных і графічных работ, прысвечаных асобе Уладзіміра Караткевіча і звязаных з мясцінамі, дзе ён бываў.

Змешчаныя ў энцыклапедыі артыкулы могуць стаць тэмай для падрыхтоўкі магістарскіх, кандыдацкіх і доктарскіх дысертацый, дыпломных і курсавых работ студэнтаў, дадатковым матэрыялам для настаўнікаў і вучняў пры падрыхтоўцы да ўрокаў літаратуры. Выданне будзе карысным для ўсіх, хто цікавіцца гісторыяй беларускай літаратуры і культуры.

Энцыклапедыя падрыхтавана сумесна з Нацыянальнай бібліятэкай Беларусі, музеем У. Караткевіча ў Оршы, Беларускім дзяржаўным архівам-музеем літаратуры і мастацтва,  БДУ, БДПУ імя М.Танка, Брэсцкім дзяржаўным універсітэтам імя А.С. Пушкіна, Віцебскім дзяржаўным універсітэтам імя П.М. Машэрава, Гродзенскім дзяржаўным універсітэтам імя Я. Купалы, Гомельскім дзяржаўным універсітэтам імя Францыска Скарыны, Магілёўскім дзяржаўным універсітэтам імя А.А. Куляшова, МДПУ імя І.П. Шамякіна, Полацкім дзяржаўным універсітэтам. 

Сярод членаў рэдкалегіі і аўтараў – выкладчыкі ГДУ імя Францыска Скарыны: Іван Фёдаравіч Штэйнер, загадчык кафедры беларускай літаратуры, прафесар, доктар філалагічных навук;   Анжэла Мікалаеўна Мельнікава, прафесар, доктар філалагічных навук; Вольга Карпаўна Шынкарэнка, прафесар, доктар філалагічных навук і інш.

За вялікі асабісты ўклад у стварэнне персанальнай энцыклапедыі “Уладзімір Караткевіч” І.Ф. Штэйнер атрымаў Падзяку выдавецтва “Беларуская Энцыклапедыя імя Петруся Броўкі”.

А. Палуян, дэкан філалагічнага факультэта