ПРЕДСТАВИТЕЛИ ГГУ НА ТАНЦЕВАЛЬНО-СПОРТИВНОЙ ЗАРЯДКЕ "ВАРУШЫНАК"

Студенты филологического факультета ГГУ имени Ф. Скорины участвуют в танцевально-спортивной зарядке «Варушынак», организованной ГГТУ им. П. О. Сухого. Мероприятие организовано в знак единения белорусского студенчества в преддверии одного из главных национальных праздников белорусского народа – Дня народного единства.

Больше фотографий

Республиканский диктант ко Дню единства в ГГУ

«Светлыя далі роднага краю...»

У ліпені 2025 года ў друку з'явілася чарговае выданне, прысвечанае народнай духоўнай культуры Светлагорскага раёна (аўтары-ўкладальнікі доктар філалагічных навук, прафесар В. С. Новак, кандыдат філалагічных навук, дацэнт А. А. Кастрыца, доктар філалагічных навук В. К. Шынкарэнка, магістр філалагічных навук А. Д. Дакукін і інш.

«Светлыя далі роднага краю...» – такую паэтычную назву кніга атрымала невыпадкова. Ва ўступным слове прарэктар па навуковай рабоце УА «Гомельскі дзяржаўны ўніверсітэт імя Францыска Скарыны» Дзмітрый Леанідавіч Каваленка адзначыў, што назва кнігі  абумоўлена любоўю жыхароў да традыцый малой радзімы, павагай да мінулага, уменнем шанаваць набыткі продкаў. Сапраўды незгасальным унутраным святлом народнага мыслення напоўнены старонкі кнігі, прысвечаныя абрадам і звычаям, песням, прыкметам, павер'ям і іншым фальклорным жанрам. Гэта своеасаблівая энцыклапедыя народнай мудрасці з'яўляецца выдатнай крыніцай фарміравання высокіх грамадзянскіх пачуццяў, выхавання любові і павагі да свайго народа, традыцый роднага краю.

Фестываль навукі 2025

6 верасня 2025 года на тэрыторыі Цэнтральнага батанічнага сада НАН Беларусі праводзіўся фестываль навукі. Удзельнікамі інтэрактыўнай пляцоўкі "Скарбы народнай мудрасці беларусаў. Фальклор - аснова духоўнага жыцця нацыі" сталі студэнты філалагічнага і біялагічнага факультэтаў.   

Прафесар кафедры рускай і сусветнай літаратуры В. С. Новак і студэнтка групы РФ-31 Вікторыя Краўчанка прыклалі шмат намаганняў, каб арганізаваць працэс паспяховай падрыхтоўкі да навукова-папулярнага мерапрыемства "Фестываль навукі 2025".

Студэнты біялагічнага факультэта браты Андрэй і Мікалай Капшай, Аляксей Бруй і Цімур Літвінчук  разам са студэнтамі філалагічнага факультэта Дзмітрыем Мяркулавым, Кацярынай Бондар, Анастасіяй Магілат, Віялетай Пелагейчык, Дар'яй Дубковай, Валерыяй Клімавай прадставілі гледачам асобныя фрагменты сцэнізацыі беларускага вяселля. Тэатралізаваныя дзеянні ўсіх студэнтаў былі гарманічнымі і парадавалі наведвальнікаў мерапрыемства, якія шчыра дзякавалі і за пачутыя звесткі пра вясельную абраднасць, і за выкананне роляў нявесты і жаніха, бацькоў маладых, кума і інш.

Што да выставы кніг па народнай духоўнай спадчыне раёнаў Гомельскай вобласці і іншых рэгіёнаў Беларусі, то ўсе студэнты разам з выкладчыкам гарманічна дапаўнялі адзін аднаго, дэманструючы кнігі. Таццяна Гарусава разам з Дзмітрыем Мяркулавым і Марыяй Стаўскай праводзілі майстар-клас, прысвечаны загадкам. Стараста групы Надзея Васкевіч і Таццяна Гарусава, выконваючы ролі вядучых, распавядалі пра асаблівасці беларускага вяселля.

І выкладчык В. С. Новак, і студэнты імкнуліся данесці да наведвальнікаў фестывалю ідэю важнасці звароту да скарбаў народнай мудрасці. Многіх людзей цікавілі кнігі па народнай духоўнай культуры тых раёнаў, адкуль іх карані, з цікавасцю ўспрымалі звесткі пра колішнія абрады і звычаі не толькі сталыя жыхары г. Мінска, але і моладзь. Несумненна, што ўдзел студэнтаў у фестывалі навукі з'явіўся важным момантам у іх інтэлектуальным і духоўным развіцці.

/>