“Універсітэцкія суботы”

Подробности

Просмотров: 680

23 лістапада  2019 года на філалагічным факультэце ў рамках праекта “Універсітэцкія суботы” адбылася сустрэча вучняў школ № 40 і №72 г. Гомеля з выкладчыкамі і студэнтамі факультэта.

З рэкламай факультэта выступілі дэкан факультэта А.М. Палуян, намеснік дэкана па вучэбнай рабоце Н.П. Цімашэнка, намеснік дэкана па прафарыентацыйнай рабоце З.У. Шведава. Вучняў пазнаёмілі з гісторыяй факультэта, яе знакамітымі выпускнікамі, паказалі, як шанаваць і захоўваць інфармацыю, назапашаную стагоддзямі і падзей недалёкага мінулага.

Былі праведзены цікавыя і змястоўныя экскурсіі ў музеі “Alma-mater” (прафесар кафедры беларускай літаратуры, д.ф.н. А.М. Мельнікава) і літаратурна-асветніцкім цэнтры памяці аб Вялікай Айчыннай вайне “Патрыётыка” (дацэнт кафедры рускай і сусветнай літаратуры, к.ф.н. дац. Н.П. Капшай); паказалі кабінеты кітайскай мовы, польскай мовы і інш.

Студэнты нашага факультэта Дрывайла Аляксандра (БФ-21) і Пархоменка Яўген (БФ-31) пазнаёмілі вучняў са структурай факультэта і паказалі, як цікава праходзіць студэнцкае жыццё, выкарыстаўшы прэзентацыю і відэаролікі; таксама прапанавалі вучням адказаць на некаторыя пытанні віктарыны па рускай і беларускай мовах. У выніку ўсе атрымалі невялікія прызы і буклеты факультэта.

“Восеньскі турнір” для школьнікаў

Подробности

Просмотров: 656

4 лістапада 2019 года ў час восеньскіх канікул на філалагічным факультэце (аўд. 2-27) быў арганізаваны “Восеньскі турнір” для школьнікаў. У турніры прынялі ўдзел вучні з розных школ і гімназій горада Гомеля і Гомельскай вобласці (Кармянскі раён, Петрыкаўскі раён, Калінкавіцкі раён, Жыткавіцкі раён, Чачэрскі раён, Гомельскі раён). Усяго 28 вучняў 8, 9 і 11-х класаў.

У праграму турніра ўваходзіла знаёмства з факультэтам, экскурсія ў музей “Alma-mater”, правядзенне алімпіяды па беларускай мове і літаратуры з яе разборам і ўзнагародай         пераможцаў, заняткі па падрыхтоўцы да напісання водгуку на вершаваны твор.

Вучняў пазнаёмілі з гісторыяй факультэта, расказалі і праілюстравалі, як на факультэце шануецца і захоўваецца памяць пра знакамітых выпускнікоў, пра далёкую і блізкую гісторыю факультэта.  Загадчык кафедры беларускай літаратуры, д.ф.н. прафесар І. Ф. Штэйнер правёў вельмі цікавую экскурсію вучням у музеі “Alma-mater”, дзе сабраны матэрыялы пра выпускнікоў філалагічнага факультэта, што сталі знакамітымі пісьменнікамі, паэтамі, а таксама пра выбітных пісьменнікаў Гомельшчыны.

У межах Тыдня Маці

Подробности

Просмотров: 779

У межах Тыдня Маці 11.10.2019 (к.1, аўд 2-1) студэнты 1 курса філалагічнага факультэта (гр. БФ-11) чыталі на памяць вершы беларускіх паэтаў (Н.Гілевіча, П.Броўкі, Ю.Цвіркі, А.Салаўя, В.Вярбы. А.Лянок і інш.) і свае ўласныя, прысвечаныя маці. Цікавым было выкананне вершаў. Прыемна вітаць першыя вершаваныя спробы студэнтаў-першакурснікаў Уніятавай Кацярыны, Кабурнеевай Юлі і Сляпоўскай Дзіяны!

Маці

 Калыхнецца ліст апалы

Упадзе на дол зямны.

 Ты глядзі, ляціць ужо ў небе

 Клін сумлівы, журавы

 І ўпотай, і неспадзявана

 Кінеш вокам сумным на мяне

 І табе я вельмі ўдзячна, мама

 Блаславі на век ты валасы мае.

   Прамень святла, струмень жывой вады.

 Ты для мяне як скарб адвечны.

 Колас жыта, сонейка ў акне.

 Агеньчык у сэрцы найвялікшым.

  Ты не сумуй, матуля, мне не трэба,

 Каб слёзачкі ліліся па тваёй шчацэ.

 Дачка ўжо дарослая, ты ведай,

Любоў мая заўсёды побач, ля цябе.

  Кацярына Уніятава

Бацькам

  Аднойчы стану я дарослай,

 Маленства знікне, быццам дым,

 Прыйду аднойчы толькі госцем.

 Чаканым госцем, дарагім…

 Вы скажаце, што так чакалі

 Як ля прычала караблі, 

 “Што вернешся дадому, зналі,

 Куды б дарогі ні вялі”.

   Калі асобай буду важнай,

 Я нам куплю вялізны дом

 З прыгожым, радасным пейзажам

 І яркім сонцам за акном!

Яно свяціць таксама будзе,

Як вы мне свеціце ў жыцці,

Найдаражэйшыя мне людзі,

Мне з вамі шлях лягчэй прайсці.

  Мы будзем разам, як хацелі,

 Я раскажу пра ўсё – пра ўсё:

 І пра халодныя завеі,

 І пра кашмары даўніх дзён.

  Я раскажу пра ўсе сакрэты,

 Пра ўсе прызнанні і лісты,

 Што прамінулі, быццам лета,

 Расталі, нібы снег пусты.

Калі званочак нечакана

 І ў трубцы матчын голас зноў:

 “Што будзеш есці? Як звычайна?”

Не трэба больш ніякіх слоў.

Я вас люблю, і ўсёй душою

Павінны ведаць вы пра тое,

Што, калі разам вы са мною,

Мне ўсе на свеце хоць бы што!

      Дзіяна Сляпоўская

Самай Роднай

  Матуля мілая мая,

 Усюды, дзе б я ні была,

 Я адчуваю, ты са мной,

І я сумую за табой. 

Ты самы родны чалавек,

Бязмежная твая любоў.

Няма радней цябе на век,

 Кажу, казала, зноў і зноў.

 І колькі лёсам дана мне.

 Пражыць гадоў і бачыць свет,

 Жадаю толькі ад цябе

Я чуць падтрымку і савет.

Хай бог здароўя шмат дае

 Табе,  матуля, назаўжды.

Дзе б нібылі мае шляхі

Са мной заўсёды толькі ты.

   Юлія Кабурнеева

Візіт Леаніда Клімовіча

Подробности

Просмотров: 652

Самы эмацыйны і няўрымслівы ігрок гульні “Што? Дзе? Калі?”, уладальнік Срэбранай савы славутага інтэлектуальнага клуба Леанід Клімовіч не забывае родны ўніверсітэт. Для  літаратурнага музея “Alma mater” пры кафедры беларускай літаратуры ён уручыў рубашку, у якой у 80-я гады працаваў у складзе студэнцкіх будаўнічых атрадаў. Артэфакт будзе захоўвацца поруч з асабістымі рэчамі І. Шамякіна, М. Даніленкі і іншых славутых выпускнікоў ГДУ імя Ф. Скарыны.