Посетители
- Количество просмотров материалов
- 3828359
Контакты
ПРАФАРЫЕНТАЦЫЙНАЯ РАБОТА Ў ДОМЕ НАСТАЎНІКА
- Подробности
- Просмотров: 40
20 мая прафесар кафедры беларускай літаратуры А.М. Мельнікава выступіла перад вучнямі стапрэйшых класаў г. Гомеля ў межах прафарыетацыйнага мерапрыемства, арганізаванага Гомельскмі абласным Домам навучэнцаў і работнікаў устаноў прафесійнай адукацыі.
А. М. Мельнікава пазнаёміла вучняў з гісторыяй Гомельскага ўніверсітэта імя Ф. Скарыны, расказала пра высокі статус нашай навучальнай установы.
А. М. Мельнікава паведаміла вучням пра спецыяльнасці, падрыхтоўка на якія ажыццяўляецца на філалагічным факультэце ў Гомельскім дзяржаўным універсітэце імя Ф. Скарыны, правілы прыёму ў ВНУ, пра тыя ільготы, якія маюць пераможцы алімпіяд, выпускнікі педагагічных класаў, медалісты.
А.М. Мельнікава праінфармавала вучняў пра спецыфіку вучобы на філалагічным факультэце, расказала пра гомельскую школу ў беларускай літаратуры, пра літаратурны музей “Alma mater”, пра творчасць славутых выпускнікоў вядучай навучальнай установы Палесся. Навучэнцам было паведамлена, у якіх прафесіях яны могуць сябе рэалізаваць, абраўшы філалагічны факультэт.
Была прадэманстравана цікавая прэзентацыя, а таксама ролік, зняты студэнтамі нашага факультэта. Сустрэча выклікала непадробны інтарэс у вучняў.
“Дні студэнцкай навукі”: праца секцыі “Гісторыя беларускай літаратуры. Методыка выкладання беларускай літаратуры”
- Подробности
- Просмотров: 69
23 красавіка 2025 года на кафедры беларускай літаратуры ў межах “Дней студэнцкай навукі” праходзіла праца секцыі “Гісторыя беларускай літаратуры. Методыка выкладання беларускай літаратуры”. У якасці дакладчыкаў выступалі магістранты і студэнты першага, трэцяга і чацвёртага курсаў, у якасці слухачоў – студэнты-журналісты першага курса, якія актыўна ўдзельнічалі ў абмеркаванні выступленняў і задавалі пытанні па тэме. Матэрыялы канферэнцыі былі карысныя для студэнтаў, новыя веды па гісторыя беларускай літаратуры можна прымяняць у далейшай навуковай дзейнасці, па методыцы выкладання беларускай літаратуры – падчас педагагічнай практыкі і працы ў школе. Падобныя мерапрыемствы стымулююць навуковую дзейнасць студэнтаў, даюць магчымасць прымяніць тэарэтычныя веды на практыцы, распрацоўваюць навыкі для ўдзелу ў інтэлектуальных дыскусіях.
Нарук А.
ДА 80-ГОДДЗЯ ВЫЗВАЛЕННЯ БЕЛАРУСІ І ЛЕНІНГРАДА
- Подробности
- Просмотров: 480
Значная навуковая падзея адбылася 30 мая 20024 – Міжнародны круглы стол «Ваенная проза: вытокі, эвалюцыя, імёны», прымеркаваны да 80-годдзя вызвалення беларускай зямлі і вызвалення Ленінграда. У рабоце круглага стала ўзяла ўдзел прафесар кафедры беларускай літаратуры Анжэла Мікалаеўна Мельнікава. Мерапрыемства было арганізавана Інстытутам літаратуразнаўства імя Янкі Купалы Цэнтра даследаванняў беларускай культуры, мовы і літаратуры НАН Беларусі і Санкт-Пецярбургскім дзяржаўным універсітэтам на базе Цэнтральнай навуковай бібліятэкі імя Якуба Коласа НАН Беларусі.
У рабоце круглага стала ўдзельнічалі вядомыя вучоныя Беларусі і Расіі: Саверчанка Іван Васільевіч – дырэктар філіяла «Інстытут літаратуразнаўства імя Янкі Купалы»; Сухіх Ігар Мікалаевіч – прафесар кафедры гісторыі рускай літаратуры філалагічнага факультэта Санкт-Пецярбургскага дзяржаўнага ўніверсітэта, доктар філалагічных навук; Большаў Аляксандр Алегавіч – прафесар кафедры гісторыі рускай літаратуры філалагічнага факультэта Санкт-Пецярбургскага дзяржаўнага ўніверсітэта, доктар філалагічных навук; Кісліцына Ганна Мікалаеўна – загадчык аддзела тэорыі і гісторыі літаратуры, доктар філалагічных навук, дацэнт і інш.
Надзвычай цікавым было праблемнае поле мерапрыемства:
1. Руская і беларуская ваенная проза: асобы.
2. Беларуская – перакладная – руская проза: ці ёсць адрозненні?
3. Вытокі ваеннай прозы.
4. Эвалюцыя савецкай / постасавецкай ваеннай прозы.
5. Ваенная проза і дакументальная літаратура: узаемадзеянне або палеміка?
6. Ці прадуктыўна супрацьпастаўленне генеральскай і лейтэнанцкай прозы?
7. Ці ёсць у ваеннай прозе недаацэненыя ці пераацэненыя імёны і творы?
“Дні студэнцкай навукі”: праца секцый
- Подробности
- Просмотров: 503
26 красавіка 2024 года кафедры беларускай літаратуры ў межах “Дней студэнцкай навукі” праходзіла праца секцыі “Актуальныя праблемы сучаснай беларускай літаратуры. Методыка выкладання беларускай літаратуры”. У якасці дакладчыкаў выступалі магістранты і студэнты трэцяга і чацвёртага курсаў, у якасці слухачоў – першакурснікі, якія ўважліва выслухалі выступленні калег і пасля актыўна задавалі пытанні па тэме. Усе ўдзельнікі канферэнцыі былі добра падрыхтаваныя і грунтоўна адказвалі на пытанні аўдыторыі. Матэрыялы канферэнцыі былі карысныя для студэнтаў, новыя веды па методыцы беларускай літаратуры можна выкарыстаць у будучай працы настаўніка. Усе прысутныя адзінадушна пагадзіліся, што навуковыя канферэнцыі мэтазгодна праводзіць часцей. Такія мерапрыемствы дазволяць палепшыць веды студэнтаў і ўдасканаліць іх практычныя кампетэнцыі. Ды таго ж, гэта выдатная пляцоўка для дыскусій і абмеркаванняў праблем гісторыі літаратуры і методыкі.
Іванюк Г.,
Казлова Д.,
Сороколетова С.
ПАСЯДЖЭННЕ СЕКЦЫІ “АКТУАЛЬНЫЯ ПРАБЛЕМЫ ГІСТОРЫІ БЕЛАРУСКАЙ ЛІТАРАТУРЫ ХІХ – ХХ СТАГОДДЗЯ. МЕТОДЫКА ВЫКЛАДАННЯ БЕЛАРУСКАЙ ЛІТАРАТУРЫ”
- Подробности
- Просмотров: 522
18 красавіка 2024 года ў межах работы традыцыйнай студэнцкай навуковай канферэнцыі філалагічнага факультэта УА «Гомельскага дзяржаўнага ўніверсітэта імя Францыска Скарыны» адбылося пасяджэнне секцыі “Актуальныя праблемы гісторыі беларускай літаратуры ХІХ – ХХ стагоддзя. Методыка выкладання беларускай літаратуры”. Кіраўнік секцыі – прафесар А. М.Мельнікава, сакратар секцыі – магістрант Афанасенка К. С. З навуковымі паведамленнямі выступілі Афанасенка К., Андрыянец Ю., Бусева К., Еўжанка І., Дыдышка М., Фелькіна Н., Кучарава К., Арэшка Ю. Даклады выступоўцаў выклікалі зацікаўленасць аўдыторыі, якая прыняла актыўны ўдзел у іх абмеркаванні.
Еще статьи...
Полезные ссылки
