Візіт Леаніда Клімовіча

Самы эмацыйны і няўрымслівы ігрок гульні “Што? Дзе? Калі?”, уладальнік Срэбранай савы славутага інтэлектуальнага клуба Леанід Клімовіч не забывае родны ўніверсітэт. Для  літаратурнага музея “Alma mater” пры кафедры беларускай літаратуры ён уручыў рубашку, у якой у 80-я гады працаваў у складзе студэнцкіх будаўнічых атрадаў. Артэфакт будзе захоўвацца поруч з асабістымі рэчамі І. Шамякіна, М. Даніленкі і іншых славутых выпускнікоў ГДУ імя Ф. Скарыны.