Пасяджэнне секцыі «Стылістыка мовы мастацкага твора» LІІ студэнцкай навуковай канферэнцыі "Актуальныя праблемы мовазнаўства і літаратуразнаўства"

Подробности

Просмотров: 563

18 красавіка 2023 адбылося пасяджэнне секцыі «Стылістыка мовы мастацкага твора» LІІ студэнцкай навуковай канферэнцыі "Актуальныя праблемы мовазнаўства і літаратуразнаўства".

Кіраўніком секцыі была прафесар кафедры беларускай мовы доктар філалагічных навук прафесар Аляксандра Аляксандраўна Станкевіч, сакратаром пасяджэння студэнтка 2 курса Людміла Масанавец. Студэнты і магістранты выступілі з цікавымі паведамленнямі і падзяліліся вынікамі сваіх навуковых даследаванняў, прысвечаных актальным пытанням беларускай філалогіі.

Па выніках выступленняў лепшыя даклады былі рэкамендаваны да друку ў зборніках студэнцкіх навуковых прац.

Канферэнцыя "Свабодны выбар 2023"

Подробности

Просмотров: 393

25 сакавіка ў ДУА “Гімназія № 10 г.Гомеля” адбылася канферэнцыя “Свабодны выбар 2023”. Гэта была 19 па ліку канферэнцыя, на якой зноў у актавай зале, пасля трохгадовай завочнай формы работы, сабраліся вучні розных школ, гімназій і кадэцкага вучылішча горада Гомеля. З прывітальным словам да ўсіх прысутных і пажаданнем поспехаў у прадстаўленні і абароне сваіх навуковых праектаў, справядлівай ацэнцы іх журы да ўдзельнікаў канферэнцыі, настаўнікаў-кіраўнікоў навуковых праектаў, членаў журы звярнуліся дырэктар гімназіі № 10 І. В. Бяспалая і доктар філалагічных навук прафесар кафедры беларускай мовы В. А. Ляшчынская.

Сярод выдзеленых секцый па самых розных галінах навукі працавала секцыя “Спадчына (беларуская мова і літаратура)”, на якой было заслухана 12 дакладаў вучняў старэйшых класаў розных устаноў горада Гомеля і адзін даклад вучаніцы гімназіі горада Добруша. Прадстаўленыя даклады і іх прэзентацыі навучэнцамі, якія былі папярэдне адабраны з ліку ў некалькі разоў большай колькасці навукова-даследчых работ вучняў горада, былі прысвечаны самым розным, але цікавым і арыгінальным тэмам па пытаннях беларускай мовы, літаратуры, фальклору і адлюстравалі  няхай і першыя, але ўпэўненыя крокі вучняў у адкрыцці для сябе новага, цікавага, у больш глыбокім вывучэнні паасобных аспектыў беларускага мовазнаўства і літаратуразнаўства. Гэта, напрыклад, выяўленне і аналіз старажытных назваў адзення ў гістарычных творах У. Караткевіча, прозвішчаў вучняў сваёй школы, назваў раслін у шматмоўным слоўніку Зоські Верас, афарызмаў, надпісаў на посудзе, мянушак людзей пэўнай мясцовасці, вобразных сродкаў у мастацкім тэксце, вобраза дубу ў фальклоры і літаратуры і інш. Асаблівай увагі заслугоўвае далучэнне да даследчай работы вучаніц 6 класа (Плеская Яніна і Падкоўка Соф’я з СШ № 42 г. Гомеля), якія ўжо пачалі вывучаць сімволіку беларускага арнаменту.

У журы секцыі працавалі і ацэньвалі работы вучняў тры прадстаўнікі УА “Гомельскі дзяржаўны ўніверсітэт імя Францыска Скарыны”: старшыня журы праф. В.А. Ляшчынская, члены журы загадчык кафедры беларускай мовы кандыдаты філалагічных навук дацэнт А. М. Воінава і дацэнт кафедры беларускай літаратуры Т. А. Фіцнер, якімі была праведзена прафарыентацыйная гутарка.

Правядзенне такой штогадовай канферэнцыі вучняў сярэдніх навучальных устаноў толькі ў межах нашага горада – гэта пачатковая школа падрыхтоўкі будучых даследчыкаў, творчых і ініцыятыўных студэнтаў вышэйшых навучальных устаноў, неабыякавых да ўсяго людзей, дапытлівых і няўрымслівых, крэатыўных і выніковых у працы і жыцці грамадзян нашай краіны.  

В. А. Ляшчынская

ІІІ этап рэспубліканскага конкурсу прафесійнага майстэрства педагагічных работнікаў “Настаўнік года Рэспублікі Беларусь”

Подробности

Просмотров: 401

17.03.2023 на базе філалагічнага факультэта праходзіў ІІІ этап рэспубліканскага конкурсу прафесійнага майстэрства педагагічных работнікаў “Настаўнік года Рэспублікі Беларусь” у намінацыі “Руская мова і літаратура, беларуская мова і літаратура”. Лепшыя настаўнікі беларускай мовы і літаратуры нашай вобласці – Есіс Яўген Валер’евіч, Зямлянік Таццяна Мікалаеўна, Галіцкая Мая Аляксандраўна – паказалі свае майстар-класы на студэнтах 2-3 курсаў нашага факультэта, якім такі актыўны вопыт быў вельмі карысным.

Есіс Яўген Валер’евіч, настаўнік беларускай мовы і літаратуры ДУА “Сярэдняя школа №16 г.Мазыра”, прапанаваў майстар-клас “Кампетэнтнасна-арыентаваныя заданні на ўроках літаратуры: значэнне, структура, перспектывы выкарыстання”, мэтай якога было паказаць, як фармуляваць кампетэнтнасна-арыентаванае заданне, якімі паказчыкамі яно характарызуецца і чаму вучыць такое заданне.

Зямлянік Таццяна Мікалаеўна, настаўніца ДУА “Сярэдняя школа №2 г.Турава”, прапанавала майстар-клас “Казка – у жыцці падказка”, мэтай якога было пазнаёміць з паняццем медыяграматнасці: умець знаходзіць патрэбную інфармацыю ў сеціве, аналізаваць і ацэньваць паведамленні ў розных відах, жанрах і формах медыя і ствараць уласныя медыятэксты.

Галіцкая Мая Аляксандраўна, настаўніца ДУА “Чабатовіцкая сярэдняя школа Буда-Кашалёўскага раёна”, прапанавала майстар-клас “Стужка часу як адзін са спосабаў развіцця пазнавальнай актыўнасці вучняў на ўроках беларускай літаратуры”, мэтай якога было пазнаёміць з прапанаваным прыёмам візуалізацыі, паказаць розныя яго віды і спосабы выкарыстання.

Нашы будучыя настаўнікі былі вельмі задаволены ўдзелам, высока ацанілі прафесіяналізм настаўнікаў, наглядна пазнаёміліся з прымяненнем розных прыёмаў і формаў працы на ўроку. Дзякуем арганізатам за выбар філалагічнага факультэта ў якасці пляцоўкі для правядзення такога конкурсу.

З.У. Шведава

Сёння Міжнародны дзень роднай мовы

Подробности

Просмотров: 404

21 лютага адзначаецца Дзень роднай мовы .

З гэтай нагоды дацэнт кафедры беларускай мовы Хазанава К.Л. прапанавала студэнтам групы ЭУ-11 паразважаць на тэму "Мая родная мова - гэта..."

Будучыя эканамісты з цікавасцю распавялі пра значэнне роднай мовы ў жыцці чалавека,  успомнілі, якую мову яны лічаць роднай, і выказалі свае меркаванні пра ролю беларускай мовы ў жыцці грамадства.