Сустрэча з вучнямі педкласаў

Подробности

Просмотров: 319

26.10.2022 года ў межах прафарыентацыйнай работы на філалагічным факультэце адбылася сустрэча з вучнямі 10-х педагагічных класаў ДУА “Сярэдняя школа № 19 г.Гомеля”, ДУА “Гімназія № 40 г.Гомеля”, ДУА “Сярэдняя школа № 73 г.Гомеля”. 

З рэкламай факультэта выступілі дэкан факультэта А.М. Палуян і адказны за прафарыентацыйную работу З.У. Шведава, якія пазнаёмілі вучняў з гісторыяй факультэта, яе знакамітымі выпускнікамі, расказалі аб асаблівасцях кожнай спецыяльнасці факультэта, магчымых стажыроўках за мяжой, умовах паступлення і пражывання, магчымасці авалодання іншымі мовамі, працэсу навучання ў цэлым, размеркавання, растлумачылі ўмовы паступлення без уступных іспытаў і інш., адказалі на пытанні.

Студэнтка Ніна Алдакушкіна правяла з вучнямі цікавую гульню ў шарады “Адгадай слова”, якая выклікала інтарэс. За правільны адказ вучні атрымлівалі невялікі прыз.

Прафесар кафедры беларускай літаратуры А.М. Мельнікава правяла цікавую і змястоўную экскурсію ў Літаратурным музеі “Alma-mater”, дзе сабраны матэрыялы пра выпускнікоў філалагічнага факультэта, што сталі знакамітымі пісьменнікамі, паэтамі, а таксама пра выбітных пісьменнікаў Гомельшчыны.

Дарагія выпускнікі, наш факультэт чакае вас!

З.У. Шведава

“Аб’ектыўная рэальнасць”

Подробности

Просмотров: 322

19.10.2022 у выставачнай зале ГДУ імя Ф. Скарыны адбылося адкрыццё выставы творчых прац “Аб’ектыўная рэальнасць” студэнтаў філалагічнага і біялагічнага факультэтаў: Аліны Цітавец, Анастасіі Буцык, Юліі Вегера і Сяргея Зубарава.

Студэнты і выкладчыкі філалагічнага факультэта прыйшлі падтрымаць сваіх удзельнікаў, выказаць свае адносіны да майстэрства, уразіцца, атрымаць асалоду ад убачанага.

Хочацца выказаць словы ўдзячнасці нашым таленавітым дзяўчатам за магчымасць спыніцца і ўбачыць прыгожае ў звычайным, незвычайнае ў абыдзенным, задумацца над існасцю быцця.

Віншуем Аліну і Насцю з адкрыццём выставы і жадаем ім творчага натхнення ў новых пошуках імгнення непаўторнасці. Мы вамі ганарымся і любім вас!                                                                     

З.У. Шведава

Да Дня маці

Подробности

Просмотров: 318

13.10.2022 студэнты 1 курса факультэта псіхалогіі і педагогікі (група СР-15) разам з дацэнтам кафедры беларускай мовы Хазанавай К.Л. зладзілі круглы стол да Дня маці "Маці ў маім жыцці".

Будучыя псіхолагі і сацыяльныя работнікі шчыра і адкрыта абмеркавалі ролю маці ў жыцці і станаўленні асобы і распавялі пра ўласныя адносіны з маці.

Подробнее: Да Дня маці

Жыццё пачынаецца з маці...

Подробности

Просмотров: 375

Ад самага свайго нараджэння, можа, яшчэ і раней, мы адчуваем цеплыню, ласку, сілу матуліных рук. Напярэдадні Дня маці, 12 кастрычніка 2022 г., у межах дысцыпліны "Сучасная беларуская мова" адбылося мерапрыемства, прысвечанае вядомаму святу. Студэнты факультэта замежных моў (групы А-14 і Н-15) пад кіраўніцтвам свайго выкладчыка Н.П.Цімашэнка на занятках па роднай мове стварылі святочны настрой і павіншавалі ў вершаванай форме ўсіх мам з надыходзячым святам. Крэатыўныя навучэнцы адзначаных груп зрабілі прыгожыя малюнкі да свята, а ў фінале мерапрыемства ў выкананні студэнтаў прагучалі цудоўныя песні, прысвечаныя мамам. Атмасфера мерапрыемства была напоўнена шчырасцю, цеплынёй і адпаведным настроем:

Сэрцу трэба мала,

Сэрцу толькі трэба:

Не хварэла б мама,

Не хмурэла б неба...

Проста і звычайна,

Сёння і заўсёды.

Вось такая тайна

Шчасця і лагоды...