Метадычная канферэнцыя

Подробности

Просмотров: 638

15 лютага 2019 года на філалагічным факультэце ГДУ імя Ф. Скарыны (к.1, аўд. 2-17) праходзіў заключны этап ХІІ Міжнароднай навукова-метадычнай канферэнцыі «Современное образование: преемственность и непрерывность образовательной системы «школа – университет – предприятие» (14-15.02.2019, ГДУ імя Ф. Скарыны) і была арганізавана метадычная канферэнцыя, прысвечаная развіццю і ўдасканаленню навучання беларускай і рускай мовы і літаратуры.

Подробнее: Метадычная канферэнцыя

Метадычная канферэнцыя на філалагічным факультэце

Подробности

Просмотров: 831

15 лютага 2019 года на філалагічным факультэце (к.1, аўд. 2-27) як заключны этап ХІІ Міжнароднай навукова-метадычнай канферэнцыі «Современное образование: преемственность и непрерывность образовательной системы «школа – университет – предприятие» (14-15.02.2019, ГДУ імя Ф. Скарыны) былі арганізаваны метадычныя мерапрыемствы, прысвечаныя развіццю і ўдасканаленню навучання беларускай і рускай мове і літаратуры. Гасцямі студэнтаў і выкладчыкаў філалагічнага факультэта сталі чатыры найбольш творчыя настаўнікі школ горада Гомеля і Гомельскай вобласці, якія прадэманстравалі свой вопыт і вынікі пошукаў новых падыходаў да навучання мове і літаратуры ў наш час. Гэта паведамленне настаўніка-метадыста рускай мовы і літаратуры ДУА “Гімназія №14 г. Гомеля” Жадзейка Жанны Фёдараўны пра апошні ўдасканалены падручнік па рускай мове для 8 класа, адным з аўтараў якога яна з’яўляецца; гэта майстар-класы «Прыёмы і формы арганізацыі пазнавальнай дзейнасці вучняў на ўроках беларускай літаратуры» настаўніка беларускай мовы і літаратуры ДУА “Сярэдняя школа №16 г. Мазыра” Есіса Яўгена Валер’евіча; «Теория литературы в школе: весы необходимости» настаўніка рускай мовы і літаратуры ДУА “Гімназія №51 г. Гомеля” Кісловай Вольгі Аляксандраўны; «Тэматычная скіраванасць урока» настаўніка беларускай мовы і літаратуры ДУА “Гімназія №51 г. Гомеля” Афанасьевай Наталлі Васільеўны.

Усе выступленні настаўнікаў былі прыняты з вялікай зацікаўленасцю, высока ацэнены і, галоўнае, паказалі студэнтам-філолагам перадвыпускнога курса, якім можа і павінен быць настаўнік у школе, для якога галоўным з’яўляецца супрацоўніцтва з вучнямі, творчасць самога настаўніка і развіццё творчых здольнасцей, памяці, увагі, мыслення, актыўнасці вучняў, пошук новых прыёмаў і спосабаў навучання ў адпаведнасці з новымі ўмовамі і патрэбамі грамадства.

Сустрэчы з настаўнікамі-філолагамі, як правіла, выпускнікамі філалагічнага факультэта, з’яўляюцца традыцыйнымі на нашым факультэце, і апошняя сустрэча яшчэ раз прадэманстравала цесныя сувязі школы і ўніверсітэта, настаўнікаў са студэнтамі і выкладчыкамі факультэта, пераемнасць “універсітэт – школе”, а “школа – універсітэту”. Такія мерапрыемствы асабліва патрэбныя нашым студэнтам, якія непасрэдна бачаць вынікі творчай работы, неабходнасць пастаяннага крэатыву, узоры будучай работы як накіраванне да творчых пошукаў у час падрыхтоўкі да педпрактыкі і самастойнай работы, радуюцца поспехам і здабыткам настаўнікаў-наватараў. Дзякуем настаўнікам за такую навуку!

Заключным этапам метадычнай канферэнцыі стала арганізацыя круглага стала “Праблемы падрыхтоўкі будучых настаўнікаў у сістэме “школа – універсітэт – прадпрыемства”, дзе настаўнікі школ і выкладчыкі факультэта абмяркоўвалі пытанні падрыхтоўкі будучых спецыялістаў адукацыйных устаноў рэспублікі, у тым ліку і такія праблемныя пытанні, як, з аднаго боку,абмежаваная колькасць гадзін на выкладанне спецыяльных дысцыплін (методыка выкладання беларускай /рускай мовы, методыка выкладання беларускай /рускай літаратуры), гадзін на правядзенне педагагічнай практыкі ў школе для студэнтаў-філолагаў; з другога боку, мінімальная колькасць гадзін, адведзеная на вывучэнне мовы і літаратуры ў школе як асновы падрыхтоўкі маўленчай, эстэтычна і духоўна развітай асобы, грамадзяніна Беларусі.

А.М. Палуян, З.У. Шведава

Подробнее: Метадычная канферэнцыя на філалагічным факультэце

Англійская мова ў вучэбным працэсе

Подробности

Просмотров: 613

приглашает принять участие в работе круглого стола «Русский язык в диалоге культур»На філалагічным факультэце працягваецца добрая традыцыя абароны выпускных работ на англійскай мове. Летам 2018 года па-англійску абаранялі свае дыпломныя работы студэнты спецыяльнасці “Беларуская філалогія” Дакукін А. і Васіленка Я.

У канцы студзеня 2019 года на філалагічным факультэце паспяхова прайшла абарона магістарскіх дысертацый выпускнікоў завочнай формы навучання спецыяльнасцей ІІ ступені навучання “Мовазнаўства” і “Літаратуразнаўства”.

Магістрантка Савіч Таццяна Аляксандраўна падрыхтавала пад кіраўніцтвам прафесара Ляшчынскай В.А. дысертацыю “Біблейская фразеалогія беларускай, рускай і англійскай моў: супастаўляльны аналіз” і выдатна абараніла яе на англійскай мове.

А. Палуян, дэкан філалагічнага факультэта

ІІІ этап Рэспубліканскай алімпіяды па беларускай мове і літаратуры

Подробности

Просмотров: 1117

У студзені 2019 года традыцыйна праводзіцца ІІІ этап Рэспубліканскай алімпіяды па беларускай мове і літаратуры для навучэнцаў школ, гімназій, ліцэяй і каледжаў.

Выкладчыкі філалагічнага факультэта прынялі актыўны ўдзел у алімпіядзе ў якасці членаў журы.

На працягу трох дзён 95 навучэнцаў Гомеля і Гомельскай вобласці выконвалі заданні, дэманстравалі свае веды, навыкі, вопыт, творчыя здольнасці.

Першы тур – напісанне водгуку на паэтычны або празаічны тэкст. Другі – комплекснае заданне па мове і літаратуры. Трэці – вуснае выказванне на прапанаваную тэму. 

Многія вучні прадэманстравалі добрае валоданне беларускай мовай, веданне асноўных арфаграфічных, лексічных і граматычных норм. Журы было прыемна ўражана высокім узроўнем пісьменнасці работ.

Для ўдзельнікаў алімпіяды і настаўнікаў члены журы правялі разбор заданняў і аналіз вынікаў.

Алімпіяда – гэта спаборніцтва. Пераможцы былі ўзнагароджаны дыпломамі І, ІІ і ІІІ ступені. А выпускнікі 2019 года атрымалі персанальныя запрашэнні і кансультацыі пра ўніверсітэт, філалагічны факультэт, асаблівасці правядзенні ўступных экзменаў.

А. Палуян, дэкан філалагічнага факультэта