Прэм’ера фільма

Подробности

Просмотров: 948

14 снежня студэнты філалагічнага факультэта наведалі прэм’ерны паказ фільма “Шторм: палаючы ліст” у кінатэатры “Мір”. З’ява гэтая сапраўды выключная, бо ўпершыню ў Гомелі дэманстравалася замежная карціна, цалкам агучаная па-беларуску.

Гледачы пачалі збірацца яшчэ загадзя. Кожнага, хто пераступаў парог кінатэатра, адразу ахутвалі гукі старасвецкае барочнае музыкі, якія поўнілі душу радасцю і замілаваннем. Увагу прыцягваў таксама друкарскі станок, на якім можна было атрымаць адбітак сапраўднай гравюры.

Такі ўступ арганічна суадносіўся з тэматыкай фільма, які распавядае пра падзеі Рэфармацыі ў Нідэрландах пяцісотгадовай даўніны, у тым ліку закранаецца і развіццё кнігадрукавання. Якраз тое, што сёлета ў Беларусі святкуецца юбілей дзейнасці Ф. Скарыны, і было прычынай адбору для дэманстравання менавіта дадзенага кінафільма.

Нягледзячы на некаторыя хібы ў перакладзе і пэўную аднабаковасць сюжэта, карціна ўражвае дакладнасцю перадачы жыцця той эпохі, падборам дэкарацый і строяў. Усе прысутныя сапраўды на некаторы час змаглі апынуцца ў атмасферы далёкай мінуўшчыны.

 А. Дакукін, студэнт 4 курса

Зіма ў рускай паэзіі

Подробности

Просмотров: 1065

Вось і надышла незаўважна зіма. А з ёй падпаўзлі халады, завеі, маразы. Колькі цудоўных вершаў пра зіму мае багатая скарбонка класічнай рускай літаратуры! 12 снежня 2017 года студэнты групы АЯ-15 на чале з выкладчыкам рускай мовы як замежнай Хазанавай К. Л. ладзілі круглы стол “Зіма ў рускай паэзіі”. Туркменскія студэнты чыталі на памяць вершы рускіх паэтаў, прысвечаныя зіме. І хай не ўсе са студэнтаў яшчэ дасканала валодаюць рускай мовай, але маладзёжны імпэт і жаданне наблізіцца да літаратурных скарбаў надалі выступленням эмацыянальнасці і ўзрушанасці.

Подробнее: Зіма ў рускай паэзіі

Конкурс "Студэнт года"

Подробности

Просмотров: 930

08.12.2017 г. студэнтка гр. БФ-11 Язерская Марыя як прадстаўнік першага курса наведала Нацыянальную бібліятэку, дзе праходзіў конкурс “Студэнт года”. Студэнтка засталася ў захапленні ад арганізацыі гэтага мерапрыемства.                                                                                      

Экскурсія ў музей рэдкай кнігі

Подробности

Просмотров: 967

08.12.2017 г. студэнты гр.БФ-11 разам з куратарам наведалі Музей рэдкай кнігі пры абласной бібліятэцы імя У.І.Леніна. Для студэнтаў была праведзена цікавая экскурсія, дзякуючы якой яны даведаліся пра калекцыю старажытных рэдкіх кніг, пазнаёміся з дзеючай экспазіцыяй выданняў савецкага перыяду.

Подробнее: Экскурсія ў музей рэдкай кнігі