Навуковы семінар на філалагічным факультэце

Подробности

Просмотров: 273

23 верасня 2022 года на філалагічным факультэце ГДУ імя Ф.Скарыны адбыўся навуковы семінар, прысвечаны экспертызе доктарскай дысертацыі загадчыка кафедры мовазнаўства і лінгвадыдактыкі Беларускага дзяржаўнага педагагічнага ўніверсітэта імя Максіма Танка кандыдата філалагічных навук дацэнта Дзмітрыя Васільевіча Дзятко "Беларуская лінгвістычная тэрмінаграфія: генезіс, структура, тыпалогія". 

Экспертам па дысертацыі выступіла прафесар кафедры беларускай мовы, доктар філалагічных навук прафесар Аляксандра Аляксандраўна Станкевіч.

Навуковае даследаванне Дзмітрыя Васільевіча прысвечана слоўнікам беларускай лінгвістычнай тэрміналогіі, апублікаваным на працягу стагоддзя ад 1921 да 2021 года.

Віртуальнае падарожжа "Па старонках гісторыі беларускай мовы"

Подробности

Просмотров: 449

У рамках Тыдня беларускай мовы 22 верасня 2022 г. студэнты групы СР-15 разам з дацэнтам кафедры беларускай мовы Хазанавай К.Л. правялі віртуальнае падарожжа "Па старонках гісторыі беларускай мовы".

Першакурснікі, якія абралі сваёй будучай прафесіяй сацыяльную работу і псіхалогію, з захапленнем успомнілі і абмеркавалі асноўныя гістарычныя этапы развіцця беларускай мовы, успомнілі славутых старажытных беларускіх асветнікаў, падзяляліся ўражаннямі ад наведвання гістарычных мясцін Беларусі.

Гульня ў анаграмы “У свеце беларускага слова”

Подробности

Просмотров: 317

19.09.2022 у межах рэспубліканскай акцыі «Тыдзень роднай мовы», накіраванай на папулярызацыю беларускай мовы, на філалагічным факультэце студэнты 3 курса спецыяльнасці “Руская мова і літаратура. Замежная мова” пад кіраўніцтвам дацэнта кафедры беларускай мовы Шведавай З.У. прынялі ўдзел у гульні ў анаграмы “У свеце беларускага слова”. Студэнты даведаліся, што анаграма – гэта вынік перастаноўкі літар у слове ці выразе з мэтай атрымаць новае слова ці выраз (напрыклад, коска – какос), а таксама са значэннем многіх цікавых беларускіх слоў (напрыклад, кут – тук ‘растоплены тлушч’).   

Актуальныя праблемы філалогіі: выпуск 15

Подробности

Просмотров: 279

На пачатку навучальнага года выйшаў у свет 15 выпуск зборніка навуковых артыкулаў студэнтаў, магістрантаў і аспірантаў "Актуальныя праблемы філалогіі".                                                                 

У зборніку навуковых артыкулаў “Актуальныя праблемы філалогіі” прадстаўлены працы маладога пакалення даследчыкаў літаратуры, мовы, фальклору і этнаграфіі, якія выразна характарызуюць належны ўзровень і перспектывы развіцця беларускай філалагічнай навукі ў ХХІ стагоддзі. 

Зборнік складаецца з трох частак, кожная з якіх рэпрэзентуе навуковыя пошукі студэнтаў, магістрантаў і аспірантаў філалагічнага факультэта, факультэта замежных моў і факультэта гісторыі і міжкультурных камунікацый Гомельскага дзяржаўнага ўніверсітэта імя Ф.Скарыны” ў адпаведнай галіне гуманітарных даследаванняў.

Літаратуразнаўчыя артыкулы прысвечаны самым разнастайным праблемам класічнага і сучаснага, рускага і айчыннага вербальнага мастацтва. Акрамя прац манаграфічнага характару, дзе даследуюцца асаблівасці паэтыкі (адметнасці вобразна-сімвалічных структур, жанравая спецыфіка, тыпалагічныя сыходжанні і інш.), ідэйна-эстэтычных і светапоглядных канцэпцый асобных пісьменнікаў, у зборніку прадстаўлена нямала даследаванняў панарамна-аглядавага характару. Апошнія характарызуюцца даволі цікавымі падыходамі ў асэнсаванні актуальных праблем сённяшняга мастацтва слова і выбарам маладаследаваных ракурсаў разгляду літаратуры ХХ і ХХІ стагоддзяў (экзістэнцыйныя праблемы, жанравыя мадыфікацыі і інш.). Акрамя таго, шэраг артыкулаў прысвечаны пытанням тэорыі літаратуры.

Лінгвістычныя артыкулы таксама закранаюць шырокі спектр праблем, звязаных з рознымі раздзеламі мовазнаўства: фразеалогіяй, гісторыяй мовы, анамастыкай, стылістыкай, лексікалогіяй і інш. 

Артыкулы, змешчаныя ў трэцім раздзеле (“Фалькларыстыка і этнаграфія”), грунтуюцца на сабраным самімі аўтарамі матэрыяле і ўяўляюць сабой арыгінальныя даследаванні ў рэчышчы катэгорый “лакальнае”, “рэгіянальнае” і “нацыянальнае”. Шэраг артыкулаў разглядаюць актуальныя пытанні краязнаўства і этнаграфіі.