Метадычная работа

Вы здесь: Главная

Кафедры

Кафедра белорусского языка

Посетители

Количество просмотров материалов: 4611610

Наши партнеры

Летняя школа

СЛОВАРИ ДЛЯ ВАС

НАША РЕКЛАМА

БУКЛЕТ ФАКУЛЬТЕТА

Это интересно знать!

Контакты

246019, г. Гомель, ул. Советская, д. 108

Выніковы курсавы сход па педагагічнай практыцы студэнтаў 4 курса

Подробности: Просмотров: 972

27.04.2017 адбыўся выніковы курсавы сход па педагагічнай практыцы студэнтаў 4 курса спецыяльнасці “Беларуская філалогія”, на якім традыцыйна праводзіўся конкурс на лепшую прэзентацыю педагагічнай практыкі. Трэба адзначыць, што, у адрозненне ад папярэдніх выпускаў, студэнты 4 курса праходзілі педагагічную практыку першы і апошні раз, тэрмін практыкі цягнуўся 10 тыдняў.

Чацверакурснікі чакалі дадзены сход, каб выказацца, якія ў іх былі цяжкасці і што атрымалася, як іх сустрэлі дзеці, як яны пераадолелі першыя крокі вядзення ўрока ў якасці настаўніка, якія прыёмы і метады вядзення ўрока выкарыстоўвалі, як выходзілі са становішча, калі заканчвалі ўрок раней, якія праводзілі пазакласныя мерапрыемствы і інш. Пазітыўныя эмоцыі і станоўчыя ўражанні перапаўнялі будучых настаўнікаў.

Студэнты вельмі творча падышлі да заключнай канферэнцыі, падрыхтаваўшы цікавыя камп’ютарныя прэзентацыі і відэафільмы. Прадставілі сваё бачанне практыкі ўсе групы студэнтаў, а іх было 6. Прэзентацыі былі цікавымі, крэатыўнымі, і кожная нечым уразіла, а таму пераможцамі палічылі ўсіх. У сваіх выступленнях студэнты зазначылі, што праца настаўніка вельмі складаная і патрабуе грунтоўнай прафесійнай падрыхтоўкі, і выказалі ўпэўненасць, што правільна выбралі будучую прафесію.

З.У. Шведава

Конкурс чытальнікаў “Вершы ваенных гадоў”

Подробности: Просмотров: 1484

5 мая 2017 г. на філалагічным факультэце (спец."Беларуская філалогія") адбыўся конкурс чытальнікаў, прысвечаны Дню перамогі “Вершы ваенных гадоў”.

У конкурсе прынялі ўдзел студэнты першага курса. Кампетэнтнае журы ўзначальвала кандыдат філалагічных навук дацэнт Ермакова А.М. Сярод пераможцаў конкурсу студэнты Сівакова Вольга, у намінацыі "Верш беларускага паэта", і Аўдод Святлана, у намінацыі "Уласны верш".

Наведванне музея Ваеннай славы

Подробности: Просмотров: 896

Студэнты групы П-16 юрыдычнага факультэта 13.04.2017 г. наведалі музей Ваеннай славы . У музеі іх пазнаёмілі з відамі зброі ад старажытнасці да перыяду Вялікай Айчыннай вайны. Яны даведаліся таксама аб подзвігах воінаў – нашых землякоў, убачылі іх асабістыя рэчы, перапіску з роднымі.

Наведванне музея фатаграфіі

Подробности: Просмотров: 936

30.03.2017 г. студэнты групы П-16 юрыдычнага факультэта наведалі музей фатаграфіі. Яны з вялікай цікавасцю разглядалі фотаапараты розных мадэлей, назіралі за працэсам праяўлення негатываў.

Подробнее: Наведванне музея фатаграфіі

Сустрэча з Яўгенам Уладзіміравічам Свістовым

Подробности: Просмотров: 1188

Сёння, 14 красавіка, да студэнтаў філалагічнага факультэта быў запрошаны Яўген Уладзіміравіч Свістоў – фалькларыст, этнограф, паэт і краявед з г. Бранска.

Ён займаецца даследаваннем міфалогіі на тэрыторыях Расіі, Украіны і Беларусі.

Яўген Уладзіміравіч вельмі захоплены сваёй работай. Цікавасць яго да Беларусі – не выпадковая. Міфалагічныя ўяўленні беларусаў змяняліся з цягам часу пад уплывам розных гістарычных умоў. Міфалогіі таксама належыць значнае месца ў літаратуры.

Сам Яўген Уладзіміравіч піша вершы на розныя вольныя тэмы, але праблемы палітыкі ў сваёй творчасці ён не кранае. Напісаннем вершаў творчасць фалькларыста не абмяжоўваецца: Яўген Уладзіміравіч піша і вывучае дзённікавую творчасць. На яго думку, дзённік “з’яўляецца значнай крыніцай інфармацыі”.

Да асабістых даследаванняў Яўгена Уладзіміравіча можна аднесці назіранне за сучаснай культурай маўлення. Навуковец упэўнены, што “кожнае наступнае пакаленне абірае сваю асабістую мову для зносін”.

Даследаванне Яўген Уладзіміравіч будзе праводзіць зноў і зноў, таму што тое, “што ёсць у мове сёння, заўтра можа зусім знікнуць”.

Сівакова Вольга

БФ-11

Подробнее: Сустрэча з Яўгенам Уладзіміравічам Свістовым