Міжнародны дзень роднай мовы

Подробности

Просмотров: 1016

Кажуць, мова мая аджывае
Век свой ціхі: ёй знікнуць пара.
Для мяне яна вечна жывая,
Як раса, як сляза, як зара.
Гэта ластавак шчабятанне,
Звон світальных палескіх крыніц,
Сінь чабору, і барвы зарніц,
І буслінае клекатанне…  (Ніл Гілевіч)

21 лютага адзначаецца Міжнародны дзень роднай мовы. Ён быў абвешчаны ЮНЕСКА ў 1999 годзе па ініцыятыве Бангладэш. Менавіта 21 лютага 1952 года ў тагачасным Пакістане, усходняя частка якога стала пазней незалежнай дзяржавай Бангладэш, загінулі студэнты, якія адстойвалі права навучацца на роднай мове.

У свеце налічваецца да 5 тысяч моў. Некаторыя ўжо мёртвыя, на асобных гавораць дзясяткі ці сотні людзей. Ёсць мовы, якія знаходзяцца пад пагрозай знікнення. На жаль, у гэту катэгорыю трапіла і беларуская мова. І ад кожнага з нас сёння залежыць, ці будзе існаваць жывая беларуская мова – нацыянальная мова Рэспублікі Беларусь і адна з дзяржаўных моў нашай  краіны.

Мова – частка чалавечай культуры, гістарычнай спадчыны. Дзякуючы ёй жывуць традыцыі. Мова абуджае цікавасць да пазнання свету, садзейнічае праяўленню павагі да нашага мінулага і служыць элементам аб’яднання людзей.

21 лютага 2017 года мы вырашылі праверыць свае веды па беларускай мове – напісаць дыктант у межах акцыі “Усеагульны дыктант”, арганізаванай кафедрай беларускай мовы філалагічнага факультэта ГДУ імя Ф. Скарыны. У аўдыторыі 2-16 прысутнічалі студэнты 3 і 4 курсаў спецыяльнасці “Лясная гаспадарка”. Сваіх выхаванцаў падтрымалі выкладчыкі біялагічнага факультэта: загадчык кафедры лесагаспадарчых дысцыплін Лазарава М.С. (якая, дарэчы, адукацыю атрымала ў Расіі і беларускую не вывучала, але не спалохалася “цяжкасцей”),  старшы выкладчык гэтай жа кафедры Клімовіч Л.К. і намеснік дэкана па вучэбнай рабоце Галіноўскі М. Г. Тэкст чытала аўтар гэтых радкоў.

Мы ўдзячны ўсім, хто праявіў цікавасць да роднага Слова і жаданне праверыць сваю пісьменнасць на роднай мове.

Ніжэй публікуюцца вынікі – шыфр і колькасць памылак (першая лічба – арфаграфічныя памылкі, другая – пунктуацыйныя):

Подробнее: Міжнародны дзень роднай мовы

Дзень роднай мовы ў ДУА “Сярэдняя школа № 57 г. Гомеля”

Подробности

Просмотров: 1556

21 лютага да Міжнароднага дня роднай мовы студэнтамі філалагічнага факультэта былі праведзены мерапрыемствы ў 5 і 8 класах сярэдняй школы №57. У 8 класе адказнымі за правядзенне “Сваёй гульні” былі: Сазонаў Аляксей, Афанасенка Вольга і Калешка Святлана. У 5 класе брэйн-рынг “Матчына мова” ўзначальвалі: Поляк Вольга, Савянкова Маргарыта і Маісеева Марыя. Пераможцам былі раздадзены прызы ў выглядзе цукерак і дадатковых балаў да адзнак. Вучні актыўна змагаліся за права звацца лепшымі.

Подробнее: Дзень роднай мовы ў ДУА “Сярэдняя школа № 57 г. Гомеля”

21 лютага – Дзень роднай мовы!

Подробности

Просмотров: 1037

21 лютага студэнты філалагічнага факультэта прынялі ўдзел ва ўрачыстым святкаванні Дня роднай мовы ў ДУА “Гімназія №10 г. Гомеля”. Разам з настаўніцай беларускай мовы і літаратуры Жаўняк Наталляй Валер’еўнай студэнты падрыхтавалі праграму мерапрыемстваў і самі былі ўдзельнікамі.

      З нагоды свята ўвесь тыдзень будуць праводзіцца мерапрыемствы. Настаўнікі беларускай мовы і літаратуры кожны дзень будуць праводзіць майстар-класы, гульні, віктарыны сярод вучняў 5-11 класаў.

Студэнтам таксама пашчасціла акунуцца ў гэты чароўны свет. Яны пад кіраўніцтвам Жаўняк Н. В. будуць праводзіць “Моўны турнір” сярод вучняў сёмых і восьмых класаў.

Студэнты філалагічнага факультэта ўдзячны настаўніцы беларускай мовы і літаратуры Жаўняк Н. В. за тое, што і яны маюць магчымасць несці добрае і светлае вучням.

Подробнее: 21 лютага – Дзень роднай мовы!

Дзень роднай мовы 21 лютага 2017 года

Подробности

Просмотров: 844

Дзень роднай мовы

21 лютага 2017 года

ва ўсім свеце адзначаецца Дзень роднай мовы.

У гонар гэтай падзеі кафедра беларускай мовы філалагічнага факультэта ГДУ імя Ф. Скарыны

правяла рад мерапрыемстваў, у ліку якіх усеагульны дыктант

“Францыск Скарына”.

У акцыі прынялі ўдзел студэнты філалагічнага факультэта ГДУ імя Ф. Скарыны, студэнты ГДТУ імя П.В. Сухога і студэнты ГДМУ.

Подробнее: Дзень роднай мовы 21 лютага 2017 года