Размовы пра шчасце…

Подробности

Просмотров: 857

25 мая 2017 на факультэце адбылася творчая сустрэча сапраўдных майстроў слова пад назвай “Размовы пра шчасце…”. Эпіграфам да рытарычных выступленняў студэнтаў гр.БФ-31 паслужылі словы К. Гельвецыя “Чалавек, які робіць другіх шчаслівымі, не можа быць няшчасным”. Студэнты-філолагі выказалі свае думкі пра шчасце і тое, з чаго яно складаецца. У выніку і студэнты, і выкладчыкі, якія прысутнічалі,  атрымалі задавальненне ад выступленняў маладых аратараў. Атмасфера шчасця і станоўчых эмоцый панавала на працягу ўсёй творчай сустрэчы, арганізаванай студэнтамі пад кіраўніцтвам дацэнтаў кафедры беларускай мовы Цімашэнка Н.П. і Мінаковай Л.М.

Незвычайная сустрэча

Подробности

Просмотров: 1661

12 мая 2017 г. на філалагічным факультэце прафесарам кафедры беларускай мовы В.А. Ляшчынскай была арганізавана незвычайная сустрэча. У госці да студэнтаў-філолагаў была запрошана вучаніца 5 класа СШ № 19 горада Гомеля Казлоўская Лаліта і настаўніца беларускай мовы і літаратуры  гэтай школы Г.У. Канцавая, былая студэнтка нашага факультэта. 

Казлоўская Лаліта выступіла перад аўдыторыяй як ранні, а не толькі малады даследчык, як аўтар навуковага праекта “Наша спадчына – беларуская батлейка”. Дзяўчынка гучна,  прыгожа, на добрай беларускай мове без заглядвання ў тэкст работы расказала, як упершыню ўбачыла спектакль у лялечным тэатры, як адшуквала звесткі пра канструкцыю-тэатр, як даведалася пра батлейку, захапілася гэтай тэмай яшчэ ў пачатковай школе, як уразіла яе гэтае відовішча, як пачала цікавіцца гісторыяй батлейкі. Але асабліва захацелася мець батлейку і быць самой акторкай. І яе падтрымалі найперш бацька, які змайстраваў аснову-канструкцыю батлеечнага тэатра, і маці, якая дапамагала шыць касцюмы для лялек і падключыла да гэтай работы амаль усіх дзяўчынак-аднакласніц Лаліты. Так нарадзілася агульная справа, якая ўсіх захапіла. А яшчэ Лаліта прадставіла адну пастаноўку з яе ўжо немалога рэпертуара тэатра  батлейкі  – “Цар Ірад”, дзе ўсе ролі лялек выконвала яна адна. Выступіла і настаўніца, якая дапамагала ў афармленні навуковага праекта (дарэчы, Казлоўская Лаліта па выніках Адкрытай навуковай канферэнцыі “Свабодны выбар”, якая адбылася 25 сакавіка 2017 г. на базе гімназіі № 10 г. Гомеля, стала пераможцай), курыруе навуковую работу Лаліты і расказала пра гэтую незвычайна захопленую, адораную дзяўчынку.

Для студэнтаў і ўсіх прысутных было цікава, пазнавальна і здзіўляльна. Студэнты даведаліся пра гісторыю батлейкі, яе распаўсюджанасць у мінулым і захаванні рэшткаў сёння, пачулі пра этымалогію слоў, паглядзелі спектакль аднаго акцёра ў многіх ролях.

                                                                            Шведава З.У. 

Подробнее: Незвычайная сустрэча

Абласны конкурс рытарычнага майстэрства “Гавары са мной па-беларуску”

Подробности

Просмотров: 1310

29 красавіка 2017 года на базе ДУА “Гімназія №36 г. Гомеля імя І. Мележа” адбыўся чарговы абласны конкурс рытарычнага майстэрства “Гавары са мной па-беларуску” сярод вучняў 8 – 10 класаў школ г. Гомеля і Гомельскай вобласці. У якасці членаў журы былі запрошаны выкладчыкі філалагічнага факультэта: праф. Ляшчынская В.А., дац. Воінава А.М., дац. Кастрыца А.М., дац. Палуян А.М., дац. Паплаўная Л.В., дац. Хазанава К.Л., дац. Цімашэнка Н.П., дац. Шведава З.У., асістэнт Сіразтдзінава А.М. Старшынёй конкурсу абрана прафесар кафедры беларускай мовы, доктар філалагічных навук, прафесар – В.А. Ляшчынская.

Конкурс праходзіў у два этапы. Першы этап – мультымедыйнае эсэ, якое было дамашнім заданнем і заключалася  ў выглядзе вуснага выказвання на агульную для ўсіх тэму (для кожнага класа асобная тэма) і мультымедыйную прэзентацыю свайго выступлення. Другі этап заключаўся ў падрыхтоўцы тэксту вуснага выказвання на адну з прапанаваных двух тэм, адзначаных у картках, што выцягваў кожны вучань і рыхтаваў не менш як 15 мінут.

Вынікі конкурсу паказалі добрае валоданне нормамі беларускай літаратурнай мовы, выпрацаваныя ўменні падбіраць ілюстрацыйны і фактычны матэрыял па тэме выказвання, апрацоўваць і складаць тэкст выступлення як дамашняга задання. Крыху горш было з выказваннем на прапанаваную тэму ва ўмовах аўдыторыі, не заўсй1ды правільным разуменнем тэмы для выказвання ў выглядзе цытаты з твораў беларускіх мастакоў слова. Але ўвогуле конкурс прадэманстраваў высокі ўзровень валодання беларускай мовай, асэнсаваннем яе месца і ролі ў камунікацыйных мэтах, як мовы тытульнай нацыі і неабходнасці яе раўнапраўнага выкарыстання ў грамадстве. 

         В.А. Ляшчынская, З.У. Шведава

Подробнее: Абласны конкурс рытарычнага майстэрства “Гавары са мной па-беларуску”

Выніковы курсавы сход па педагагічнай практыцы студэнтаў 4 курса

Подробности

Просмотров: 726

27.04.2017 адбыўся выніковы курсавы сход па педагагічнай практыцы студэнтаў 4 курса спецыяльнасці “Беларуская філалогія”, на якім традыцыйна праводзіўся конкурс на лепшую прэзентацыю педагагічнай практыкі. Трэба адзначыць, што, у адрозненне ад папярэдніх выпускаў, студэнты 4 курса праходзілі педагагічную практыку першы і апошні раз, тэрмін практыкі цягнуўся 10 тыдняў.

       Чацверакурснікі чакалі дадзены сход, каб выказацца, якія ў іх былі цяжкасці і што атрымалася, як іх сустрэлі дзеці, як яны пераадолелі першыя крокі вядзення ўрока ў якасці настаўніка, якія прыёмы і метады вядзення ўрока выкарыстоўвалі, як выходзілі са становішча, калі заканчвалі ўрок раней, якія праводзілі пазакласныя мерапрыемствы і інш. Пазітыўныя эмоцыі і станоўчыя ўражанні перапаўнялі будучых настаўнікаў.

       Студэнты вельмі творча падышлі да заключнай канферэнцыі, падрыхтаваўшы цікавыя камп’ютарныя прэзентацыі і відэафільмы. Прадставілі сваё бачанне практыкі ўсе групы студэнтаў, а іх было 6. Прэзентацыі былі цікавымі, крэатыўнымі, і кожная нечым уразіла, а таму пераможцамі палічылі ўсіх. У сваіх выступленнях студэнты зазначылі, што праца настаўніка вельмі складаная і патрабуе грунтоўнай прафесійнай падрыхтоўкі, і выказалі ўпэўненасць, што правільна выбралі будучую прафесію.

З.У. Шведава