Результаты работы СНИЛ

Вы здесь: Главная

Кафедры

Кафедра белорусского языка

Посетители

Количество просмотров материалов: 3479793

Наши партнеры

Летняя школа

СЛОВАРИ ДЛЯ ВАС

НАША РЕКЛАМА

БУКЛЕТ ФАКУЛЬТЕТА

Буклет на английском языке

Это интересно знать!

Контакты

246019, г. Гомель, ул. Советская, д. 108

Ура! Канiкулы!!

Подробности: Просмотров: 1610

Нарэшце, яны надышлі – доўгачаканыя і такія імгненныя і хуткія... Як правесці адпачынак з максімальнай карысцю??? Наведаць новыя цікавыя мясціны і запрасіць у падарожжа сяброў!

За чыстым паветрам – на Браслаўскія азёры!!!!

Адно з іх – возера Дрывяты. Тут нас чакае надзвычай прыгожая прыроды і непаўторная атмасферы. Цішыня, заходы сонца, спевы птушак, а яшчэ – храмы, старажытныя курганы, “дзікія” бухты і астраўкі. І, канешне, лета – гэта пляжы, загар і купанне. Вада на возеры праграваецца ўжо да сярэдзіны чэрвеня. А нават калі надвор’е і сапсуецца, то ёсць шматлікія цікавыя экскурсіі: можна наведаць вёску Мосар, прагуляцца па мясцовым дэндрапарку і зайсці ў касцёл Святой Ганны, наведаць старажытны Полацк, падняцца на гару Маяк і паглядзець на азёры з вышынь птушынага палёту, наведаць гарадзішча Масковічы і курганныя групы ў вёсках Укля і Опса. У самім Браславе ёсць замкавая гара, касцёл Нараджэння Дзевы Марыі, а таксама рыначак са свежымі ягадамі і грыбамі. А яшчэ традыцыя Браслаўскіх азёр – рыбалка! Задавальненне ад рыбнай лоўлі гарантавана нават тым, хто ўпершыню возьме ў рукі вуду.

МЯСЦIНЫ БЕЛАРУСI

Лясное, ахінутае паданнямі возера Свіцязь пачынае турыстычны сезон з першымі цёплымі днямі.

Заказнікі “Чырвоны бор” і “Сіньша” – мясціны Расоншчыны, якія лічацца найбольш маляўнічымі і экалагічна чыстымі ў краіне. Прыхільнікі экатурызму назіраюць тут за раслінным і жывёльным светам.

На бягучую ваду ракі Нёман можна глядзець бясконца. Адпачынак на рацэ супакоўвае і паслабляе.

Турыстычная кар’ера Аўгустоўскага канала пачалася яшчэ паміж Першай і Другой сусветнымі войнамі, калі на шлюзе Дамброўка ладзілі “Свята мора”, а па маршруце Гродна – Аўгустоў – Гродна курсіравалі два параходы.

Рака Прыпяць – непрадказальная, капрызная, цудоўная, няўрымслівая... А яшчэ – Палеская Амазонія... Сплаўляючыся па Прыпяці, пазнаеш самабытную беларускую культуру, любуешся магутнымі дубравамі, слухаеш звонкія спевы птушак і... ловіш рыбу.

Самы вялікі штучны вадаём Беларусі месціцца на рацэ Вілііі. З берагоў Вілейскага вадасховішча адкрываюцца найпрыгажэйшыя віды на водную роўнядзь, а Вілія падыходзіць для байдарачных паходаў.

Сарачанскія азёры – жамчужныя каралі Астраветчыны. Аматарам некранутай прыроды да душы прыйдуцца прагулкі па азёрных берагах, адкрытых узвышанасцях з прывабнымі панарамамі, густым лесам і крутым каньёнам.

Дыялекталагічная практыка

Подробности: Просмотров: 2257

Дыялекталагічная практыка студэнтаў філалагічнага факультэта – важная частка вучэбнага працэсу пры падрыхтоўцы спецыялістаў-філолагаў. З'яўляецца магчымасць непасрэдна сустрэцца з носьбітамі духоўнай і матэрыяльнай культуры Усходняга (Гомельскага) Палесся, замацаваць практычна атрыманыя тэарэтычныя веды, набыць навыкі збіральніцкай работы.

Запіс этнаграфічных матэрыялаў патрабуе сумленнасці і адказнасці ў час фіксацыі моўных з'яў, захавання асноўных патрабаванняў і прынцыпаў:

– абавязкова фіксаваць матэрыялы з захаваннем асаблівасцей мясцовай гаворкі;

– указваць пры кожнай адзінцы яе граматычныя паметы і лексічнае значэнне, прыводзіць ілюстрацыйны матэрыял;

– у кожным канкрэтным выпадку дакладна ўказваць пашпарт адзінкі: дзе запісана, ад каго запісана, год нараджэння інфарматара, кім запісана.

Подробнее: Дыялекталагічная практыка

Мэты і задачы СНДЛ

Подробности: Просмотров: 2457

Лексіка матэрыяльнай і духоўнай культуры беларусаў

Павышэнне якасці падрыхтоўкі спецыялістаў у рамках СМК, удасканаленне арганізацыйнай работы СНДЛ. Навучанне студэнтаў асновам навукова-даследчай і іншай творчай работы, выпрацоўка практычных уменняў і навыкаў яе правядзення.
Арганізацыя выкарыстання атрыманых вынікаў творчай дзейнасці студэнтаў у вучэбным працэсе і ў вытворчасці.
Кансультаванне студэнтаў па пытаннях выкарыстання наглядных дапаможнікаў, камп’ютарнай тэхнікі і сучасных камп’ютарных тэхналогій, дапамога ў арганізацыі самастойнай работы.
Вывучэнне ўсебаковага ўзаемадзеяння адзінак мовы з духоўнай культурай.
Павышэнне ўзроўню арфаграфічнай і пунктуацыйнай пісьменнасці студэнтаў.
Вывучэнне і павышэнне ўзроўню культуры вуснага маўлення студэнцкай моладзі.
Збор, сістэматызацыя і вывучэнне фактычнага матэрыялу, які адлюстроўвае матэрыяльную і духоўную культуру беларусаў у гаворках Гомельшчыны і ў беларускай літаратурнай мове.
Моўны аналіз народнагаспадарчай лексікі Гомельшчыны.
Лінгвістычны аналіз каляндарна-абрадавай лексікі ў гаворках Гомельшчыны
Аналіз сямейна-абрадавай лексікі Гомельшчыны.
Складанне картатэкі лексікі матэрыяльнай і духоўнай культуры Гомельшчыны.
Падрыхтоўка матэрыялаў “Слоўніка абрадавай лексікі Гомельшчыны”.
Удзел у мерапрыемствах па прагандзе дасягненняў СНДЛ, падрыхтоўка лепшых закончаных работ для ўдзелу ў міжнародных, рэспубліканскіх, універсітэцкіх канферэнцыях, смотрах, конкурсах, выставах.
Арганізацыя правядзення навукова-метадычных студэнцкіх семінараў для атрымання навыкаў прафесійных зносін, абмену навуковай інфармацыяй, выпрацоўкі педагагічных і прафесійных якасцей стуэнтаў-філолагаў.
Метадычная дапамога студэнтам у самастойнай рабоце пры падрыхтоўцы да практычных заняткаў, напісанні рэфератаў і дакладаў, у выкарыстанні вучэбнай ліатарутры, наглядных дапаможнікаў, перыядычных выданняў, якія маюцца ў СНДЛ «Лексіка матэрыяльнай і духоўнай культуры беларусаў».

Курсы польскай мовы

Подробности: Просмотров: 1805

З кастрычніка 2002 года на філалагічным факультэце пры кафедры беларускай мовы плённа працуюць двухгадовыя курсы польскай мовы для студэнтаў і дарослых, пасля якіх паспяховыя слухачы атрымліваюць ад Польскага інстытута ў Мінску пасведчанні аб іх заканчэнні на дзвюх мовах - беларускай і польскай, а пасля кожнага навучальнага года некаторыя самыя старанныя слухачы - выкладчыкі і студэнты - выязджаюць на моўныя вакацыйныя стажыроўкі ў шматлікія моладзевыя летнія адукацыйныя школы Рэчы Паспалітай, працягваючы старыя традыцыі асветніцкіх вандровак славутых нашых землякоў…

Геаграфіі нашых падарожжаў можна па-добраму пазайздросціць: гэта Варшава і Люблін, Жэшув і Цешын, Кракаў і Седльцы, гэта бурштынавае ўзбярэжжа Балтыйскага мора, снежныя капелюшы сівых Татраў і блакітныя люстэркі казачных Мазурскіх азёраў… А лепш не зайздросціць, а проста далучыцца да грона аматараў пальшчызны, калі, канешне, у Вашай душы жывуць матывы нашай агульнай старадаўняй гісторыі з краінай абодвух народаў, калі ёсць ахвота навучыцца чамусьці новаму і карыснаму, каб урэшце адчуць магутныя, глыбінныя агульнаславянскія карані і нашай гістарычнай мовы - мовы беларускай. Акрамя таго, курсы польскай мовы дзіўным чынам збліжаюць нашых выкладчыкаў і студэнтаў, якія становяцца сапраўднымі сябрамі-аднадумцамі на доўгія гады і па старой звычцы вітаюцца паміж сабой.

Акрыленыя выпускнікі курсаў польскай мовы пасля заканчэння нашага ўніверсітэта паспяхова працягваюць вучобу ў прыватных і дзяржаўных польскіх ВНУ: у Беластоцкім універсітэце на спецыяльнасці "Культуразнаўчая педагогіка", у Варшаўскім універсітэце на паланістыцы, у Кракаўскім вышэйшым эканамічным універсітэце на спецыяльнасці "Міжнародныя зносіны". Многія з іх працуюць па сумяшчальніцтву перакладчыкамі ў гомельскіх гандлёвых і вытворчых фірмах або на сумесных беларуска-польскіх прадпрыемствах, куды прыйшлі калісьці нявопытнымі маладымі спецыялістамі, а цяпер высока цэняцца сваімі працадаўцамі за дадатковыя набытыя веды. Сярод выпускнікоў курсаў - вядомыя маладыя перспектыўныя выкладчыкі нашага ўніверсітэта: Аляксандр Грахоцкі, Алена Купо, Наталля Сіротка, Віталіна Сідоранка, Павел Чэчат, Вольга Лідзянкова,Таццяна Пратапопава.

Грунтоўнасць навучання польскай мове абумоўліваецца вялікай матываванасцю саміх слухачоў, якіх не трэба змушаць да вучобы, запужваць залікамі і экзаменамі: іх тут проста няма! Агромністую ролю адыгрывае і матэрыяльная база польскай лабараторыі. Па сведчаннях шматлікіх замежных гасцей (а сярод іх быў у нас у маі мінулага года і пасол Лешак Шарэпка) далёка не кожны лінгвістычны клас у Польшчы мае столькі сучаснай дыдактычнай літаратуры і тэхнічных сродкаў навучання, як наша працоўня.

На занятках па польскай мове заўсёды пануе добразычлівасць, узаемападтрымка, павага і здаровы гумар. Спецыяльна распрацаваныя для нас (як для замежцаў) польскія падручнікі прадугледжваюць інтэрактыўную работу ў 3-4-асабовых зменных групах, што стварае выключныя ўмовы для раскрыцця асобасных якасцей слухачоў, садзейнічае вызваленню творчага патэнцыялу кожнага з іх, дазваляе зламаць разнастайныя комплексы ў авалоданні навыкамі маўлення.

І, нарэшце, самае галоўнае: набор на курсы адбываецца раз на два гады і працягваецца з мая па верасень. За гэты прамежак часу звычайна запісваецца 70-80 чалавек, але 1 кастрычніка на першыя заняткі прыходзіць 30-40. Гэтыя лічбы сведчаць пра вялікую цікавасць да курсаў, якія могуць канкурыраваць па сваёй папулярнасі нават з асобнымі спецыяльнасцямі. Думаецца, недалёка той час, калі на філалагічным факультэце адкрыецца дадатковая спецыялізацыя для філолагаў або будзе ўведзены агульнаўніверсітэцкі спецкурс, дзе польскую мову змогуць вывучаць студэнты ўсіх спецыяльнасцей, рэалізуючы прынцып выбару прадметаў навучання ў кантэксце дэмакратычных каштоўнасцей еўрапейскай адукацыі. Менавіта такія перспектывы развіцця курсаў уяўляюцца нам сёння.