Посетители
- Количество просмотров материалов
- 3531630
Контакты
Метадычны семінар
- Подробности
- Просмотров: 1503
ІНФАРМАЦЫЙНЫ ЛІСТ
Міністэрства адукацыі Рэспублікі Беларусь
Установа адукацыі “Гомельскі дзяржаўны ўніверсітэт імя Францыска Скарыны”
Навукова-даследчы інстытут гісторыі і культуры ўсходнеславянскіх народаў
пры ГДУ імя Ф. Скарыны
Кафедра беларускай мовы
25 красавіка 2018 года
праводзяць
Міжнародны навукова-метадычны семінар
“Інавацыі ў выкладанні моў"
Рабочыя мовы канферэнцыі: беларуская і іншыя славянскія.
Тэкст даклада дасылайце на адрас Аргкамітэта да 20 красавіка 2018 года.
Матэрыялы семінара будуць выдадзены як зборнік навуковых артыкулаў. Знешнім (завочным) удзельнікам зборнік будзе высылацца ў электронным выглядзе (у фармаце .pdf) на ўказаны імі адрас электроннай пошты пры паўторным запросе на адрас Аргкамітэта пасля заканчэння канферэнцыі. Рассылка праз паштовыя аддзяленні Аргкамітэтам не прадугледжана.
Патрабаванні да афармлення артыкулаў
1. Тэкст артыкула павінен уключаць: індэкс УДК, анатацыю на мове артыкула.
- УДК размяшчаецца злева без абзаца, набіраецца 12 кеглем.
- Прозвішча, ініцыялы аўтара размяшчаюцца праз 1 інтэрвал па цэнтры без абзаца, набіраюцца курсівам малымі літарамі 14 кеглем
- Назва артыкула размяшчаецца праз 1 інтэрвал па цэнтры без абзаца, набіраецца вялікімі літарамі 14 кеглем.
- Тэкст анатацыі размяшчаецца праз два інтэрвалы па шырыні, водступ для тэксту анатацыі 1,3, набіраецца 11 кеглем.
2. Аб'ём - да 5 старонак
– Палі – усе па 2 см
– Шрыфт TNR, 14 кегль праз 1 інтэрвал
– Абзац 1,25 см.
– Тэкст артыкула набіраецца праз 1 інтэрвал пасля тэксту анатацыі 14 кеглем.
– Спасылкі на літаратуру даюцца ў квадратных дужках
3. Спіс выкарыстанай літаратуры і крыніц набіраецца праз 1 інтэрвал пасля асноўнага тэксту з абзаца 11 кеглем.
Адрас для карэспандэнцыі: Беларусь246019, г.Гомель, вул.Савецкая, 108, ГДУ імя Ф. Скарыны, кафедра беларускай мовы Тарасенка Марыі Віктараўне. Т. 602-265.
E-mail: кафедра беларускай мовы: Этот адрес электронной почты защищен от спам-ботов. У вас должен быть включен JavaScript для просмотра.
Заяўка
на ўдзел у Міжнародным навукова-метадычным семінары
“Інавацыі ў выкладанні моў”
УА “Гомельскі дзяржаўны ўніверсітэт імя Ф. Скарыны”
|
Прозвішча, імя, імя па бацьку
|
|
|
Месца працы, службовы адрас |
|
|
Навуковая ступень, званне, пасада |
|
|
Кантактныя тэлефоны (служб., маб., хатні) |
|
|
Назва даклада |
|
|
Хатні адрас: |
|
|
|
|
Напярэдадні педагагічнай практыкі
- Подробности
- Просмотров: 743
29.01.2018 адбыўся курсавы сход па педагагічнай практыцы студэнтаў 4 курса спецыяльнасці “Беларуская філалогія”, арганізаваны факультэцкім кіраўніком практыкі, дацэнтам кафедры беларускай мовы Шведавай З.У.
На сходзе традыцыйна адбылася сустрэча будучых педагогаў з нашымі выпускнікамі, якія ўжо маюць педагагічны стаж работы ў школе і якія толькі пачалі працаваць – Трубкінай Т.В. – настаўніцай беларускай мовы і літаратуры ДУА “Сярэдняя школа № 26 г. Гомеля” і Лашкевіч А.А. – настаўніцай беларускай мовы і літаратуры ДУА “Сярэдняя школа № 11 г. Гомеля”.
У студэнтаў было шмат пытанняў аб ходзе практыкі, аб стане выкладання беларускай мовы ў школе, аб паводзінах дзяцей, аб вядзенні школьнай дакументацыі і інш. У сваіх выступленнях нашы госці зазначылі, што праца настаўніка вельмі складаная і патрабуе грунтоўнай прафесійнай падрыхтоўкі, і выказалі ўпэўненасць, што правільна выбралі сваю прафесію, а таксама пажадалі нашым студэнтам поспехаў, жадання працаваць з дзецьмі і выказалі ўпэўненасць, што ў іх усё атрымаецца.
Дыпломы пераможцам аліміпіяды
- Подробности
- Просмотров: 805
12 студзеня 2018 года выкладчыкі філалагічнага факультэта ўстановы адукацыі “ГДУ імя Ф.Скарыны” прынялі ўдзел ва ўзнагароджанні пераможцаў трэцяга этапа рэспубліканскай алімпіяды па беларускай мове і літаратуры.
Дацэнты кафедры беларускай мовы Ермакова А.М. і Мінакова Л.М. уручылі пераможцам дыпломы, пажадалі новых перамог.
Дэкан філалагічнага факультэта Палуян А.М. расказала ўдзельнікам і пераможцам алімпіяды пра філалагічны факультэт універсітэта, адзначыла спецыяльнасці, набыць якія магчыма на нашым факультэце, запрасіла атрымліваць вышэйшую адукацыю ў Гомельскім дзяржаўным універсітэце.
Конкурс рытарычнага майстэрства
- Подробности
- Просмотров: 1237
23 снежня 2017 года на базе ДУА “Гімназія № 36 г.Гомеля імя І.Мележа” прайшоў чарговы абласны конкурс рытарычнага майстэрства “Гавары са мной па-беларуску” сярод вучняў 9 - 11 класаў школ, гімназій і ліцэяў г. Гомеля і Гомельскай вобласці, які сабраў тых людзей, хто па-сапраўднаму любіць беларускую мову і імкнецца данесці яе прыгажосць і мілагучнасць.
У якасці членаў журы былі запрошаны выкладчыкі філалагічнага факультэта: дацэнты Паплаўная Л.В., Кастрыца А.А., Вяргеенка С.А., асістэнты Панкова Н.М., Бажок І.
Выязныя заняткі па методыцы выкладання беларускай мовы
- Подробности
- Просмотров: 911
У рамках прафарыентацыйнай работы па падрыхтоўцы будучых настаўнікаў беларускай мовы і літаратуры 13 кастрычніка і 21 лістапада2017 г. былі праведзены выязныя заняткі па методыцы выкладання беларускай мовы ў ДУА “Гімназія №10 г. Гомеля”. Студэнты 4 курса спецыяльнасці “Беларуская філалогія” разам з дацэнтам кафедры беларускай мовы З.У. Шведавай наведалі камбінаваны ўрок беларускай мовы па тэме “Дзеяслоў” і ўрок развіцця маўлення па тэме “Падрыхтоўка да напісання пераказу” ў 7 класе. Урокі праводзіла настаўніца беларускай мовы і літаратуры, намеснік дырэктра па метадычнай рабоце, былая выпускніца філалагічнага факультэта, Васіленка Наталля Фёдараўна. Мэта заняткаў – выпрацаваць у студэнтаў уменне аналізаваць урок: вызначаць мэту ўрока, яго структуру, метады і прыёмы і інш. Такога роду заняткі вельмі карысныя для студэнтаў 4 курса, якія, на жаль, пазбаўлены азнаямляльна-адаптацыйнай практыкі, якая па старой праграме была прадугледжана на 3 курсе, і яшчэ не бачылі школы. Дзякуем кіраўніцтву гімназіі і настаўніцы, што не адмовілі і паказалі выдатныя ўрокі.
Еще статьи...
Полезные ссылки
