З цікавасцю да беларускай культуры

Подробности

Просмотров: 642

1 сакавіка замежныя  студэнты 2-га курса біялагічнага факультэта  разам з выкладчыкам кафедры беларускай культуры і фалькларыстыкі Багамольнікавай Н.А. наведалі выставу “Маркаўскаму роду няма пераводу”.  З цікавасцю яны пазнаёміліся са шматлікімі экспанатамі, што прадстаўлялі побытавыя рэчы сялян, прылады апрацоўкі дрэва, тканыя посцілкі, ручнікі, набожнікі, аўтэнтычныя і рэканструяваныя мужчынскія і жаночыя строі в. Маркавічы і іншых населеных пунктаў паўднёва-ўсходняй часткі Гомельска-Чарнігаўскага памежжа. Студэнты адчулі, з якой  вялікай любоўю і пашанай да этнаграфічнай спадчыны сваіх продкаў збіраліся экспанаты Віктарам і Вольгай Шышковымі. Экскурсія пакінула незабыўнае ўражанне, аб чым студэнты зрабілі запіс у Кнізе водгукаў.

Шла сула да ўздоўж села…

Подробности

Просмотров: 826

28 лютага ў апошні каляндарны дзень зімы ў выставачнай зале ГДУ імя Францыска Скарыны ў рамках экспазіцыі “Маркаўскаму роду няма пераводу” адбылося цікавае мерапрыемства, прысвечанае абраду ваджэння сулы.  Нагадаем, што гэту персанальную  выставу падрыхтавалі брат і сястра Віктар і Вольга Шыпковы.  Вольга — студэнтка трэцяга курса факультэта псіхалогіі і педагогікі ГДУ імя Ф. Скарыны, якая разам з братам на працягу дзесяці гадоў шукала і збірала каштоўныя экспанаты.

Сярод запрошаных гасцей былі загадчык кафедры беларускай культуры і фалькларыстыкі Валянціна Станіславаўна Новак і загадчык філіяла Веткаўскага музея стараабрадніцтва і беларускіх традыцый імя Ф.Р. Шклярава Пятро Міхайлавіч Цалка. Студэнты з цікавасцю слухалі іх паведамленні аб сутнасці рытуалаў, звязаных з абрадам  ваджэння сулы, семантыцы  ваджэння карагода вакол дзетак, якія павінны былі знаходзіцца ў цэнтры і якіх падкідвалі ўгору, што сімвалізавала ў мясцовай традыцыі ўраджайнасць і дабрабыт. Лакальную спецыфіку гэтага ўнікальнага абраду, які рыхтуецца для ўнясення ў Спіс гісторыка-культурных каштоўнасцей Беларусі, раскрыў Віктар Уладзіміравіч Шыпкоў, адзін з арганізатараў выставы.

Яніна Гулевіч

лабарант кафедры

беларускай культуры і

фалькларыстыкі

Подробнее: Шла сула да ўздоўж села…

Музей. Людзі. Жыццё

Подробности

Просмотров: 627

22 лютага студэнты групы ФК-11 разам з выкладчыцай беларускай мовы Панковай Н.М. прынялі ўдзел у цырымоніі адкрыцця выставы “Музей. Людзі. Жыццё”, прымеркаванай да юбілея стварэння Музея рэдкай кнігі.  На выставе прадстаўлены асобныя рэдкія выданні XIX – XX стагоддзяў, часткі сямейных бібліятэк, царкоўна-рэлігійная літаратура, падарункі устаноў і арганізацый і найбольш яркія кнігі і някніжныя матэрыялы, падораныя за дзесяцігоддзе існавання Музея.

У гэты дзень студэнтам пашчасціла яшчэ раз: для іх арганізавалі экскурсію па іншых залах і аддзелах Гомельскай абласной універсальнай бібліятэкі імя Леніна, што дазволіла яшчэ ў большай ступені акунуцца ў захапляльную і гасцінную атмасферу бібліятэкі.

Да Міжнароднага Дня роднай мовы

Подробности

Просмотров: 962

21 лютага 2018г. выкладчыкі кафедры беларускай культуры і фалькларыстыкі  Вяргеенка Святлана Анатольеўна  і Панкова Наталля Міхайлаўна арганізавалі і правялі брэйн-рынг “Перакладчык”, прысвечаны Міжнароднаму Дню роднай мовы. У брэйн-рынгу прынялі ўдзел студэнты –эканамісты 1-га і 2-га курсаў  (спецыяльнасці “Дзяржаўнае кіраванне”, “Эканоміка і кіраванне”). Першы этап уключаў праверку каманд на веданне перакладу беларускіх слоў. Другая частка мерапрыемства  ўяўляла сабой папулярную сярод моладзі гульню “Кракадзіл”. Прадстаўнікам каманд прапаноўвалася пры дапамозе пантамімы растлумачыць значэнне беларускіх слоў і каманды павінны былі адгадаць і назваць гэтае слова.  Час прайшоў хутка і весела, усе ўдзельнікі брэйн-рынга атрымалі задавальненне ад  мерапрыемства.

Подробнее: Да Міжнароднага Дня роднай мовы