Літаратурная гасцёўня

Подробности

Просмотров: 674

7 кастрычніка 2019 г. на філалагічным факультэце дацэнтам кафедры беларускай мовы З.У. Шведавай і групай студэнтаў БФ-21 была арганізавана і праведзена літаратурная гасцёўня, прысвечаная 95-годдзю з Дня нараджэння славутага беларускага пісьменніка Васіля Быкава.

Удзельнікі і госці гасцёўні пазнаёміліся з жыццёвым і творчым шляхам Васіля Быкава, падрыхтавалі і прадэкламавалі ўрыўкі з твораў пісьменніка. Вядучымі гасцёўні былі студэнткі Дземідовіч Вераніка, Дрывайла Аляксандра, Цапалава Ангеліна, якія падрыхтавалі цікавую прэзентацыю. У рамках літаратурнай гасцёўні быў праведзены конкурс на лепшае чытанне прозы па творах В. Быкава. Усе чытачы стараліся, а кампетэнтнае журы ў складзе выкладчыкаў кафедры беларускай мовы В.А. Ляшчынскай, А.М. Ермаковай і Н.М. Панковай выбрала лепшых пяць канкурсантаў: Барадзін Вераніка, Бычык Кацярына, Дзядкова Алеся, Ніцыеўская Катрын, Шчарбатая Ангеліна.

У госці да студэнтаў-філолагаў былі запрошаны туркменскія студэнты 2 курса геолага-геаграфічнага факультэта, якім цікава было паслухаць прыгажосць беларускага слова і нават паказаць сваё майстэрства чытання верша на беларускай мове, якое прадэманстраваў Сараеў Джэйхун.

                                                                             Шведава З.У.

Подробнее: Літаратурная гасцёўня

Цудоўны свет беларускай фразеалогіі

Подробности

Просмотров: 561

2 кастрычніка 2019 года адбылася сустрэча студэнтаў завочнага факультэта (гр. АЯЗ-11) з прафесарам кафедры беларускай мовы В.А. Ляшчынскай, якая пазнаёміла іх з цудоўным казачным светам фразеалагізмаў. 

Подробнее: Цудоўны свет беларускай фразеалогіі

Конкурс чытальнікаў да Года малой радзімы

Подробности

Просмотров: 768

   17 мая на філалагічным факультэце адбыўся конкурс чытальнікаў “Мой родны кут, як ты мне мілы!..”, прысвечаны Году малой радзімы. У ім прынялі ўдзел студэнты І курса. Членамі журы конкурсу з’яўляліся выкладчыкі А.А.Станкевіч, Л.М. Мінакова, А.І.Халяўка, А.М.Чарнышова. Яго пераможцамі сталі Валужына Кацярына, Герасіменка Юлія, Сілкіна Кацярына, Шаўчэнка Ганна, Краўцова Анастасія, Левая Соф’я.

Да Года малой радзімы

Подробности

Просмотров: 635

2019 год аб’яўлены Годам малой радзімы. У кожнага з нас яна свая, адзіная, любімая, непаўторная. І кожны з нас самыя лепшыя словы прысвячае ёй, кожны з хваляваннем у сэрцы выказвае словы падзякі роднай зямлі.

17 мая на філалагічным факультэце для студэнтаў І курса Л.М. Мінаковай была арганізавана сустрэча з яе земляком, рэдактарам аддзела эканамічнага жыцця жлобінскай раённай газеты “Новы дзень” Мікалаем Васільевічам Шуканавым. Мікалай Васільевіч расказаў студэнтам пра горад Жлобін, яго гісторыю і сучаснае жыццё, творчасць пісьменнікаў Жлобіншчыны. Не абышоў ён увагай цікавых людзей раёна, іх працу на карысць малой і вялікай Радзімы.

На сустрэчы  выступіла прафесар кафедры беларускай мовы доктар філалагічных навук А.А.Станкевіч, якая расказала пра сваю малую радзіму Навагрудчыну. Куратар групы РФ-11 дацэнт кафедры рускага, агульнага і славянскага мовазнаўства А.І.Халяўка падзялілася ўспамінамі пра сваё дзяцінства, якое прайшло ў Гомелі. Пра сваю малую радзіму расказала і асістэнт кафедры беларускай мовы А.М. Чарнышова.