Результаты работы СНИЛ

Вы здесь: Главная

Кафедры

Кафедра белорусского языка

Посетители

Количество просмотров материалов: 3480042

Наши партнеры

Летняя школа

СЛОВАРИ ДЛЯ ВАС

НАША РЕКЛАМА

БУКЛЕТ ФАКУЛЬТЕТА

Буклет на английском языке

Это интересно знать!

Контакты

246019, г. Гомель, ул. Советская, д. 108

Круглыя сталы як форма абмену думкамі, ведамі і меркаваннямі студэнтаў і выкладчыкаў

Подробности: Просмотров: 654

У выкладчыкаў кафедры беларускай мовы нашай вну стала добрай традыцыяй праводзіць круглыя сталы са студэнтамі філалагічнага факультэта, а таксама іншых факультэтаў універсітэта. Такі фармат сустрэчы дазваляе студэнтам і выкладчыкам не толькі абмеркаваць надзённыя пытанні і хвалюючыя праблемы, але і лепш зразумець адзін аднаго, вучыцца слухаць меркаванні іншых, удзельнічаць у дыскусіях і абмеркаваннях.

25 кастрычніка 2016 года адбыўся Круглы стол “Мова – люстэрка гісторыі”, у якім удзельнічалі студэнты 3 курса філалагічнага факультэта спецыяльнасці “Беларуская філалогія” групы БФ-31. Студэнты абмяркоўвалі узаемадзеянне і ўзаемазалежнасць развіцця грамадства і мовы. Асобная ўвагу была ўдзеле ў дыскусіі ўплыву гістарычных падзей на змяненні лексічнага складу мовы. З цікавасцю філолагі успомнілі вядомыя і знакамітыя падзеі з гісторыі Беларусі, якія не толькі паўплывалі на ход жыцця краіны, аднак і ўнеслі карэктывы ў мову і маўленне беларусаў. Вядучай круглала стала выступіла выкладчык кафедры беларускай мовы к.ф.н. дацэнт Хазанава К. Л.

28 кастрычніка 2016 года Круглы стол “Как образуются термины?” выкладчык кафедры беларускай мовы к.ф.н. дацэнт Хазанава К. Л. ладзіла са студэнтамі 1 курса факультэта замежных моў спец. “Нямецкая мова” групы Н-15. Кацярына Львоўна папрасіла будучых выкладчыкаў нямецкай мовы ўспомніць вядомы ім тэрміны розных галін навукі і тэхнікі, а затым расказала аб паходжанні некаторых з прыведзеных студэнтамі моўных адзінак. У выніку круглага стала студэнты не толькі даведаліся паходжанне тэрмінаў і спосабы іх утварэння, але і навучыліся самастойна выяўляць мову-крыніцу сучаснай рускай і беларускай лінгвістычнай тэрміналогіі.

Карыснымі падобныя фарматы з’яўляюцца і для замежных студэнтаў. Знаёмства з культурай, традыцыямі і звычаямі Беларусі дапамагае нашым гасцям хутчэй прывыкнуць да новых для сябе акаляючых абставін, што, у сваю чаргу, паспрыяе павышэнню якасці адукацыі.

11 лістапад 2016 года выкладчык кафедры беларускай мовы к.ф.н. дацэнт Хазанава К. Л. правяла круглы стол з замежнымі студэнтамі 1 курса факультэта замежных моў спецыяльнасці “Англійская мова” (група А-17) на тэму “Что я знаю о Беларуси”.

22 лістапада 2016года выкладчык кафедры беларускай мовы к.ф.н. дацэнт Хазанава К. Л. правяла круглы стол з замежнымі студэнтамі 1 курса факультэта замежных моў спец. “Англійская мова” (група А-17) на тэму “Традиционная кухня Беларуси”.

Выхаваўчыя гутаркі

Правядзенне пазнаваўчых і выхаваўчых гутарак са студэнтамі садзейнічае развіццю кругляду, фарміраванню ў палітычнай культуры, грамадзянска-патрыятычных і асобасна-прафесійных якасцей.

1 лістапада 2016 года выкладчык кафедры беларускай мовы к.ф.н. дацэнт Хазанава К. Л. правяла гутарка са студэнтамі 2 курса ФФ спец. “Беларуская філалогія” групы БФ-21 на тэму “Восень у народным календары беларусаў”.

Наведванне Музея рэдкай кнігі

Подробности: Просмотров: 876

Нам, студэнтам групы БФ-11, вельмі пашанцавала пабываць у Музеі рэдкай кнігі, які размешчаны ў Гомельскай абласной універсальнай бібліятэцы імя У.І. Леніна. Музей змяшчае шмат рэдкіх кніг, кожная кніга мае сваю вельмі цікавую і незвычайную гісторыю. Напрыклад, нам давялося ўбачыць самае ранняе выданне, якое знаходзіцца ў бібліятэцы, – гэта зборнік песень Франчэскі Пятраркі, выдадзены ў 1547 годзе. Нас уразілі кнігі з парыжскай бібліятэкі Напалеона Банапарта, прадстаўленыя ў экспазіцыі. Мне давялося патрымаць у сваіх руках кнігу з гэтай бібліятэкі. Прайшоўшы праз стагоддзі, кніга і на маіх руках пакінула часцінкі гісторыі. У кнізе змешчаны подпіс самога Напалеона. Нават уявіць цяжка, што калісьці, два стагоддзі таму назад, трымаў гэтую кнігу Напалеон, а зараз трымаю яе я.

На маю думку, унікальнымі для нашага часу з'яўляюцца творы рускіх пісьменнікаў у перакладзе Ірыны Іванаўны Паскевіч на французскую мову. На выставе экспануецца і другі том М. Гогаля “Мертвые души”. Так, я не памылілася, менавіта другі том, спалены самім аўтарам. Даследчыкі творчасці пісьменніка ўсе ж такі сабралі другі том па чарнавіках Гогаля. На вялікі жаль, гэты том не скончаны, але ўбачыць хоць частку таго, што, як лічылася, загінула ў вогнішчы, вельмі хвалююча. Выстава ўключае таксама раздзел, прысвечаны мініяцюрным выданням. Уявіце: кнігі велічынёю з далонь альбо запалкавы карабок.

Такім чынам, Музей рэдкай кнігі прыадчыніў для нас свае таямніцы. Я ведаю, што абавязкова вярнуся сюды адна ці з сябрамі, і музей гасцінна сустрэне мяне.

Аўдод Святлана, гр. БФ-11

Выездныя заняткі па методыцы выкладання беларускай мовы

Подробности: Просмотров: 894

20 кастрычніка2016 г. у рамках прафарыентацыйнай работы былі праведзены выездныя заняткі па методыцы выкладання беларускай мовы ў ДУА “Сярэдняя школа №26 г. Гомеля”. Студэнты 4 курса спецыяльнасці “Беларуская філалогія” разам з дацэнтам кафедры беларускай мовы З.У. Шведавай наведалі урок беларускай мовы ў 8 класе па тэме “Спосабы выражэння выказніка”. Урок праводзіла настаўніца беларускай мовы і літаратуры, былая выпускніца філалагічнага факультэта, Трубкіна Таццяна Віктараўна. Мэта заняткаў – выпрацаваць у студэнтаў уменне аналізаваць урок: вызначаць мэту ўрока, яго структуру, метады і прыёмы і інш. Такога роду заняткі вельмі карысныя для студэнтаў 4 курса, якія, на жаль, пазбаўлены азнаямляльна-адаптацыйнай практыкі, якая па старой праграме была прадугледжана на 3 курсе, і яшчэ не бачылі школы. Дзякуем кіраўніцтву школы і настаўніцы, што не адмовілі і паказалі выдатны ўрок.

Дзень славянскай пісьменнасці і культуры 2016

Подробности: Просмотров: 1688

24 мая адзначаецца Дзень славянскай пісьменнасці і культуры. Гэта свята штогод адзначаецца ва ўсіх славянскіх краінах. Вытокі яго непарыўна звязаны са стваральнікамі славянскай азбукі Кірылам і Мяфодзіям. Спадчына славянскіх асветнікаў аказала вялікі ўплыў на развіццё і фарміраванне культуры славянскіх народаў.

На нашых землях Дзень славянскай пісьменнасці і культуры ўпершыню адзначаўся ў1863 г. у сувязі са стагоддзем стварэння славянскай азбукі. Потым на доўгі час пра свята неапраўдана забылі, але зноў пачалі святкаваць ў 1986 годзе. На сёняшні дзень ў Беларусі свята адзначаецца як Царквой, так і шырокай грамадскасцю.

З нагоды свята на філалагічным факультэце студэнты 3 і 1 курсаў арганізавалі конкурс чытальнікаў. Вядучай мерапрыемства была студэнтка 3 курса Алена Шукаловіч. Студэнты чыталі вершы беларускіх паэтаў, прысвечаныя роднай мове, таксама гучалі вершы ўласнага сачынення.

Выкадчык кафедры беларускай мовы Л. П. Кузьміч правёў віктарыну, у якой былі прапанаваны пытанні, звязаныя са з’явамі мовы, культуры і літаратуры. Узгадалі пра першы кніжны помнік пісьменнства – Тураўскае евангелле, пра значэнне і паходжанне некаторых беларускіх слоў, пра гісторыю беларускіх гарадоў і шмат чаго іншага цікавага і пазнавальнага. Усё гэта, безумоўна, выклікала вялікі інтарэс ў студэнтаў. Кожны прыкладаў усе сілы, каб ўзгадаць важныя даты і падзееі.

Па выніках конкурса студэнтка 3 курса Алена Шукаловіч і студэнтка 1 курса Яна Кухарава былі ўзнагароджаны ў намінацыі “Верш беларускага паэта”, студэнтка 1 курса Кацярына Мінава атрымала ўзнагароду ў намінацыі “Аўтарскі верш”, па выніках віктарыны быў ўзнагароджаны студэнт 3 курса Аляксей Сазонаў.

Усе прысутнічыя атрымалі асалоду ад створанай студэнтамі паэтычнай атмасферы, прынялі актыўны ўдзел у віктарыне, на якой праверылі свае веды на валоданне звесткамі з гісторыі краіны, мовы і культуры народа.

Студэнткі 3 курса,

Барсукова Наталля,

Шукаловіч Алена