Работа навуковага семінара

Подробности

Просмотров: 1224

   Установа адукацыі “Гомельскі дзяржаўны ўніверсітэт імя Францыска Скарыны” выступіў апаніруючай арганізацыяй на дысертацыю  Капцюг Ірыны Уладзіміраўны  “Зваротак у сучаснай беларускай літаратурнай мове: структурна-семантычны і функцыянальны аспекты”, пададзеную на атрыманне вучонай ступені кандыдата філалагічных навук па спецыяльнасці 10.02.01 – беларуская мова

Подробнее: Работа навуковага семінара

Міжнародная навуковая канферэнцыя “Словаўтварэнне і іншыя ўзроўні беларускай літаратурнай мовы”

Подробности

Просмотров: 1265

24-25 лістапада 2014 года ў дзяржаўнай навуковай установе “Цэнтр даследаванняў беларускай культуры, мовы і літаратуры НАН Беларусі”, філіяле “Інстытут мовы і літаратуры імя Якуба Коласа і Янкі Купалы” адбылася Міжнародная навуковая канферэнцыя “Словаўтварэнне і іншыя ўзроўні беларускай літаратурнай мовы”.

         Удзельнікі канферэнцыі, прадстаўнікі амаль з усіх вышэйшых навучальных і навуковых устаноў нашай краіны і замежжа, абмяняліся думкамі, падзяліліся напрацоўкамі ў галіне сучаснага словаўтварэння як беларускай мовы, так і іншых славянскіх моў, сувязей словаўтварэння з іншымі моўнымі ўзроўнямі, абмеркавалі актуальныя праблемы сучаснага мовазнаўства і выкладання моў.

         Ад Гомельскага дзяржаўнага ўніверсітэта імя Францыска Скарыны ў канферэнцыі прынялі ўдзел У. І. Коваль, загадчык кафежры рускага, агульнага і славянскага мовазнаўства, доктар філалагічных навук, прафесар, які выступіў з дакладам “Бел. акуні вудзіць, рус. окуней ловить, укр. ловити окуні ‘дремать сидя’ в аспекте фразеобразования”, і В. А. Ляшчынская, доктар філалагічных навук, прафесар кафедры беларускай мовы, якая выступіла з дакладам “Словаўтваральныя і фанетычныя сродкі стварэння эмацыянальна-экспрэсіўнай афарбоўкі фразеалагізмаў”. 

Падрыхтавала В.А. Ляшчынская, д.ф.н., праф. кафедры беларускай мовы

Сустрэча з супрацоўнікам Веткаўскага музея стараабрадніцтва

Подробности

Просмотров: 940

20 лістапада 2014 года на філалагічным факультэце адбылася сустрэча з Лявонцьевай Святланай Іванаўнай, супрацоўнікам установы культуры “Веткаўскі музей стараабрадніцтва і беларускіх традыцый імя Ф.Р. Шклярава”. Гутарка была прысвечана кніжнай культуры, яе зараджэнню на тэрыторыі Беларусі, асобам, якія стаялі ля вытокаў захавання кніжных традыцый. Студэнтам першага курса спецыяльнасці “Беларуская філалогія” было асабліва цікава праслухаць незабыўны аповед Святланы Іванаўны пра старажытныя кнігі і рукапісы, дакрануцца да ўнікальных помнікаў пісьменства. Філолагі-першакурснікі вывучаюць дысцыпліну “Беларуская палеаграфія”, таму арганізаваная на факультэце сустрэча была вельмі карыснай для іх і пакінула самыя добрыя ўражанні. 

Подробнее: Сустрэча з супрацоўнікам Веткаўскага музея стараабрадніцтва

Не згасае святло Скарынавых iдэй

Подробности

Просмотров: 1427

14 лістапада 2014 года кафедра беларускай мовы ўстановы адукацыі “Гомельскі дзяржаўны ўніверсітэт імя Францыска Скарыны” і Навукова-даследчы інстытут гісторыі і культуры ўсходнеславянскіх народаў пры ГДУ імя Ф. Скарыны ладзілі Міжнародную навуковую канферэнцыю “Святло Скарынавых ідэй”. Сустрэча навукоўцаў Беларусі, Расіі і Украіны была прысвечана прысвечаную 90-годдзю з дня нараджэння прафесара доктара філалагічных навук Уладзіміра Васільевіча Анічэнкі (1924-2001).

З 1970 г. жыццё і навуковая дзейнасць Уладзіміра Васільевіча непарыўна звязана з Гомельскім дзяржаўным універсітэтам, з кафедрай беларускай мовы. Даследчык узначальваў кафедру на працягу многіх гадоў, а з1991 г. па2001 г. плённа працаваў прафесарам кафедры беларускай мовы і загадчыкам лінгвістычнай лабараторыі. 

          Творчай і навуковай энергіі У. В. Анічэнкі хапала на правядзенне рэспубліканскіх і міжнародных навуковых канферэнцый (“Рэгіянальныя традыцыі ва ўсходнеславянскіх мовах, літаратурах і фальклоры”; “Скарынаўскія чытанні”; “Скарына і наш час”;

“Пытанні нармалізацыі беларускай навуковай тэрміналогіі”; “Навуковыя чытанні, прысвечаныя С. Некрашэвічу”;

“Перспектывы развіцця і функцыянавання нарматыўнай лексікі”), падрыхтоўку зборнікаў навуковых артыкулаў “Беларуская мова і мовазнаўства” (пазней “Беларуская мова”),

стварэнне пры кафедры беларускай мовы аспірантуры па спецыяльнасці 10.02.01 “Беларуская мова” і Савета па абароне кандыдацкіх дысертацый К.02.12.03.

За 30 гадоў навукова-педагагічнай дзейнасці ў ГДУ доктар філалагічных навук прафесар У. В. Анічэнка стварыў грунтоўную школу вучоных – кваліфікаваных спецыялістаў у галіне беларускага мовазнаўства. Аспіранты У. В. Анічэнкі абаранілі 25 кандыдацкіх і 1 доктарскую дысертацыі. Прыемна адзначыць, што 14 з узгаданых даследчыкаў у цяперашні час займаюць пасады дацэнтаў нашай кафедры.

Подробнее: Не згасае святло Скарынавых iдэй