Гульня ў анаграмы “У свеце беларускага слова”

19.09.2022 у межах рэспубліканскай акцыі «Тыдзень роднай мовы», накіраванай на папулярызацыю беларускай мовы, на філалагічным факультэце студэнты 3 курса спецыяльнасці “Руская мова і літаратура. Замежная мова” пад кіраўніцтвам дацэнта кафедры беларускай мовы Шведавай З.У. прынялі ўдзел у гульні ў анаграмы “У свеце беларускага слова”. Студэнты даведаліся, што анаграма – гэта вынік перастаноўкі літар у слове ці выразе з мэтай атрымаць новае слова ці выраз (напрыклад, коска – какос), а таксама са значэннем многіх цікавых беларускіх слоў (напрыклад, кут – тук ‘растоплены тлушч’).   

Рэспубліканская дыктоўка, прымеркаваная да Дня народнага адзінства

З 19 па 23 верасня 2022 года пройдзе Тыдзень роднай мовы “Як ты дорага мне, мая родная мова!” Шэраг урачыстых мерапрыемстваў пачаўся з Рэспубліканскай дыктоўкі, прымеркаванай да Дня народнага адзінства, удзел у якой прынялі студэнты філалагічнага факультэта і факультэта замежных моў Гомельскага дзяржаўнага ўніверсітэта імя Францыска Скарыны. Маладыя людзі не толькі паспаборнічалі за права называцца лепшым знаўцам прыгожага беларускага слова, але і ўзгадалі старонкі гісторыі, паразважалі, чаму так важна захоўваць адзінства народа.
Падрабязней

Актуальныя праблемы філалогіі: выпуск 15

На пачатку навучальнага года выйшаў у свет 15 выпуск зборніка навуковых артыкулаў студэнтаў, магістрантаў і аспірантаў "Актуальныя праблемы філалогіі".                                                                 

У зборніку навуковых артыкулаў “Актуальныя праблемы філалогіі” прадстаўлены працы маладога пакалення даследчыкаў літаратуры, мовы, фальклору і этнаграфіі, якія выразна характарызуюць належны ўзровень і перспектывы развіцця беларускай філалагічнай навукі ў ХХІ стагоддзі. 

Зборнік складаецца з трох частак, кожная з якіх рэпрэзентуе навуковыя пошукі студэнтаў, магістрантаў і аспірантаў філалагічнага факультэта, факультэта замежных моў і факультэта гісторыі і міжкультурных камунікацый Гомельскага дзяржаўнага ўніверсітэта імя Ф.Скарыны” ў адпаведнай галіне гуманітарных даследаванняў.

Літаратуразнаўчыя артыкулы прысвечаны самым разнастайным праблемам класічнага і сучаснага, рускага і айчыннага вербальнага мастацтва. Акрамя прац манаграфічнага характару, дзе даследуюцца асаблівасці паэтыкі (адметнасці вобразна-сімвалічных структур, жанравая спецыфіка, тыпалагічныя сыходжанні і інш.), ідэйна-эстэтычных і светапоглядных канцэпцый асобных пісьменнікаў, у зборніку прадстаўлена нямала даследаванняў панарамна-аглядавага характару. Апошнія характарызуюцца даволі цікавымі падыходамі ў асэнсаванні актуальных праблем сённяшняга мастацтва слова і выбарам маладаследаваных ракурсаў разгляду літаратуры ХХ і ХХІ стагоддзяў (экзістэнцыйныя праблемы, жанравыя мадыфікацыі і інш.). Акрамя таго, шэраг артыкулаў прысвечаны пытанням тэорыі літаратуры.

Лінгвістычныя артыкулы таксама закранаюць шырокі спектр праблем, звязаных з рознымі раздзеламі мовазнаўства: фразеалогіяй, гісторыяй мовы, анамастыкай, стылістыкай, лексікалогіяй і інш. 

Артыкулы, змешчаныя ў трэцім раздзеле (“Фалькларыстыка і этнаграфія”), грунтуюцца на сабраным самімі аўтарамі матэрыяле і ўяўляюць сабой арыгінальныя даследаванні ў рэчышчы катэгорый “лакальнае”, “рэгіянальнае” і “нацыянальнае”. Шэраг артыкулаў разглядаюць актуальныя пытанні краязнаўства і этнаграфіі.

К 105-летию образования органов ЗАГС

8 сентября 2022 года в рамках дисциплины "Основы права и права человека" состоялась встреча студентов 3 курса филологического факультета с начальником отдела ЗАГС Гомельского районного исполнительного комитета Ритовой Еленой Николаевной. Встреча вызвала большой интерес у студенческой аудитории и была приурочена к 105-летию со дня образования органов ЗАГС. Елена Николаевна рассказала студентам о системе органов ЗАГС, их создании и развитии, полномочиях, совершаемых административных процедурах. Формат встречи предполагал ответы на вопросы студентов. Участники встречи поблагодарили Елену Николаевну за полные и доступные ответы. Подобные встречи, бесспорно, являются эффективной формой взаимодействия должностных лиц с общественностью.