Жыццё пачынаецца з маці...

Ад самага свайго нараджэння, можа, яшчэ і раней, мы адчуваем цеплыню, ласку, сілу матуліных рук. Напярэдадні Дня маці, 12 кастрычніка 2022 г., у межах дысцыпліны "Сучасная беларуская мова" адбылося мерапрыемства, прысвечанае вядомаму святу. Студэнты факультэта замежных моў (групы А-14 і Н-15) пад кіраўніцтвам свайго выкладчыка Н.П.Цімашэнка на занятках па роднай мове стварылі святочны настрой і павіншавалі ў вершаванай форме ўсіх мам з надыходзячым святам. Крэатыўныя навучэнцы адзначаных груп зрабілі прыгожыя малюнкі да свята, а ў фінале мерапрыемства ў выкананні студэнтаў прагучалі цудоўныя песні, прысвечаныя мамам. Атмасфера мерапрыемства была напоўнена шчырасцю, цеплынёй і адпаведным настроем:

Сэрцу трэба мала,

Сэрцу толькі трэба:

Не хварэла б мама,

Не хмурэла б неба...

Проста і звычайна,

Сёння і заўсёды.

Вось такая тайна

Шчасця і лагоды...

И сквер будет радовать!

6 октября группа РФ-21 под руководством старшего преподавателя кафедры русской и мировой литературы Инны Борисовны Азаровой выбралась на свежий воздух, чтобы навести порядок в сквере – убрать листья. Утренний ветерок и золотое осеннее солнце помогли студентам проснуться и настроиться на мозговую деятельность.

Это было по-настоящему весело и увлекательно!

Віншуем з паспяховай абаронай

Віншуем

аспіранта кафедры беларускай літаратуры

Пятроўскую Таццяну Міхайлаўну

 і навуковага кіраўніка, доктара філалагічных навук, прафесара, загадчыка кафедры беларускай літаратуры Штэйнера Івана Фёдаравіча

 з паспяховай абаронай дысертацыі «Сучасная дзіцячая проза: жанравыя асаблівасці і тэндэнцыі развіцця» на атрыманне вучонай ступені кандыдата філалагічных навук

па спецыяльнасці 10.01.01 – беларуская літаратура

МІЖНАРОДНЫ НАВУКОВЫ ФОРУМ

Імя народнага пісьменніка Беларусі акадэміка Івана Якаўлевіча Навуменкі (1925-2006) займае годнае месца ў гісторыі нацыянальнай літаратуры і культуры. Памяць пра ўдзельніка партызанскага руху і франтавіка, заслужанага дзеяча навукі, старшыню Вярхоўнага савета БССР (1985-1990), лаўрэата Дзяржаўнай прэміі БССР і прэміі Ленінскага камсамола Беларусі, кавалера пяці ордэнаў захоўваецца і на яго радзіме. I. Я. Навуменка – асоба шматгранная: пісьменнік, вучоны, педагог, аўтар шматлікіх літаратуразнаўчых манаграфій, зборнікаў крытычных артыкулаў.

4–5 кастрычніка 2022 года кафедрай  беларускай літаратуры праведзены Міжнародныя навуковыя чытанні “Рэгіянальнае, нацыянальнае і агульначалавечае ў славянскіх літаратурах”, прысвечаныя памяці народнага пісьменніка Беларусі, акадэміка Івана Навуменкі. 

Гомельскі дзяржаўны ўніверсітэт імя Францыска Скарыны, пачынаючы з 2007 года, рэгулярна арганізуе навуковыя канферэнцыі, прысвечаныя памяці нашага славутага земляка.

З прывітальным словам да ўдзельнікаў канферэнцыі звярнуліся старшыня Саюза пісьменнікаў Беларусі Алесь Карлюкевіч, начальнік навукова-даследчага сектара Р.В.Бародзіч, дэкан філалагічнага факультэта А.М.Палуян.

Прапанаваныя на абмеркаванне даклады вызначаліся глыбінёй разважанняў, разнастайнасцю тэматыкі. Яны сталі важкім даробкам у асэнсаванне праблем дыялектыкі рэгіянальнага, нацыянальнага і агульначалавечага ў славянскіх літаратурах, актуальных пытанняў літаратуразнаўства.