Укрепление традиций культурного сотрудничества

На прошедших выходных прошла встреча заведующего отделом Главного штаба Государственного Эрмитажа Александра Дыдыкина и директора НОУ «Школа журналистики «Известия», пресс-секретаря Геральдического совета при Президенте Российской Федерации Михаила Быкова с преподавателями и студентами филологического факультета.

М.Ю. Быков – автор сборников стихов о Первой мировой и Великой Отечественной войнах, истории российской гвардии. А.Н. Дыдыкин известен как собиратель и исполнитель русского военного романса. Приезд в город над Сожем известных российских культурных деятелей стал возможен благодаря поддержке Представительства Россотрудничества в Республике Беларусь – Российского центра науки и культуры в Гомеле.

Михаил Быков прочитал свои стихотворения, посвященные важнейшим событиям в истории российского государства. Зрители тепло приняли и русские военные романсы в исполнении Александра Дыдыкина, который является их собирателем, автором и исполнителем. Александр Николаевич рассказал студентам об Эрмитаже. Аудитория проявила живой интерес к предмету беседы.

Присутствовавшие на встрече отметили важность проведения данных мероприятий, направленных на продвижение российской культуры в молодежной среде и призванных укрепить связи между Россией и Беларусью.

“СВЯТЛО ДУШЫ І ТАЛЕНТУ СВЯТЛО…”

Самыя цёплыя і шчырыя словы, якія кранаюць да глыбіні душы, гучалі 26 снежня ў адрас доктара філалагічных навук прафесара кафедры беларускай мовы Аляксандры Аляксандраўны Станкевіч на святочных урачыстасцях, прысвечаных яе юбілею. Аляксандра Аляксандраўна – чалавек з багацейшым унутраным светам, які цеплыню свайго сэрца аддае ўсім, з кім жыве і працуе. Яна прафесіянал сваёй справы, эрудзіраваная асоба, бліскучы аратар. Яе мілагучная і прывабная мова заўсёды гучыць як песня.

Больш за 20 год Аляксандра Аляксандраўна ўзначальвала кафедру беларускай мовы. Сёння яна з’яўляецца дырэктарам Навукова-даследчага інстытута гісторыі і культуры ўсходнеславянскіх народаў, адкрытага пры ГДУ імя Ф. Скарыны. Аляксандра Аляксандраўна ўзначальвае навукова-педагагічную школу “Беларуская лінгвістыка”. Заслужаная, аўтарытэтная ў навуковым свеце, Аляксандра Аляксандраўна ўзнагароджана медалём Францыска Скарыны, нагрудным знакам “Выдатнік адукацыі”, граматамі Міністэрства адукацыі і ВАК Беларусі, з’яўляецца членам-карэспандэнтам Беларускай акадэміі адукацыі.

Аляксандра Аляксандраўна навучыла роднай мове не адно пакаленне настаўнікаў і выкладчыкаў. Заняткі, дзе яна адкрывае для студэнтаў дзверы ў цудоўны свет ведаў, далучае да бясцэнных вытокаў чалавечай мудрасці, заўсёды праходзяць на высокім узроўні. Лекцыі Аляксандры Аляксандраўны ўзорныя, а сама яна для большасці з калег з’яўляецца недасягальным эталонам.

Урачыстасці пачаліся з выканання гімна студэнтаў “Gaudeamus”. Афіцыйную частку адкрыў дэкан філалагічнага факультэта У.А. Бобрык. Павіншаваць Аляксандру Аляксандраўну прыйшлі рэктар ГДУ імя Ф. Скарыны С.А. Хахомаў, прарэктар па вучэбнай рабоце І.В. Семчанка, старшыня прафкама супрацоўнікаў У.В. Арлоў.

Жадаючых павіншаваць Аляксандру Аляксандраўну было шмат: гэта і яе калегі, і дактаранты, і аспіранты, і магістранты, і студэнты. Шчырыя словы выказалі загадчык кафедры рускай і сусветнай літаратуры І.М. Афанасьеў, загадчык кафедры беларускай культуры і фалькларыстыкі В.С. Новак, д.ф.н., загадчык кафедры рускага, агульнага і славянскага мовазнаўства У.І. Коваль, дацэнт кафедры беларускай мовы Н.А. Багамольнікава і інш. Былі і госці з іншых навучальных устаноў, з якімі наш юбіляр падтрымлівае цеснае навуковае супрацоўніцтва: д.ф.н., прафесар В.В. Шур (Мазырскі дзяржаўны педагагічны ўніверсітэт), д.ф.н. С.М. Старадубец (Бранскі дзяржаўны ўніверсітэт імя акадэміка І.Г. Пятроўскага, філіял у г. Навазыбкаве), намеснік дырэктара па вучэбнай рабоце В.А. Торра (Рэчыцкі педагагічны каледж).

Акрамя цёплых слоў і пажаданняў, гучалі на святкаванні і песні на роднай мове ў выкананні студэнтаў філфака.

У гэты святочны дзень прафесар Аляксандра Аляксандраўна Станкевіч прымала самыя цёплыя словы падзякі за руплівую працу, за падрыхтоўку высокаадукаваных і творчых асоб, за прафесіяналізм, мэтанакіраванасць і самааддачу. Усе жадалі юбіляру моцнага здароўя, жыццёвай утульнасці, сямейнага дабрабыту, задавальнення ад выкладчыцкай і навуковай працы.

К.ф.н, дацэнт Паплаўная Л.В.,

к.ф.н., дацэнт Цімашэнка Н.П.

Дзень адчыненых дзвярэй

24 снежня 2016 года ў рамках універсітэцкай акцыі “Дзень адчыненых дзвярэй” на філалагічным факультэце адбылася сустрэча з выпускнікамі школ, зацікаўленымі ў паступленні на філалагічны факультэт. На сустрэчы прысутнічала каля 20 вучняў са школ г. Гомеля (№ 38, 58) і вобласці (Светлагорск, Рагачоў, Рэчыца). Дзяцей цікавілі пытанні паступлення, пражывання, спецыфікі накірункаў кожнай спецыяльнасці, магчымасці авалодання іншымі мовамі, працэсу навучання ў цэлым, размеркавання і інш. З рэкламай факультэта і адказамі на пастаўленыя пытанні выступілі: дэкан факультэта У.А. Бобрык, намеснік дэкана па вучэбнай рабоце А.М. Палуян, намеснік дэкана па прафарыентацыйнай рабоце З.У. Шведава, загадчыкі кафедраў.

Вучняў пазнаёмілі з гісторыяй факультэта, расказалі і праілюстравалі, як на факультэце шануецца і захоўваецца памяць пра знакамітых выпускнікоў, пра далёкую і блізкую гісторыю факультэта.  Вучняў правялі па ўсіх кафедрах, пазнаёмілі са складам выкладчыкаў. Затым вучні наведалі музеі факультэта і выслухалі цікавую і змястоўную інфармацыю.

Загадчык кафедры беларускай літаратуры, прафесар І. Ф. Штэйнер правёў экскурсію вучняў у музеі “Alma-mater”, дзе сабраны матэрыялы пра выпускнікоў філалагічнага факультэта, што сталі знакамітымі пісьменнікамі, паэтамі, а таксама пра выбітных пісьменнікаў Гомельшчыны.

Намеснік загадчыка кафедры рускай і сусветнай літаратуры, дацэнт Н. П. Капшай сустрэла вучняў у літаратурна-асветніцкім цэнтры памяці аб Вялікай Айчыннай вайне “Патрыётыка”, дзе паказала і праілюстравала матэрыялы аб захаванні памяці пра герояў, удзельнікаў Вялікай Айчыннай вайны, якія з’яўляюцца ўраджэнцамі Гомельскай вобласці.

Загадчык кафедры рускага, агульнага і славянскага мовазнаўства прафесар У. І. Коваль паказаў вучням кабінет Канфуцыя, расказаў аб магчымасці, калі яны паступяць на наш факультэт, вывучаць кітайскую мову, даведацца  аб гісторыі і культуры Кітая.

Цікавую прэзентацыю факультэта падрыхтавала ініцыятыўная група студэнтаў 4 курса ў складзе Шукаловіч Алены, Целепневай Анастасіі і Клімянковай Кацярыны.

Дарагія выпускнікі, на філалагічным факультэце вы многаму навучыцеся, будзеце жыць цікава, творча. Мы будзем рады бачыць вас сваімі студэнтамі.

Подробнее: Дзень адчыненых дзвярэй

Конкурс на лепшую прэзентацыю педагагічнай практыкі

23.11.2016 адбыўся выніковы курсавы сход па педагагічнай практыцы студэнтаў 5 курса спецыяльнасці “Беларуская філалогія”, на якім традыцыйна праводзіўся конкурс на лепшую прэзентацыю педагагічнай практыкі. Трэба адзначыць, што студэнты вельмі творча падышлі да заключнай канферэнцыі, падрыхтаваўшы цікавыя камп’ютарныя прэзентацыі і відэафільмы. Прадставілі сваё бачанне практыкі амаль усе групы студэнтаў. Прэзентацыі былі цікавымі, і кожная нечым уразіла. Перамогу ў конкурсе на лепшую прэзентацыю педпрактыкі атрымалі студэнты, якія праходзілі практыку ў СШ №22 г. Гомеля, іх прадстаўленне практыкі было самым крэатыўным. У сваіх выступленнях студэнты зазначылі, што праца настаўніка вельмі складаная і патрабуе грунтоўнай прафесійнай падрыхтоўкі, і выказалі ўпэўненасць, што правільна выбралі будучую прафесію.