Сустрэча з вучнямі педкласаў

Подробности

Просмотров: 330

26.10.2022 года ў межах прафарыентацыйнай работы на філалагічным факультэце адбылася сустрэча з вучнямі 10-х педагагічных класаў ДУА “Сярэдняя школа № 19 г.Гомеля”, ДУА “Гімназія № 40 г.Гомеля”, ДУА “Сярэдняя школа № 73 г.Гомеля”. 

З рэкламай факультэта выступілі дэкан факультэта А.М. Палуян і адказны за прафарыентацыйную работу З.У. Шведава, якія пазнаёмілі вучняў з гісторыяй факультэта, яе знакамітымі выпускнікамі, расказалі аб асаблівасцях кожнай спецыяльнасці факультэта, магчымых стажыроўках за мяжой, умовах паступлення і пражывання, магчымасці авалодання іншымі мовамі, працэсу навучання ў цэлым, размеркавання, растлумачылі ўмовы паступлення без уступных іспытаў і інш., адказалі на пытанні.

Студэнтка Ніна Алдакушкіна правяла з вучнямі цікавую гульню ў шарады “Адгадай слова”, якая выклікала інтарэс. За правільны адказ вучні атрымлівалі невялікі прыз.

Прафесар кафедры беларускай літаратуры А.М. Мельнікава правяла цікавую і змястоўную экскурсію ў Літаратурным музеі “Alma-mater”, дзе сабраны матэрыялы пра выпускнікоў філалагічнага факультэта, што сталі знакамітымі пісьменнікамі, паэтамі, а таксама пра выбітных пісьменнікаў Гомельшчыны.

Дарагія выпускнікі, наш факультэт чакае вас!

З.У. Шведава

Педагагічны практыкум

Подробности

Просмотров: 387

У рамках прафарыентацыйнай работы па падрыхтоўцы будучых настаўнікаў беларускай мовы і літаратуры 15 красавіка 2022 г. былі праведзены выязныя заняткі па педагагічным практыкуме ў ДУА “Сярэдняя школа № 26 г. Гомеля”. Студэнты 3 курса спецыяльнасці “Беларуская філалогія” разам з дацэнтам кафедры беларускай мовы З.У.Шведавай наведалі камбінаваны ўрок беларускай мовы па тэме “Антонімы” ў 5 класе, праведзены настаўніцай беларускай мовы і літаратуры Трубкінай Таццянай Віктараўнай.

Мэта заняткаў – выпрацаваць у студэнтаў уменне аналізаваць урок: вызначаць мэту ўрока, яго тып, структуру, метады і прыёмы і інш. Такога роду заняткі вельмі карысныя для студэнтаў 3 курса, якія толькі пачалі знаёміцца з методыкай выкладання беларускай мовы і беларускай літаратуры і яшчэ не бачылі школы.

Дзякуем кіраўніцтву школы і настаўніцы, што не адмовілі і паказалі ўзорны ўрок.

МЕТАДЫЧНЫ СЕМІНАР «ПРАКТЫКА-АРЫЕНТАВАНАЕ НАВУЧАННЕ Ў ВНУ І ШКОЛЕ: ТРАДЫЦЫІ І ПЕРСПЕКТЫВЫ»

Подробности

Просмотров: 512

15 снежня 2021 г. у рамках стажыроўкі на кафедры беларускай філалогіі Гродзенскага дзяржаўнага ўніверсітэта імя Янкі Купалы выкладчыкі кафедры беларускай мовы А.М.Воінава і З.У. Шведава прынялі актыўны ўдзел у метадычным семінары «Практыка-арыентаванае навучанне ў ВНУ і школе: традыцыі і перспектывы».

Подробнее: МЕТАДЫЧНЫ СЕМІНАР «ПРАКТЫКА-АРЫЕНТАВАНАЕ НАВУЧАННЕ Ў ВНУ І ШКОЛЕ: ТРАДЫЦЫІ І ПЕРСПЕКТЫВЫ»

Прафарыентацыя школьнікаў

Подробности

Просмотров: 483

22.09.2021 адбылася прафарыентацыйная сустрэча прадстаўнікоў філалагічнага факультэта ў асобах адказнага на факультэце за прафарыентацыйную работу З.У. Шведавай і студэнткі 3 курса спец. “Беларуская філалогія” Таццяны Піменёнкавай з вучнямі 11-х класаў ДУА “Гімназія №10 г.Гомеля” і ДУА “Гімназія №36 г.Гомеля імя І.П. Мележа” на базе УА “Гомельскі дзяржаўны цэнтр № 2 дапрызыўнай падрыхтоўкі”.

Вучням была прадстаўлена прэзентацыя ўніверсітэта ў цэлым і філалагічнага факультэта ў прыватнасці, буклеты факультэтаў. Школьнікі цікавіліся спецыяльнасцямі розных факультэтаў, прахаднымі баламі, умовамі паступлення, студэнцкім жыццём.

На завяршэнне сустрэчы з вучнямі правялі займальную віктарыну “Ці ведаеш ты слова”, у якой яны прынялі актыўны ўдзел.