Абсолютный рекорд университета им. Скорины:

Абсолютный рекорд университета им. Скорины: 40 лет возглавляет кафедру белорусской литературы Иван Штейнер, - подчеркнул ректор вуза Сергей Хахомов на торжественном мероприятии по случаю 70-летнего юбилея доктора филологических наук, профессора, члена-корреспондента Международной Академии наук Евразии Ивана Штейнера.
Профессор - основатель ученой школы "Региональный, общенациональный и общечеловеческий уровни в литературы: духовное наследство белорусов в мировом контексте", автор многочисленных монографий, фольклорно-этнографических сборников, методических и учебных пособий.
Под его руководством защитились 19 докторов и кандидатов наук. Его аспирант из КНР Цзи Хэхэ защитил диссертацию по проблеме идентичности белорусского литератора Владимира Кинга-Дедлова. Сейчас готовят исследования три докторанта и шесть аспирантов.
В копилке наград Ивана Штейнера – высокие лауреатские звания и медали, включая Президентскую премию за личный вклад в развитие способностей талантливой молодежи и медаль Франциска Скорины.

Подробнее

Маштабнасць таленту

10 верасня 70-гадовы юбілей святкуе Іван Фёдаравіч Штэйнер, доктар філалагічных навук, прафесар, член-карэспандэнт Міжнароднай Акадэміі навук Еўразіі, загадчык кафедры беларускай літаратуры ўстановы адукацыі “Гомельскі дзяржаўны ўніверсітэт імя Францыска Скарыны”.

Іван Фёдаравіч Штэйнер нарадзіўся ў 1953 годзе ў вёсцы Беражное Столінскага раёна Брэсцкай вобласці. Скончыў філалагічны факультэт Беларускага дзяржаўнага ўніверсітэта ў 1975 годзе. Працаваў дырэктарам Хатомельскай школы, у Інстытуце ўдасканальвання настаўнікаў Гомеля. З 1977 года жыццё І. Штэйнера звязана з Гомельскім дзяржаўным універсітэтам, дзе прайшоў шлях ад асістэнта да загадчыка кафедры беларускай літаратуры, якой кіруе сорак гадоў.

Iмя Штэйнера Iвана Фёдаравiча добра вядома сярод тых, хто цiкавiцца цi прафесiйна займаецца беларускай лiтаратурай. Доктар філалагічных навук, прафесар БДУ Алесь Бельскі так у свой час напісаў пра І. Ф. Штэйнера: “ Гэтым шчырым чалавекам кіруе натхнёнае сэрца, любоў да бацькоўскай зямлі. Іван Штэйнер слугуе беларускай філалогіі, літаратуры і культуры. Калі распачынаецца гаворка пра сённяшні навуковы і літаратурны Гомель, то, безумоўна, яго імя згадваецца адным з першых. Бо І.Штэйнер – асоба, яркая індывідуальнасць”.

І. Штэйнер – асоба шматгранная. Ён вядомы даследчык літаратуры і крытык, заснавальнік навуковай школы “Рэгіянальны, агульнанацыянальны і агульначалавечы ўзроўні ў літаратуры: духоўная спадчына беларусаў у сусветным кантэксце”. Аўтар звыш 20 манаграфій, 7 фальклорна-этнаграфічных зборнікаў, 4 метадычных дапаможнікаў, 3 вучэбных дапаможнікаў з грыфам Міністэрства адукацыі Рэспублікі Беларусь: “Польскамоўная літаратура Беларусі ХІХ стагоддзя”, “Шматмоўная літаратура Беларусі ХІХ стагоддзя”, “Гісторыя беларускай літаратуры XIX стагоддзя” (сумесна з Брадзіхінай А.В.).

Рэгулярна выступае на старонках рэспубліканскай перыёдыкі з агляднымі артыкуламі і рэцэнзіямі, надрукаваў значную колькасць навуковых матэрыялаў у энцыклапедыях, даведніках. Звыш пятнаццаці гадоў з’яўляўся галоўным рэдактарам міжвузаўскага зборніка “Беларуская літаратура”.

І. Штэйнер – лаўрэат прэміі Нацыянальнай акадэміі навук Беларусі за цыкл работ “Беларуская літаратура ў славянскім і сусветным кантэксце” (2007). Лаўрэат Нацыянальнай літаратурнай прэміі ў галіне літаратуразнаўства (манаграфія “Смехъ зъ болѣстию смешанъ будеть: смехавыя традыцыі Рэнесансу ў сатырычнай літаратуры ХХ стагоддзя” (2017). Узнагароджаны медалём Францыска Скарыны. Узнагароджаны Ганаровай Граматай Савета міністраў Рэспублікі Беларусь. Распараджэннем Прэзідэнта Рэспублікі Беларусь ў 2003 годзе І.Ф.Штэйнер атрымаў прэмію за асабісты ўнёсак у развіццё здольнасцей таленавітай моладзі. У гэтым жа годзе атрымаў ганаровае званне Выдатнік адукацыі Рэспублікі Беларусь.

І. Ф. Штэйнер – пастаянны ўдзельнік шматлікіх навуковых мерапрыемстваў, міжнародных канферэнцый, Мiжнароднаых з’ездаў славiстаў у Любляне (Славенiя), Охрыдзе (Македонія), Мінску, Бялградзе, канферэнцыях у Варшаве, Познані, Беластоку, Кракаве, Ольдэнбургу (Германія). На працягу многіх гадоў з’яўляўся членам Савета па абароне дысертацый пры НАН Беларусі.

Па ініцыятыве І. Ф. Штэйнера сабраныя ўнікальныя матэрыялы для літаратурнага музея “Alma mater”, прысвечанага выпускнікам ГДУ, якія сталі пісьменнікамі і журналістамі.

Важны напрамак навуковай дзейнасці прафесара І. Ф. Штэйнера – падрыхтоўка навуковых кадраў. Пад яго кіраўніцтвам абаронена адна доктарская дысертацыя (А. М. Мельнікавай) і 18 кандыдацкіх. Зараз рыхтуюць свае даследаванні тры дактаранты і шэсць аспірантаў. Аспірант з КНР Цзі Хэхэ абараніў цікавую дысертацыю па праблеме ідэнтычнасці таленавітага літаратара Уладзіміра Кінга-Дзедлава.

Апошнім часам талент І. Штэйнера раскрыўся з новага боку: ён выступіў як пісьменнік, аўтар п’ес “Мудрости зачало и конец” (2011), “Шлюб па прымусу” (2012), “Кот на лаўрах” (2013), “Юшка из буквиц печатных… вольная пьеса” (2017) (у суаўтарстве з С.Зяньковым); твораў “DELIRIUM. Псіхалагічная гісторыя з элементамі дэтэктыву” (2021). П’есы “Мудрости зачало и конец” і “Кот на лаўрах” былі пастаўлены Гомельскім абласным драматычным тэатрам і карысталіся поспехам у гледача. Мастацкія творы І. Ф. Штэйнера, па сутнасці, з’яўляюцца адлюстраваннем ягоных навуковых пошукаў.

Шчыра віншуем І. Ф. Штэйнера з юбілеем і жадаем яму новых дасягненняў і творчых поспехаў.

Кампетэнтнасна арыентаваныя заданні – гэта карысны інструмент на ўроку беларускай літаратурыоку беларускай літаратуры

Сёння на філалагічным факультэце прайшла сустрэча студэнтаў 2-4 курсаў з настаўнікам беларускай мовы і літаратуры Есісам Яўгеніем Валер’евічам. Мы пазнаёміліся з паняццем КАЗ (кампетэнтнасна арыентаваныя заданні) і ключавымі пазіцыямі яго структуры. Для разумення гэтага паняцця мы выконвалі розныя цікавыя заданні: вылучалі ключавыя словы, скадалі пазлы, знаёміліся са структурнымі кампазіцыямі ў ходзе гульні. Вынікі сустрэчы нам, як будучым настаўнікам, будуць карыснымі ў прафесійнай дзейнасці. Кампетэнтнасна арыентаваныя заданні – гэта карысны інструмент на ўроку беларускай літаратуры па развіцці камунікацыі вучняў.

 

 Шаўцова  Кацярына

 Фелькіна Настасся

1694004449198

 

1694004449220

 

1694004449234

 

1694004449250

 

1694004449267

 

1694004449281

ВЫНІК ПЛЁННАГА ДАСЛЕДАВАННЯ ТВОРЧАСЦІ КУЗЬМЫ ЧОРНАГА

Значная падзея адбылася нядаўна – выхад у выдавецтве “Беларуская навука” першага тома 12-томнага навукова каментаванага збору твораў класіка беларускай літаратуры Кузьмы Чорнага. Выданне падрыхтавана Інстытутам літаратуразнаўства імя Янкі Купалы НАН БеларусіНаклад выдання – 1000 асобнікаў.

Кузьма Чорны (1990-1944) з’яўляецца знакавай постаццю беларускай літаратуры. Уявіць беларускую літаратуру без Кузьмы Чорнага немагчыма. Яго творчасць мела выключны ўплыў на развіццё беларускага мастацтва слова. За Кузьмой Чорным даўно і трывала замацаваліся вызначэнні: пісьменнік-філосаф,  пісьменнік-псіхолаг, пісьменнік-наватар. Празаiку беларуская лiтаратура абавязана значным ўзмацненнем фiласофскага гучання, паглыбленнем  псiхалагiзму. Дзякуючы Кузьме Чорнаму нацыянальная проза выйшла на якасна новы узровень у даследаваннi ўнутранага свету чалавека, вывучэннi яго свядомасцi.

Да гэтага часу найбольш значным выданнем спадчыны пісьменнка быў збор твораў Кузьмы Чорнага у 8 тамах, якое было ажыццёўлена 50 год таму. У 1980-я гады пабачыў свет 6 томны збор твораў класіка.

Кафедра беларускай літаратуры ганарыцца, што аўтарам прадмовы да новага збору твораў стала прафесар Анжэла Мікалаеўна Мельнікава. Гэта вялікая адказнасць і гонар, паколькі аўтарам прадмовы да 8-томнага выдання быў Алесь Адамовіч, а да 6-томнага – вядомы беларускі пісьменнік Міхась Стральцоў.

А.М. Мельнікава стала і мэтанактравана займаецца даследаваннем творчасці Кузьмы Чорнага. Асэнсаванню спадчыны пісьменніка была прысвечана кандыдацкая дысертацыя Анжэлы Мікалаеўны і манаграфія “Паэтыка твораў Кузьмы Чорнага”. Вывучэнне творчасці празаіка было працягнута А. М. Мельнікавай і ў дысертацыі на атрыманне ступені доктара філалагічных навук.

1693379816772

 

1693379816791

ПАДВЕДЗЕНЫ ВЫНІКІ XXIX РЭСПУБЛІКАНСКАГА КОНКУРСУ СТУДЭНЦКІХ НАВУКОВЫХ РАБОТ 2022 ГОДА

Навуковыя работы студэнтаў і магістрантаў філалагічнага факультэта атрымалі дыпломы 1 катэгорыі ў Рэспубліканскім конкурсе студэнцкіх навуковых работ 2022 года. 

Пераможцамі 1 катэгорыі сталі

Таргонская А. В., выпускнік 2022 г., навуковая работа “Паэтыка цялеснасці ў беларускай лірыцы першай трэці ХХ стагоддзя”, навуковы кіраўнік Брадзіхіна Ала Васільеўна, кандыдат філалагічных навук, дацэнт кафедры беларускай літаратуры, дацэнт.

Пацягова А. А., выпускнік магістратуры 2022 г., навуковая работа “Пікарэскны і авантурны раман як жанравыя інварыянты ў беларускай прозе ХХ – пач. ХХІ стагоддзя”, навуковы кіраўнік Брадзіхіна Ала Васільеўна, кандыдат філалагічных навук, дацэнт кафедры беларускай літаратуры, дацэнт.

Ніцыеўская К. В.выпускнік 2022 г., навуковая работа “Феномен страху і формы яго выяўлення ў сучаснай беларускай прозе”, навуковы кіраўнік Брадзіхіна Ала Васільеўна, кандыдат філалагічных навук, дацэнт кафедры беларускай літаратуры, дацэнт.

 

 

 

 

2011 Навіны кафедры. Филологический факультет им. Ф. Скорины
Powered by Joomla 1.7 Templates