ПЕРШЫ КРАЯЗНАЎЧЫ ФОРУМ БЕЛАРУСІ

Подробности

Просмотров: 1489

12-13 сакавіка 2020 года ў Нацыянальным гістарычным музеі Рэспублікі Беларусь (г. Мінск) адбыўся  I РЭСПУБЛІКАНСКІ КРАЯЗНАЎЧЫ ФОРУМ БЕЛАРУСІ ў рамках Года малой радзімы, арганізаваны Міністэрствамі культуры, інфармацыі, адукацыі Рэспублікі Беларусь, а таксама грамадскім аб’яднаннем “Беларускі фонд культуры”.  У форуме прынялі ўдзел больш за 250 дэлегатаў, сярод якіх як славутыя краязнаўцы, так і пачаткоўцы.

З дакладам “Проблемы взаимодействия краеведения и художественной литературы (на примере творчества В.Л. Кигна-Дедлова)” выступіў аспірант кафедры беларускай літаратуры Цзы Хэхэ.

Работа з навучэнцамі гімназіі

Подробности

Просмотров: 490

У межах прафарыентацыйнай работы прафесар кафедры беларускай літаратуры А. М. Мельнікава выступіла ў гімназіі № 14 г. Гомеля. А. М. Мельнікава пазнаёміла вучняў старэйшых класаў з гісторыяй Гомельскага ўніверсітэта імя Ф. Скарыны, спецыфікай вучобы на філалагічным факультэце, расказала пра гомельскую школу ў беларускай літаратуры, пра літаратурны музей “Alma mater”, пра творчасць славутых выпускнікоў вядучай навучальнай установы Палесся. Навучэнцам было паведамлена, у якіх прафесіях яны могуць сябе рэалізаваць, абраўшы філалагічны факультэт. Вучні з цікавасцю ўключыліся ў адказы на пытанні літаратурнай віктарыны, прапанаванай А. М. Мельнікавай.

Прэзентацыя новай кнігі “Шлола травы” паэта і перакладчыка Андрэя Хадановіча

Подробности

Просмотров: 654

Сёння, 10 снежня, адбылася прэзентацыя новай кнігі “Шлола травы” знакамітага паэта і перакладчыка Андрэя Хадановіча. Сустрэча адбылася ў першым корпусе, у аўдыторыі 2-27. У дзень уручэння Нобелеўскай прэміі па літаратуры паэт чытаў свае вершы, спяваў уласныя песні і пераклады Нобелеўскага лаўрэата 2017 года Боба Дылана, здолеў узрушыць аўдыторыю сваімі досціпамі і жартамі. Таксама гучалі песні на вершы беларускіх класікаў, пераклады М. Багдановіча і У. Караткевіча з рускай на беларускую мову. Паэт задаваў цікавыя пытанні па літаратуры і аўдыторыя актыўна намагалася адказаць на кожнае з іх. Час прайшоў незаўважна, слухачы былі ў захапленні ад выступлення паэта. Сустрэча скончылася аўтограф-сесіяй А. Хадановіча.

Марыя Язерская, гр. БФ-31

“Універсітэцкія суботы”

Подробности

Просмотров: 630

23 лістапада  2019 года на філалагічным факультэце ў рамках праекта “Універсітэцкія суботы” адбылася сустрэча вучняў школ № 40 і №72 г. Гомеля з выкладчыкамі і студэнтамі факультэта.

З рэкламай факультэта выступілі дэкан факультэта А.М. Палуян, намеснік дэкана па вучэбнай рабоце Н.П. Цімашэнка, намеснік дэкана па прафарыентацыйнай рабоце З.У. Шведава. Вучняў пазнаёмілі з гісторыяй факультэта, яе знакамітымі выпускнікамі, паказалі, як шанаваць і захоўваць інфармацыю, назапашаную стагоддзямі і падзей недалёкага мінулага.

Былі праведзены цікавыя і змястоўныя экскурсіі ў музеі “Alma-mater” (прафесар кафедры беларускай літаратуры, д.ф.н. А.М. Мельнікава) і літаратурна-асветніцкім цэнтры памяці аб Вялікай Айчыннай вайне “Патрыётыка” (дацэнт кафедры рускай і сусветнай літаратуры, к.ф.н. дац. Н.П. Капшай); паказалі кабінеты кітайскай мовы, польскай мовы і інш.

Студэнты нашага факультэта Дрывайла Аляксандра (БФ-21) і Пархоменка Яўген (БФ-31) пазнаёмілі вучняў са структурай факультэта і паказалі, як цікава праходзіць студэнцкае жыццё, выкарыстаўшы прэзентацыю і відэаролікі; таксама прапанавалі вучням адказаць на некаторыя пытанні віктарыны па рускай і беларускай мовах. У выніку ўсе атрымалі невялікія прызы і буклеты факультэта.