Праграма "Запрошаны прафесар"

Подробности

Просмотров: 509

30 кастрычніка 2020 г. у рамках праграмы «Запрошаны прафесар» была прачытана загадчыкам кафедры ўкраінскай і замежнай літаратуры Мелітопальскага дзяржаўнага педагагічнага ўніверсітэта імя Б. Хмяльніцкага (Україна) Шаровай Таццянай Міхайлаўнай лекцыя «Сучасні підходи до організації освітнього процесу в інформаційному просторі: українська мова та інфомедійна грамотність» студэнтам 3 курса спецыяльнасці “Беларуская філалогія” (мадэратар сустрэчы – дацэнт кафедры беларускай мовы Шведава З.У.)

Таццяна Міхайлаўна прадэманстравала магчымасці інтэрнэт-прасторы ў авалоданні і папулярызацыі мовы на прыкладзе ўкраінскай. Лектар падзялілася ўласнымі напрацоўкамі, паказала прыклады тыпаў кантэнту, сварэння інфаграфікі, вучэбных гульняў і інш. з дапамогай анлайн-сэрвісаў, паказала магчымасці анлайн-трэнажораў.

Студэнты добра разумелі ўкраінскую мову, актыўна ўдзельнічалі ў гульнях. Лекцыя для іх была змястоўнай, цікавай, пазнавальнай і карыснай.

Вялікі дзякуй Таццяне Міхайлаўне за слушную лекцыю, спадзяемся на далейшае супрацоўніцтва.

Я слаўлю мамы светлае імя…

Подробности

Просмотров: 665

Мама... Матуля... Маці... Самыя дарагія на свеце словы. А які невычэрпны сэнс гэтага адзінага слова – МАМА! Слова, зразумелага, напэўна, на ўсіх мовах свету. У ім пяшчотная ласка, боль, любоў і надзея.

Свеціць, як сонца, ад самай калыскі

Вобраз любімы, родны і блізкі.

Маміна імя – самае лепшае.

Мама! Матуля! – чароўнае слова

Песняй ласкавай гучыць на ўсіх мовах!

14 кастрычніка з нагоды святкавання Дня маці са студэнтамі групы А-11 факультэта замежных моў было праведзена мерапрыемства, прысвечанае самаму роднаму чалавеку для кожнага з нас. Аб жанчыне-маці шмат сказана і напісана: ёй прысвячаюць свае творы пісьменнікі, узнёслымі словамі ўслаўляюць паэты, у яе гонар складаюць песні кампазітары. Аднак якія б словы ні гучалі ў яе адрас ад вядомых і знакамітых людзей, для кожнай маці самым жаданым і кранаючым сэрца становіцца прызнанне яе дзяцей. Таму ў гэты святочны дзень студэнты групы А-11 ад шчырага сэрца распавядалі пра сваіх матуль, чыталі ў іх гонар свае вершы і вершы вядомых беларускіх паэтаў. Цёплая атмасфера мерапрыемства нікога не пакінула абыякавым, паколькі маці – самая дарагая раскоша ў свеце. Так будзем удзячны нашым матулям за ўсё!

                                                                               Н. Цімашэнка

Міжнародная навуковая канферэнцыя “Фразеалогія ў кантэксце сумежных навук”

Подробности

Просмотров: 787

12 – 13 кастрычніка 2020 года на філалагічным факультэце Ужгарадскага  нацыянальнага ўніверсітэта (Україна) адбылася Міжнародная навуковая канферэнцыя “Фразеалогія ў кантэксце сумежных навук”, наладжаная ў гонар 80-годдзя з дня нараджэння доктара філалагічных навук прафесара В. М. Макіенкі,  ганаровага старшыні Камісіі па славянскай фразеалогіі пры Міжнародным камітэце славістаў.

Подробнее: Міжнародная навуковая канферэнцыя “Фразеалогія ў кантэксце сумежных навук”

Міжнародная навуковая канферэнцыя “Фразеалогія ў кантэксце сумежных навук”

Подробности

Просмотров: 492

12–13 кастрычніка 2020 года на філалагічным факультэце Ужгарадскага  нацыянальнага ўніверсітэта (Україна) адбылася Міжнародная навуковая канферэнцыя “Фразеалогія ў кантэксце сумежных навук”, наладжаная ў гонар 80-годдзя з дня нараджэння доктара філалагічных навук прафесара     В. М. Макіенкі,  ганаровага старшыні Камісіі па славянскай фразеалогіі пры Міжнародным камітэце славістаў.

Праграма канферэнцыі давяла аб актыўнасці вучоных з розных краін: у ёй прынялі ўдзел больш за сто фразеолагаў і парэміёлагаў з Беларусі, Германіі, Грузіі, Польшчы, Расіі, Славеніі, Украіны, Чэхіі і інш. Ад Гомельскага дзяржаўнага ўніверсітэта імя Ф. Скарыны былі заяўлены даклады прафесараў У. І. Коваля, В. А. Ляшчынскай, А. У. Нічыпорчык і магістранта філалагічнага факультэта А. Аксёнчыкавай-Біруковай.

Канферэнцыя працавала ў рэжыме оn-line, яе вяла доктар філал. навук прафесар Ужгарадскага  нацыянальнага ўніверсітэта вядомы фразеолаг Н. Ф. Венжыновіч, з якой у гомельскіх калег даўнія сувязі і трывалыя навуковыя інтарэсы. У першы дзень работы канферэнцыі на пленарным пасяджэнні былі заслуханы даклады прафесара кафедры беларускай мовы В. А. Ляшчыскай  (“Метафарычнае вымярэнне хуткасці працякання часу ў беларускай фразеалогіі”) і прафесара кафедры рускага, агульнага і славянскага мовазнаўства У. І. Коваля (“Эвфемистические фразеологизмы в славянских и китайском языках”), а на другі дзень – даклад загадчыка кафедры рускага, агульнага і славянскага мовазнаўства А. У. Нічыпорчык (“К вопросу об инновациях в паремиологических исследованиях”).

Подробнее: Міжнародная навуковая канферэнцыя “Фразеалогія ў кантэксце сумежных навук”