Знаёмства з методыкамі выкладання беларускай мовы

Подробности

Просмотров: 428

У рамках прафарыентацыйнай работы па падрыхтоўцы будучых настаўнікаў беларускай мовы і літаратуры 15 красавіка 2021 г. былі праведзены выязныя заняткі па методыцы выкладання беларускай мовы ў ДУА “Гімназія № 10 г. Гомеля”, на базе якой знаходзіцца філіял кафедры беларускай мовы.

Подробнее: Знаёмства з методыкамі выкладання беларускай мовы

Алімпіяда па беларускай мове для студэнтаў 2 курса

Подробности

Просмотров: 278

18.03.2021 сярод студэнтаў другога курса спецыяльнасці “Беларуская філалогія” пад кіраўніцтвам З.У. Шведавай была праведзена алімпіяда па беларускай мове, якая дазволіла нашым студэнтам праявіць свае лінгвістычныя здольнасці.

Па падвядзенні вынікаў лепшымі сталі:

Мельнікава Ангеліна – 1 месца,

Уніятава Кацярына – 2 месца,

Піменава Аліна і Саўкова Марыя – 3 месца.

Студэнты атрымалі граматы і невялікія прызы.

Знаўцы роднай мовы

Подробности

Просмотров: 401

З 29 сакавіка па 2 красавіка 2021 года ў горадзе Ліда Гродзенскай вобласці праходзіў заключны этап Рэспубліканскай алімпіяды па  беларускай мове і літаратуры.

Свае веды праверылі 127 навучэнцаў 9, 10 і 11 класаў. Былі прадстаўлены каманды з шасці абласцей, г. Мінска і ліцэя БДУ.

У першы дзень удзельнікі пісалі водгук на мастацкі твор (для 9 і 11 класаў быў прапанаваны вершаваны твор, для 10 класа – празаічны), а назаўтра выконвалі  комплексную работу па беларускай мове і літаратуры.

 Водгук на мастацкі твор належыць да найбольш складаных і адказных конкурсаў алімпіяды  як для вучняў і настаўнікаў, якія займаюцца падрыхтоўкай каманд, так і для членаў журы. Гэта абумоўлена яго творчым характарам. Комплексная работа правярае як практычныя навыкі (пісьменнасць, уменне карыстацца літаратурнай мовай, засваенне мовазнаўчага матэрыялу па ўсіх раздзелах курса беларускай мовы), так і навыкі працы са спецыяльнай лінгвістычнай літаратурай, уменне правільна тлумачыць і абагульняць моўныя факты. Заданні па літаратуры прадугледжваюць веданне канкрэтных твораў, адметнасць творчасці пісьменніка, суадносіны псеўданіма пісьменніка з  сапраўдным імем, разуменне тэарэтычных паняццяў, сувязь літаратуры з іншымі відамі мастацтва, веданне твораў, якія вывучаліся на памяць.

У складзе журы  прадстаўнікі ўстаноў вышэйшай адукацыі з кожнай вобласці, у тым ліку і выкладчыкі  філалагічнага факультэта Гомельскага дзяржаўнага ўніверсітэта імя Францыска Скарыны (А.М. Палуян. Н.П. Цімашэнка. З.У. Шведава).

У журы была складаная і надзвычай адказная задача — выявіць найлепшых з лепшых, самых годных, тых хлопцаў і дзяўчат, якім неабыякавы сучасны стан беларускай мовы. Думаецца, што з гэтай задачай строгае і справядлівае журы справілася.

А. Палуян, дэкан філалагічнага факультэта

Подробнее: Знаўцы роднай мовы

Падрыхтоўка да Рэспубліканскай алімпіяды

Подробности

Просмотров: 311

На працягу трох тыдняў выкладчыкі кафедры беларускай мовы Ляшчынская В.А., Паплаўная Л.В., Дземідзенка Л.П. , Хазанава К.Л. прымалі ўдзел у падрыхтоўцы вучняў 9 - 11класаў школ, ліцэяў і гімназій Гомельскай вобласці да заключнага этапа рэспубліканскай алімпіяды па беларускай мове і літаратуры. Заняткі праходзілі ў сценах філалагічнага факультэта ГДУ імя Ф. Скарыны. Падрыхтоўку прайшлі пераможцы абласнога туру Рэспубліканскай алімпіяды па беларускай мове і літаратуры.

На гэтым тыдні яны будуць прадстаўляць нашу вобласць Рэспубліканскім туры алімпіяды, які ў гэтым годзе праходзіць у г. Ліда.

Жадаем поспехаў !

Запрашаем працягнуць вывучэнне філалагічных дысцыплін на нашым факультэце!

Калі ласка!