Новыя кнігі
- Подробности
- Просмотров: 398
Кафедра беларускай мовы ганарыцца новымі навуковымі выданнямі, падрыхтаванымі выкладчыкамі.
Доктар філалагічных навук прафесар прафесар кафедры беларускай мовы Вольга Аляксееўна Ляшчынская прапанавала навуковай філалагічнай аўдыторыі сваю новую манаграфію:
Ляшчынская В.А. Два фрагменты фразеалагічнай карціны свету беларусаў / В.А. Ляшчынская. – Мінск: РІВШ, 2020. – 230 с.
У сааўтарстве з дацэнтам кафедры беларускай мовы кандыдатам філалагічных навук Шведавай Зояй Уладзіміраўнай Вольга Аляксееўна падрыхтавала фразеалагічны слоўнік:
Ляшчынская В.А., Шведава З.У. Вобраз чалавека ў беларускай фразеалогіі: cлоўнік. – Мінск: РІВШ, 2020. – 304 с.
Абодва выданні з'явіліся вынікам вялікай навуковай дзейнасці па даследаванні беларускай фразеалогіі. манагарфія і слоўнік прызначаюцца студэнтам, магістрантам, аспірантам, што вывучаюць славянскую філалогію, а таксама ўсім цікаўным фразеалогіяй славянскіх моў.
«Восеньская віктарына»
- Подробности
- Просмотров: 313
06.11.2020 – у час школьных канікул на філалагічным факультэце дацэнтам кафедры беларускай мовы Шведавай З.У. сумесна з настаўніцай беларускай мовы і літаратуры ДУА “Гімназія № 51 г. Гомеля” Афанасьевай Н.В. была арганізавана і праведзена для вучняў 9 класа «Восеньская віктарына» анлайн на платформе Jitsi Meet.
У рамках віктарыны студэнтка 3 курса спецыяльнасці “Беларуская філалогія” Дрывайла Аляксандра правяла прафарыентацыйную гутарку па рэкламе філалагічнага факультэта і ўніверсітэта. Пытанні віктарыны былі арыентаваны на веданне лексікі, фразеалагізмаў і прыказак беларускай мовы. Вучні паказалі высокі ўзровень валодання роднай мовы, былі зацікаўлены жыццём студэнтаў, выказалі жаданне прыйсці на экскурсію на філалагічны факультэт ГДУ імя Ф. Скарыны.
Чакаем вас у сценах нашай alma-mater!
Выніковы этап гомельскай абласной навукова-практычнай канферэнцыі вучняў “Пошук”
- Подробности
- Просмотров: 342
31.10.2020 праходзіў выніковы этап гомельскай абласной навукова-практычнай канферэнцыі вучняў “Пошук”. Праца секцыі “Лінгвістыка (беларуская мова)” праходзіла на базе філалагічнага факультэта ГДУ імя Ф. Скарыны. Папярэдне членамі экспертнай камісіі – дацэнтамі кафедры беларускай мовы Вяргеенка С.А. і Шведавай З.У. былі вызначаны 12 лепшых навуковых работ, улічвалася актуальнасць тэмы, пастаноўка мэты і задач работы, іх дасягненне і практычная значнасць, крэатыў у падыходзе да відэапрадстаўлення работы. 31 кастрычніка адбылася анлайн-дыскусія з вучнямі вызначаных работ, якая паказала, што вучні зацікаўлены навуковай работай, валодаюць матэрыялам і здольныя прадаўжаць работу ў вызначаным накірунку.
Лекцыя «Сучасні підходи до організації освітнього процесу в інформаційному просторі: українська мова та інфомедійна грамотність»
- Подробности
- Просмотров: 383
30 кастрычніка 2020 г. у рамках праграмы «Запрошаны прафесар» была прачытана загадчыкам кафедры ўкраінскай і замежнай літаратуры Мелітопальскага дзяржаўнага педагагічнага ўніверсітэта імя Б. Хмяльніцкага (Україна) Шаровай Таццянай Міхайлаўнай лекцыя «Сучасні підходи до організації освітнього процесу в інформаційному просторі: українська мова та інфомедійна грамотність» студэнтам 3 курса спецыяльнасці “Беларуская філалогія” (мадэратар сустрэчы – дацэнт кафедры беларускай мовы Шведава З.У.)
Таццяна Міхайлаўна прадэманстравала магчымасці інтэрнэт-прасторы ў авалоданні і папулярызацыі мовы на прыкладзе ўкраінскай. Лектар падзялілася ўласнымі напрацоўкамі, паказала прыклады тыпаў кантэнту, сварэння інфаграфікі, вучэбных гульняў і інш. з дапамогай анлайн-сэрвісаў, паказала магчымасці анлайн-трэнажораў.
Студэнты добра разумелі ўкраінскую мову, актыўна ўдзельнічалі ў гульнях. Лекцыя для іх была змястоўнай, цікавай, пазнавальнай і карыснай.
Вялікі дзякуй Таццяне Міхайлаўне за слушную лекцыю, спадзяемся на далейшае супрацоўніцтва.
Міжнародная навуковая канферэнцыя “Фразеалогія ў кантэксце сумежных навук”
- Подробности
- Просмотров: 420
12–13 кастрычніка 2020 года на філалагічным факультэце Ужгарадскага нацыянальнага ўніверсітэта (Україна) адбылася Міжнародная навуковая канферэнцыя “Фразеалогія ў кантэксце сумежных навук”, наладжаная ў гонар 80-годдзя з дня нараджэння доктара філалагічных навук прафесара В. М. Макіенкі, ганаровага старшыні Камісіі па славянскай фразеалогіі пры Міжнародным камітэце славістаў.
Праграма канферэнцыі давяла аб актыўнасці вучоных з розных краін: у ёй прынялі ўдзел больш за сто фразеолагаў і парэміёлагаў з Беларусі, Германіі, Грузіі, Польшчы, Расіі, Славеніі, Украіны, Чэхіі і інш. Ад Гомельскага дзяржаўнага ўніверсітэта імя Ф. Скарыны былі заяўлены даклады прафесараў У. І. Коваля, В. А. Ляшчынскай, А. У. Нічыпорчык і магістранта філалагічнага факультэта А. Аксёнчыкавай-Біруковай.
Канферэнцыя працавала ў рэжыме оn-line, яе вяла доктар філал. навук прафесар Ужгарадскага нацыянальнага ўніверсітэта вядомы фразеолаг Н. Ф. Венжыновіч, з якой у гомельскіх калег даўнія сувязі і трывалыя навуковыя інтарэсы. У першы дзень работы канферэнцыі на пленарным пасяджэнні былі заслуханы даклады прафесара кафедры беларускай мовы В. А. Ляшчыскай (“Метафарычнае вымярэнне хуткасці працякання часу ў беларускай фразеалогіі”) і прафесара кафедры рускага, агульнага і славянскага мовазнаўства У. І. Коваля (“Эвфемистические фразеологизмы в славянских и китайском языках”), а на другі дзень – даклад загадчыка кафедры рускага, агульнага і славянскага мовазнаўства А. У. Нічыпорчык (“К вопросу об инновациях в паремиологических исследованиях”).
Подробнее: Міжнародная навуковая канферэнцыя “Фразеалогія ў кантэксце сумежных навук”