Міжнародная навуковая канферэнцыя у Навазыбкаве

Подробности

Просмотров: 1118

23-24 кастрычнiка 2014 г. на базе філіяла Бранскага дзяржаўнага ўніверсітэта імя акад. І.Г. Пятроўскага ў г. Навазыбкаве (Расія) адбылася Міжнародная навуковая канферэнцыя “Российско-Белорусско-Украинское пограничье: научное взаимодействие в контексте единого социокультурного пространства”, прысвечаная доктару філалагічных навук прафесару П.А. Растаргуеву.

Канферэнцыя была даволі прадстаўнічая. У ёй прымалі ўдзел вучоныя розных славянскіх краін: Расіі, Беларусі, Украіны, Сербіі. Беларусь прадстаўлялі вучоныя БДУ, Інстытута гісторыі НАН Беларусі, Мінскага дзяржаўнага ўніверсітэта імя М. Танка, Гомельскага дзяржаўнага ўніверсітэта імя Ф. Скарыны, Брэсцкага дзяржаўнага ўніверсітэта імя А.С. Пушкіна, Віцебскага дзяржаўнага ўніверсітэта імя П.М. Машэрава, Магілёўскага дзяржаўнага ўніверсітэта імя А.А. Куляшова, Мазырскага дзяржаўнага педагагічнага ўніверсітэта імя І.П. Шамякіна, супрацоўнікі Веткаўскага музея народнай творчасці імя Ф.Р. Шклярава. Насычанай была работа секцый. На канферэнцыі працавалі 6 секцый, у якіх абмяркоўваліся асаблівасці праяўлення і функцыянавання на тэрыторыі расійска-беларуска-украінскага памежжа лінгвакультуры, славянскай культуры, славянскага тэксту і кантэксту, асвятляліся праблемы медыцыны і экалогіі, педагогікі і псіхалогіі, методыкі навучання ў пагранічных рэгіёнах.

Па выніках канферэнцыі апублікаваны Матэрыялы ў 2-х частках. Удзельнікамі канферэнцыі былі і выкладчыкі нашай кафедры: А.М. Воінава, В.А. Ляшчынская, А.А. Станкевіч, К.Л. Хазанава, Н.П. Цімашэнка. Станкевіч А.А. выступіла з дакладам на тэму “Сімволіка агню і вады ў вясельнай абраднасці Гомельшчыны” на пленарным пасяджэнні канферэнцыі. У праграму секцыі “Восточнославянское единство русской, белорусской и украинской лингвокультур: традиции и новаторство” былі ўключаны даклады Воінавай А.М. “Семантычная характарыстыка лексем пахавальнага абраду ў гаворках Гомельскага рэгіёна”, Ляшчынскай В.А. “Раслінны код культуры ў беларускай фразеалагічнай антрапаніміі”, Хазанавай К.Л. “Пятроўкі ў беларускіх і рускіх гаворках”, Цімашэнка Н.П. “Спецыфіка сінтаксісу беларускіх парэмій”.

У час канферэнцыі адбылося адкрыццё помніка П.А. Растаргуеву і яго жонкі Н.Д. Растаргуевай. Удзельнікі канферэнцыі наведалі музей “Палеазой” бліз в. Юдзінава ў Пагарским раёне Бранскай вобласці на месцы самай старажытнай стаянкі першабытнага чалавека, час якой вучонымі датуецца прыблізна ад 15 да 30 тыс. гадоў таму назад. Жыллё першабытных людзей было пабудавана з касцей маманта. Цікавай і змятоўнай была экскурсія ў краязнаўчы музей в. Юдзінава, які па праву лічыцца адным з лепшых у гэтым рэгіёне. Канферэнцыя пакінула глыбокія ўражанні ў яе ўдзельнікаў.

Падрыхтавала д.ф.н., прафесар  А.А. Станкевіч

Подробнее: Міжнародная навуковая канферэнцыя у Навазыбкаве

Не згасае святло Скарынавых iдэй

Подробности

Просмотров: 1428

14 лістапада 2014 года кафедра беларускай мовы ўстановы адукацыі “Гомельскі дзяржаўны ўніверсітэт імя Францыска Скарыны” і Навукова-даследчы інстытут гісторыі і культуры ўсходнеславянскіх народаў пры ГДУ імя Ф. Скарыны ладзілі Міжнародную навуковую канферэнцыю “Святло Скарынавых ідэй”. Сустрэча навукоўцаў Беларусі, Расіі і Украіны была прысвечана прысвечаную 90-годдзю з дня нараджэння прафесара доктара філалагічных навук Уладзіміра Васільевіча Анічэнкі (1924-2001).

З 1970 г. жыццё і навуковая дзейнасць Уладзіміра Васільевіча непарыўна звязана з Гомельскім дзяржаўным універсітэтам, з кафедрай беларускай мовы. Даследчык узначальваў кафедру на працягу многіх гадоў, а з1991 г. па2001 г. плённа працаваў прафесарам кафедры беларускай мовы і загадчыкам лінгвістычнай лабараторыі. 

          Творчай і навуковай энергіі У. В. Анічэнкі хапала на правядзенне рэспубліканскіх і міжнародных навуковых канферэнцый (“Рэгіянальныя традыцыі ва ўсходнеславянскіх мовах, літаратурах і фальклоры”; “Скарынаўскія чытанні”; “Скарына і наш час”;

“Пытанні нармалізацыі беларускай навуковай тэрміналогіі”; “Навуковыя чытанні, прысвечаныя С. Некрашэвічу”;

“Перспектывы развіцця і функцыянавання нарматыўнай лексікі”), падрыхтоўку зборнікаў навуковых артыкулаў “Беларуская мова і мовазнаўства” (пазней “Беларуская мова”),

стварэнне пры кафедры беларускай мовы аспірантуры па спецыяльнасці 10.02.01 “Беларуская мова” і Савета па абароне кандыдацкіх дысертацый К.02.12.03.

За 30 гадоў навукова-педагагічнай дзейнасці ў ГДУ доктар філалагічных навук прафесар У. В. Анічэнка стварыў грунтоўную школу вучоных – кваліфікаваных спецыялістаў у галіне беларускага мовазнаўства. Аспіранты У. В. Анічэнкі абаранілі 25 кандыдацкіх і 1 доктарскую дысертацыі. Прыемна адзначыць, што 14 з узгаданых даследчыкаў у цяперашні час займаюць пасады дацэнтаў нашай кафедры.

Подробнее: Не згасае святло Скарынавых iдэй

Купалава слова: Слоўнік мовы Янкі Купалы

Подробности

Просмотров: 4494

7 кастрычніка 2014 года ў Інстытуце рускай мовы імя В.У. Вінаградава РАН (Масква, вул. Валхонка, 18/2) адбылося чарговае пасяджэнне семінара “Тэорыя і практыка аўтарскай лексікаграфіі”, на якім па запрашэнні адміністрацыі Інстытута рускай мовы імя В.У. Вінаградава выступіла доктар філалагічных навук прафесар, прафесар кафедры беларускай мовы УА “ГДУ імя Ф. Скарыны” Вольга Аляксееўна Ляшчынская з дакладам “Купалава слова: Слоўнік мовы Янкі Купалы”.

Подробнее: Купалава слова: Слоўнік мовы Янкі Купалы

Святло Скарынавых iдэй

Подробности

Просмотров: 1289

14 лістапада 2014 года кафедра беларускай мовы ўстановы адукацыі “Гомельскі дзяржаўны ўніверсітэт імя Францыска Скарыны” і Навукова-даследчы інстытут гісторыі і культуры ўсходнеславянскіх народаў пры ГДУ імя Ф. Скарыны праводзяць Міжнародную навуковую канферэнцыю “Святло Скарынавых ідэй”.

Канферэнцыя прысвечаецца прысвечаную 90-годдзю з дня нараджэння прафесара Уладзіміра Васільевіча Анічэнкі.

Праблемнае поле канферэнцыі

1. Асоба прафесара У.В.Анічэнкі і яго роля ў развіцці беларускай лінгвістыкі.

2. Эпоха і справы Скарыны.

3. Традыцыі Ф.Скарыны.

4. Нацыянальная мова ў гістарычна-культурным працэсе.

5. Праблемы сучаснай дыялекталогіі і лінгвагеаграфіі.

6. Вывучэнне розных узроўняў беларускай літаратурнай мовы.

7. Беларуская лексікаграфія.

8. Актуальныя пытанні анамастыкі.

9. Міжмоўная камунікацыя і моўныя кантакты.

10. Дыскусійныя пытанні этналінгвістыкі.

11. Мова і сродкі масавай камунікацыі.

12. Пераклад і інтэрпрэтацыя тэксту.

13. Стылістыка мастацкага слова.

14. Літаратуразнаўства.

Рабочыя мовы канферэнцыі: беларуская і іншыя славянскія, англійская мовы.

Урачыстае адкрыццё канферэнцыі адбудзецца 14 лістапада 2014 года ў 10 гадзін у чытальнай зале галоўнага корпуса ГДУ імя Ф. Скарыны (Гомель, вул. Савецкая, 104).

Падчас адкрыцця канферэнцыі плануецца ўрачыстая цырымонія перадачы факсімільных выданняў кніжнай спадчыны Францыска Скарыны ў дар Гомельскаму дзяржаўнаму ўніверсітэту імя Францыска Скарыны, у якой прыме ўдзел намеснік дырэктара Нацыянальнай бібліятэкі Беларусі (Мінск), кандыдат культуралогіі Аляксандр Аляксандравіч Суша.

Сардэчна запрашаем!!!!!